अभिनेत्री नम्रता श्रेष्ठ अभिनीत ‘नारी’ बोलको र्‍याप गीत सार्वजनिक,‘नारी’ गीतमा घरेलू हिंसाको कथा • Nepal's Trusted Digital Newspaperअभिनेत्री नम्रता श्रेष्ठ अभिनीत ‘नारी’ बोलको र्‍याप गीत सार्वजनिक,‘नारी’ गीतमा घरेलू हिंसाको कथा • Nepal's Trusted Digital Newspaper
  • होमपेज
  • अभिनेत्री नम्रता श्रेष्ठ अभिनीत ‘नारी’ बोलको र्‍याप गीत सार्वजनिक,‘नारी’ गीतमा घरेलू हिंसाको कथा

अभिनेत्री नम्रता श्रेष्ठ अभिनीत ‘नारी’ बोलको र्‍याप गीत सार्वजनिक,‘नारी’ गीतमा घरेलू हिंसाको कथा

  • समाचारपाटी
  • बुधबार, भदौ २९, २०७९
अभिनेत्री नम्रता श्रेष्ठ अभिनीत ‘नारी’ बोलको र्‍याप गीत सार्वजनिक,‘नारी’ गीतमा घरेलू हिंसाको कथा

अभिनेत्री नम्रता श्रेष्ठ अभिनीत ‘नारी’ बोलको र्‍याप गीत सार्वजनिक भएको छ । मंगलवार राजधानीमा एक कार्यक्रमका बीच सार्वजनिक गरिएको उक्त गीतमा प्रज्वल श्रेष्ठको म्यूजिक, मिक्सिङ र मास्टरिङ छ भने शब्द रचना गायक श्रेष्ठ र सेडी पोपाटको छ । गीतमा र्‍याप गायन श्रेष्ठ र पोपाट दुवैको छ ।

नयाँ बानेश्वरमा रहेको अडियो र भिडियो उत्पादक कम्पनी मुनस्टोन प्रोडक्सनले निर्माण गरेको गीतको भिडियोमा नम्रतासँगै आशिष मगर र यूनिका केसीले अभिनय गरेका छन् । महिलामाथि हुने घरेलू हिंसाको कथामा निर्माण भएको भिडियोमा नम्रताकाे जीवन्त अभिनय देख्न सकिन्छ । आफूमाथि हुने कुनै पनि प्रकारको हिंसाको प्रतिकार गर्नुपर्छ भन्ने सन्देश भिडियोले दिन्छ ।

गीत सार्वजनिक कार्यक्रममा अभिनेत्री नम्रताले आफूमाथि भएको हिंसा सहेर बस्न नहुने धारणा राख्नुभयाे । उहाँले गाउँमा मात्र नभइ महिलामाथि हुने घरेलू हिंसा शहरमा पनि उतिक्कै रहेको र आफूले पनि साथीभाई र आफन्तमा त्यस खालको हिंसा भएको देखेको बताउनुभयाे । उहाँले ‘नारी’ गीतले घरेलू हिंसाविरुद्ध आवाज उठाउन मद्दत गर्ने विश्वास व्यक्त गर्नुभयाे ।

गायक प्रज्वल श्रेष्ठले ‘नारी’ गीत आफूले आफ्नो आमालाई सम्झिएर लेखेको र गाएको बताउनुभयाे । यो गीतले महिलामाथि हुने घरेलू हिंसा अन्त्य गर्न सघाउने उहाँको विश्वास छ ।

त्यस्तै, मुनस्टोन प्रोडक्सनका कम्पनी म्यानेजर आशिष मगरले घरेलू हिंसाविरुद्धको अभियानमा सघाउन ‘नारी’ गीतको निर्माण गरेको बताउनुभयाे । उहाँले आगामी दिनमा पनि यसप्रकारका सन्देशमुलक गीतको निर्माण मुनस्टोनले गर्ने जानकारी दिनुभयाे । यो कम्पनीले अडियो र भिडियोसँगै फिचर चलचित्रको पनि काम गर्दै आएको छ ।

nari2 scaled

आजको ट्रेन्डिङ समाचार

धेरै कमेन्ट गरिएका