विपी जयन्तीको अवसरमा वीपी स्मृति पुस्तकालयको उद्घाटन • Nepal's Trusted Digital Newspaperविपी जयन्तीको अवसरमा वीपी स्मृति पुस्तकालयको उद्घाटन • Nepal's Trusted Digital Newspaper
  • होमपेज
  • विपी जयन्तीको अवसरमा वीपी स्मृति पुस्तकालयको उद्घाटन

विपी जयन्तीको अवसरमा वीपी स्मृति पुस्तकालयको उद्घाटन

  • समाचारपाटी
  • शनिबार, भदौ २५, २०७९
विपी जयन्तीको अवसरमा वीपी स्मृति पुस्तकालयको उद्घाटन

पोखरा । नेपाली काँग्रेस गण्डकी प्रदेशद्वारा विपी जयन्तीको अवसरमा वीपी स्मृति पुस्तकालयको उद्घाटन भएको छ। पोखरा–३ तेर्सापट्टीमा रहेको प्रदेश कार्यालयमा आउने अतिथिहरुलाई मध्यनजर गर्दै सुविधा सम्पन्न पुस्तकालय स्थापना गरिएको हो ।

305024129 5126417194124788 9160055397122454492 n

शुक्रबार उद्घाटन कार्यक्रममा १०९ औं वीपी जयन्तीको अवसर पारी वीपी स्मृति पुस्तकालय र सूचना, सञ्चार तथा प्रचार–प्रसार विभाग अन्तर्गत सूचना प्रविधि कक्ष उद्घाटन तथा अक्षयकोष एवम् पुरस्कार घोषणा कार्यक्रम भएको हो ।

वीपी स्मृति पुस्तकालय कक्षको उद्घाटन गर्दै पूर्व उपकुलपति प्रा.डा.केदार भक्त माथेमाले नेपाली काँग्रेस गण्डकी प्रदेशले पुस्तकालय स्थापना गर्नु खुसीको कुरा रहेको जानकारी गराउनुभएकाे थियाे । माथेमाले देश विकास गर्नको लागि जनता साक्षर हुुनु आवश्यक रहेको हुँदा नेपाली काँग्रेस गण्डकी प्रदेशमा आउने जो कोहीले पनि पुस्तकालयमा बसेर समय विताउने मात्र नभई ज्ञान लिएर जाने वातावरण बनेको हुँदा हर्षित महशुस गरेको बताउनुभएकाे थियाे । साथै, उहाँले ज्ञान लिनको लागि उमेरको कुनै अर्थ नरहेको हुँदा वालकदेखि बृद्धसम्मका व्यक्तिलाई शिक्षाको आवश्यक रहने, शिक्षाले नै मानिसलाई बौद्धिकता प्रद्धान गर्ने जानकारी गराउनुभएकाे थियाे।

त्यसैगरी नेपाली काँग्रेस गण्डकी प्रदेशका सभापति शुक्रराज शर्माले वीपीका सिद्धान्त भन्दै हिड्ने भएपनि पढ्ने बानी बसाल्न पुस्तकालय स्थापना गरिएको बताउनुभएकाे थियाे। साथै काँग्रेसले भोट माग्ने काममा मात्र वीपी सिद्धान्त प्रयोग भएको तर कार्यान्यवयन नभएको हुँदा अब नेपाली काँग्रेसले त्यसलाई व्यवहारिक ज्ञानमा अगाडि बढाउनुपर्ने अवस्था आएको जानकारी गराउनुभयाे ।

उहाँले राष्ट्र जोगाउनको लागि प्रजातन्त्र आवश्यक रहेको उल्लेख गर्दै राष्टियता, प्रजातन्त्र र समाजवादका बारेमा उल्लेख्य जानकारी गराउनुभएकाे थियाे। उहाँले प्रजातन्त्रको व्याख्या गर्दै प्रजातन्त्र नरहे सम्म देशको विकाश र स्थितरता नहुने स्पष्ट पार्नुभयाे । “प्रजातन्त्र नमान्नेहरु कुनैपनि समयमा विस्तापित हुने र हिजोको समयमा पनि विस्तापित हुँदै गएका छन् । हामी नेपालमा मात्रै नभई विश्वमा नै प्रजातन्त्र आवश्यक छ,” सभापति शर्माले भन्नुभयाे ।

नेपाली कांग्रेस गण्डकी प्रदेशले स्थापना गरेको करिब ३० लाख रुपैयाँको अक्षयकोषमा प्रदेश सभापति शुक्रराज शर्माले २५ हजार नगद हस्तान्तरण गर्दै पुरस्कारको थालनी गरेका छन् भने वीपी संग्राहलयका संस्थापक अध्यक्ष परशुराम पोखरेलले १ लाख सहयोग गर्ने बचनबद्धता व्यक्त गर्नुभएकाे थियाे। उक्त अक्षयकोषबाट गण्डकी प्रदेशका ११ जिल्लाका ११ जना उत्कृष्ट व्यक्तिलाई प्रत्येक वर्ष नगद २५ हजार र दोसल्ला सहित सम्मान गर्ने लक्ष्य लिएको गण्डकी प्रदेशका प्रवत्ता माधव प्रसाद बाँस्तोला (मधु)ले जानकारी गराउनुभयाे ।

उक्त कार्यक्रममा उपसभापति मेखलाल श्रेष्ठ, महामन्त्रीद्वय किरणबावु श्रेष्ठ, विष्णु लामिछाने, कास्की जिल्ला सभापति किशोर बराल, पूर्व सभापति कृष्ण केसी, वीपी संग्राहलयका संस्थापक अध्यक्ष परशुराम पोखरेल, नेता देवराज चालिसे, प्राध्यापक डा. कुशुमाकर न्यौपाने लगायतले शुभकामना मन्तव्य राखेको थिए।

305822649 649865013097913 8719925373443854733 n

आजको ट्रेन्डिङ समाचार

धेरै कमेन्ट गरिएका