कास्की क्षेत्र नम्बर १ बाट राप्रपा उम्मेदवारहरुको नाम सिफारिस • Nepal's Trusted Digital Newspaperकास्की क्षेत्र नम्बर १ बाट राप्रपा उम्मेदवारहरुको नाम सिफारिस • Nepal's Trusted Digital Newspaper
  • होमपेज
  • कास्की क्षेत्र नम्बर १ बाट राप्रपा उम्मेदवारहरुको नाम सिफारिस

कास्की क्षेत्र नम्बर १ बाट राप्रपा उम्मेदवारहरुको नाम सिफारिस

  • समाचारपाटी
  • बुधबार, भदौ २२, २०७९
कास्की क्षेत्र नम्बर १ बाट राप्रपा उम्मेदवारहरुको नाम सिफारिस

राप्रपा कास्की क्षेत्र नम्बर १ बाट उम्मेदवारहरुको नाम सिफारिश, केन्द्रीय उपाध्यक्ष हेमजंगसहित कुल २३ जनाको दाबेदारी

पोखरा। आगामी मंसिर ४ गते हुन लागेको प्रतिनीधिसभा तथा प्रदेश सभा निर्वाचनका लागि कास्की क्षेत्र नम्बर १ मा राष्ट्रिय प्रजातन्त्र पार्टीले प्रत्यक्षमा १३ र समानुपातिकमा १० जनाको नाम सिफारिस गरेको छ । पार्टीले गरेको सिफारिसको आधारमा प्रत्यक्षमा प्रतिनीधि सभातर्फ ५ जना, प्रदेशसभा क मा ५ र ख मा ३ जनाको नाम उल्लेख छ । त्यस्तै समानुपातिकतर्फ प्रतिनीधिसभामा २ जना र प्रदेशसभामा ८ जनाको नाम सिफारिस भएको राप्रपा कास्कीले बताएको छ ।

प्रत्यक्ष प्रतिनीधिसभातर्फ कास्की १ मा राप्रपाको तर्फबाट सिफारिस हुनेहरुमा राप्रपाका केन्द्रीय उपाध्यक्ष हेमजंग गुरुङ्गसँगै देऊबहादुर गुरुङ्ग, बाबुराम थापा, कृष्णप्रसाद रेग्मी र शालिकराम घिमिरे छन् । राप्रपा केन्द्रीय उपाध्यक्ष समेत रहेका हेमजंग लमजुंग स्थायी घर भएका नेता भएपनि कास्की १ बाट सिफारिस भएका हुन् । त्यस्तै प्रत्यक्ष तर्फ कास्की १ क मा सन्तोष घिमिरे, प्रकाश सापकोटा, हरिबहादुर घर्ती क्षेत्री, हरिप्रसाद धमला र रमेशराज पौडेलको नाम सिफारिस भएको छ । त्यस्तै प्रदेश ख मा सूर्यबहादुर गुरूङ्ग, सन्दीप कुँवर र सचिन थापाको नाम सिफारिस भएको छ ।

त्यसैगरि समानुपातिकतर्फ प्रतिनीधिसभाका लागि कास्की १ बाट भीमसेन गुरुङ्ग र बलराम तिवारीको नाम सिफारिस भएको छ । प्रदेशतर्फ भने राप्रपाका कास्की जिल्ला अध्यक्ष समेत रहेका नारायण गुरुङ्ग , शहिद क्षेत्रबहादुर केसीकी धर्मपत्नी सुनिता केसी, अन्य नेताहरु विष्णुप्रसाद पोखरेल, नारायणप्रसाद सुवेदी, झविन्द्रराज आचार्य, अमृतबहादुर कार्की, गीता गुरुङ्ग र लिलामोहन कुँईकेलको नाम सिफारिस भएर आएको राप्रपा कास्कीका प्रवक्ता अरुण गिरीले जानकारी दिनुभयाे ।

राप्रपा कास्कीले बुधबार कास्की क्षेत्र नम्बर २ को उम्मदेवारहरुको नाम सिफारिस गर्ने तयारीमा रहेको जनाएको छ ।

आजको ट्रेन्डिङ समाचार

धेरै कमेन्ट गरिएका