'विपद व्यवस्थापन कोषमा भएको रकम विपदको समयमा नै खर्च हुनुपर्छ':-बालकृष्ण खाँण • Nepal's Trusted Digital Newspaper'विपद व्यवस्थापन कोषमा भएको रकम विपदको समयमा नै खर्च हुनुपर्छ':-बालकृष्ण खाँण • Nepal's Trusted Digital Newspaper
  • होमपेज
  • ‘विपद व्यवस्थापन कोषमा भएको रकम विपदको समयमा नै खर्च हुनुपर्छ’:-बालकृष्ण खाँण

‘विपद व्यवस्थापन कोषमा भएको रकम विपदको समयमा नै खर्च हुनुपर्छ’:-बालकृष्ण खाँण

  • समाचारपाटी
  • शनिबार, भदौ १८, २०७९
‘विपद व्यवस्थापन कोषमा भएको रकम विपदको समयमा नै खर्च हुनुपर्छ’:-बालकृष्ण खाँण

गृहमन्त्री बालकृष्ण खाँणले विपद जोखिम न्युनिकरण तथा व्यवस्थापन प्राधिकरणलाई राज्यकोषबाट प्रदान गरेको रकम शतप्रतिशत सदुपयोग गर्न प्राधिकरणलाई निर्देशन दिनुभएको छ ।

शुक्रवार विपद जोखिम न्युनिकरण तथा व्यवस्थापन कार्यकारी समितिको बैठकमा बोल्दै गृहमन्त्री खाँणले विपद जोखिम न्युनिकरण तथा व्यवस्थापन प्राधिकरणलाई राज्यकोषबाट प्रदान गरेको रकम शतप्रतिशत सदुपयोग गर्न निर्देशन दिनुभएको हो । उहाँले सरकारले विपद जोखिम न्युनिकरण गर्न दिएको रकम सदुपयोग गर्न प्राधिकरण क्रियाशिल हुन जरुरी रहेको बताउनु भयो । मन्त्री खाँणले विपद जोखिम न्युनिकरण व्यवस्थापन प्राधिकरणलाई पनि सार्वजनिक खरिद ऐन लागू हुने भन्दै प्रचलित कानून अनुसार कोषको रकम खर्च गर्नुपर्ने बताउनु भयो । उहाँले विपद व्यवस्थापन कोषमा भएको रकम विपदको समयमा नै सदुपयोग हुनुपर्ने उल्लेख गर्नु भयो । उहाँले स्थानीय तहमा विपद जोखिम न्युनिकरणका लागि पठाएको रकम विपद व्यवस्थापनामा नै खर्च गर्नुपर्ने बताउनु भयो । मन्त्री खाँणले प्राधिकरणको कार्यकारी समितिले गरेका सबै निर्णयहरु गम्भिरतापूर्वक कार्यान्वयन गर्ने पनि निर्देशन दिनुभयो ।

उहाँले भन्नुभयो,‘यो वर्ष पनि बाढी पहिरोका कारण विभिन्न स्थानमा क्षति गरेको छ । विपद प्राधिकरणसँग सरकारले प्रदान गरेको कोष भएता पनि स्थानीय तह र स्थलगत रुपमा विपद व्यवस्थापनको लागि त्यो खालको प्राविधिक जनशक्ति व्यवस्थापन भएको अवस्था छैन । नेपाल सरकारका विभिन्न मन्त्रालय र मातहतका विभागलाई क्रियाशिल बनाउनुपर्ने र सहयोग र समन्वय गर्नुपर्ने अवस्था रहेको छ । यो वर्ष पहिरो वा बाढीले क्षति गरेको छ, त्यहाँ स्थानीय पालिकाहरुलाई नै जिम्मा दिएर सक्रिय बनाउन प्राधिकरण र मन्त्रालय प्राविधिक सहयोग लिन सक्नुपर्छ । प्राधिकरणको कार्यकारी समितिले गरेका निर्णयहरु गम्भिरतापूर्वक कार्यान्वयन हुनुपर्छ । विपद व्यवस्थापन कोषमा भएको रकम विपदको समयमा नै खर्च हुनुपर्छ । स्थानीय तहमा विपद जोखिम न्युनिकरणका लागि खर्च गर्न पठाएको रकम सदुपयोग हुन सक्नुपर्छ । प्राधिकरणको आर्थिक पद्धती र प्रक्रिया छ । त्यहाँ पनि सार्वजनिक खरिद ऐन लागू हुन्छ । त्यसले प्रचलित कानून अनुसार नै खर्च हुनुपर्छ । राज्य कोषबाट विपद जोखिम न्युनिकरणको लागि उपलब्ध भएको बजेट शतप्रतिशत नै सदुपयोग हुनुपर्छ । प्राधिकरणले शतप्रतिशत रकम सदुपयोग गर्न क्रियाशिल बन्नुपर्छ ।’

गृहमन्त्री खाँणले यो वर्ष पनि वर्षाको कारण देशका विभिन्न भागमा बाढी पहिरोका कारण ठूलो क्षति भएको बताउनु भयो । उहाँले विपद प्राधिकरणलाई सरकारले प्रदान गरेको कोष भएपनि स्थानीय तह र स्थलगत रुपमा विपद व्यवस्थापनको लागि त्यो खालको प्राविधिक जनशक्ति व्यवस्थापन नभएको बताउनु भयो । विपद व्यवस्थापनको लागि स्थानीय गाउँपालिकाहरुलाई नै जिम्मा दिएर सक्रिय बनाउन आवश्यक रहेको बताउनु भयो ।

 

आजको ट्रेन्डिङ समाचार

धेरै कमेन्ट गरिएका