पुरानो टुडिखेलमा तीज मेला जारी आजदेखि विभिन्न प्रतियोगिताहरु सुरु हुने • Nepal's Trusted Digital Newspaperपुरानो टुडिखेलमा तीज मेला जारी आजदेखि विभिन्न प्रतियोगिताहरु सुरु हुने • Nepal's Trusted Digital Newspaper
  • होमपेज
  • पुरानो टुडिखेलमा तीज मेला जारी आजदेखि विभिन्न प्रतियोगिताहरु सुरु हुने

पुरानो टुडिखेलमा तीज मेला जारी आजदेखि विभिन्न प्रतियोगिताहरु सुरु हुने

  • समाचारपाटी
  • आइतवार, भदौ १२, २०७९
पुरानो टुडिखेलमा तीज मेला जारी आजदेखि विभिन्न प्रतियोगिताहरु सुरु हुने

पोखरा । नेपाली महिलाहरुको महान पर्व हरितालिका तीजको अवसर पारि पोखरा १ स्थित पुरानो टुडिखेलमा सुरु ऐतिहासिक तीज मेला २०७९ जारी छ । शुक्रबार देखि सुरु मेला १६ भदौसम्म संचालन हुनेछ ।

नेपाली कला संस्कृतीको संरक्षण गर्ने उद्देश्य सहित इन्द्रेणी एकिकृत विकास केन्द्र, पोखरा १ को आयोजना तथा सुरताल इभेन्ट एण्ड मल्टिमिडिया प्रालिको व्यवस्थापनमा सुरु मेलामा आईतबारदेखि विभिन्न प्रतियोगिताहरु सुरु हुदैछन् ।

मेलामा आमा समुह स्तरीय मौलिक तीजगीत प्रतियोगिता, खुल्ला तीज गृहिणी नृत्य प्रतियोगिता, अन्तर विद्यालय स्तरीय लोक नृत्य प्रतियोगिता, गण्डकी प्रदेश स्तरीय छेलो लगायतका विभिन्न प्रतियोगिताहरु हुनेछ ।

आईतबारदेखि मेलामा आमा समुह स्तरीय मौलिक तीजगीत प्रतियोगिता, खुल्ला तीज गृहिणी नृत्य प्रतियोगिता सुरु हुने आयोजक केन्द्रका भानुभक्त अधिकारीले जानकारी दिनुभयाे ।

मेलामा दैनिक उपभोग्य सामान, कृर्षि, हस्तकला, बैक तथा वित्तिय सस्था, लत्ता कपडा लगायतका विभिन्न स्टलहरु सँगै रेष्टुरेन्ट र वाल उद्यान समेत रहेको छ । यस्का साथै मेलामा दैनिक राष्ट्रिय तथा स्थानीय कलाकारहरुको प्रस्तुती समेत रहनेछ ।

शुक्रबारदेखी सुरु मेलामा शनिवार कृष्ण अखेली, अमर धिताल, सुनीता नेपाली र निशा पोखरेल लगायतका कालाकारहरुले आ आफनो प्रस्तुती मार्फत दर्शकहरुलाई मनोरञ्जन दिलाएका थिए ।

शनिबार मेलाको करिव ५ हजारको हाराहारीमा दर्शकले अवलोकलन गरेका आयोजक केन्द्रका कार्यसमिति सदस्य दुर्गादत्त भुगाईले जानकारी दिनुभयाे ।

प्रतियोगिताका अलावा (आज) आईतबार रामजी खाँड, कृष्ण अखेली, मञ्जु विक, रामजी पौडेल, बिन्द्रा परियार लगायतलका काराकारहरुले आ आफनो प्रस्तुती दिने भुगाईले जानकारी दिनुभयाे ।

teej2 1

आजको ट्रेन्डिङ समाचार

धेरै कमेन्ट गरिएका