वागमती प्रदेश सरकारले स्वर्णपदक विजेता खेलाडीलाई मासिक ६ हजार रुपैयाँ दिने • Nepal's Trusted Digital Newspaperवागमती प्रदेश सरकारले स्वर्णपदक विजेता खेलाडीलाई मासिक ६ हजार रुपैयाँ दिने • Nepal's Trusted Digital Newspaper
  • होमपेज
  • वागमती प्रदेश सरकारले स्वर्णपदक विजेता खेलाडीलाई मासिक ६ हजार रुपैयाँ दिने

वागमती प्रदेश सरकारले स्वर्णपदक विजेता खेलाडीलाई मासिक ६ हजार रुपैयाँ दिने

  • समाचारपाटी
  • शनिबार, भदौ ११, २०७९
वागमती प्रदेश सरकारले स्वर्णपदक विजेता खेलाडीलाई मासिक ६ हजार रुपैयाँ दिने

वागमती प्रदेश सरकारले प्रदेश सरकारको प्राथमिकतामा परेका खेलहरुमा नवौं राष्ट्रिय खेलकुद २०७९ अन्तर्गत स्वर्णपदक विजेता खेलाडीलाई प्रोत्साहन गर्ने उद्देश्यले मासिक ६ हजार रुपैयाँ भत्ता दिने भएको छ ।

शुक्रवार काठमान्डौंमा नवौं राष्ट्रिय खेलकुद–२०७९, वागमती प्रदेशको तयारी तथा सहभागिताबारे जानकारी दिन आयोजना गरिएको पत्रकार सम्मेलनमा प्रदेश खेलकुद परिषद वागमती प्रदेशका सदस्यसचिव सूर्यलाल भण्डारीले यस्तो बताउनुभएको हो । उहाँले यस वर्षबाट वागमती प्रदेश सरकारले प्रदेश सरकारको प्राथमिकतामा परेका खेलहरुमा नवौं राष्ट्रिय खेलकुद २०७९ अन्तर्गत स्वर्णपदक विजेता खेलाडीलाई प्रोत्साहन गर्ने उददेश्यले मासिक ६ हजार रुपैयाँ भत्ता दिने निर्णय गरेको बताउनु भयो । उहाँले सो कुराको सुनिश्चितता प्रदेश खेलकुद नियमावली २०७६ को दफा १३ मा उल्लेख गरेर नै खेलाडीलाई मासिक भत्ता दिने व्यवस्था गरिएको जानकारी दिनुभयो । सदस्यसचिव भण्डारीले नवौं राष्ट्रिय खेलकुदमा सहभागी बन्ने प्रदेशका खेलाडीहरुलाई ४५ दिने बन्द प्रशिक्षणमा राख्ने निर्णय भएको पनि बताउनु भयो । उहाँले वागमती प्रदेशले भदौ २० गतेभित्र प्रदेश छनोट सक्ने गरेर छनोट तालिका र तयारी गरेको, साथै राष्ट्रिय खेलकुद परिषदको निर्णय अनुसार भदौ २५ गतेसम्म खेलाडी विवरण पठाइसक्ने तयारी गरेको पनि बताउनु भयो । उहाँले वागमती प्रदेश अन्तर्गतका खेलाडीहरुको प्रदेश छनोट तथा नवौं राष्ट्रिय खेलकुद २०७९ मा सहभागिताका लागि अनुमानित लागत ९ करोड ४४ लाख ८ सय रुपैयाँ खर्च हुने अनुमान गरेको र सोको लागि वागमती प्रदेश सरकारले प्रदेश छनोटका लागि ५ करोड रुपैयाँ विनियोजन गरिसकेको जानकारी दिनुभयो । उहाँले राष्ट्रिय खेलकुद परिषदबाट ४९ लाख निकासा रकम गइसकेको पनि बताउनु भयो । उहाँले बाँकी रकम प्रदेश सरकारसँग आर्थिक मामिला तथा योजना मन्त्रालयसँग माग गरिएको बताउनु भयो ।

उहाँले भन्नुभयो, ‘नवौं राष्ट्रिय खेलकुदको तयारी साथै वागमती प्रदेश लगायत अन्य प्रदेश, विभागीय टिम र एनआरएन यो बीचमा हाम्रो प्रतिष्पर्धा हुने भएको हुँदा हामीले जानकारी गराउँदैछौँ । नवौं राष्ट्रिय खेलकुदमा सहभागी बन्ने प्रदेशका खेलाडीहरुलाई ४५ दिने बन्द प्रशिक्षणमा राख्ने निर्णय प्रदेश खेलकुद परिषदको बोर्ड बैठकले निर्णय गरेको छ । त्यसको तयारी गर्दैछौँ । वागमती प्रदेशले भदौ २० गतेभित्र प्रदेश छनोट सक्ने गरेर छनोट तालिका र तयारी गरेको छ । साथै राष्ट्रिय खेलकुद परिषदको निर्णय अनुसार भदौ २५ गतेसम्म खेलाडी विवरण पठाइसक्ने तयारी गरेको छ । वागमती प्रदेश अन्तर्गतका खेलाडीहरुको प्रदेश छनोट तथा नवौं राष्ट्रिय खेलकुद २०७९ मा सहभागिताका लागि अनुमानित लागत ९ करोड ४४ लाख ८ सय रुपैयाँ खर्च हुने अनुमान गरेका छौँ । सोको लागि वागमती प्रदेश सरकारले प्रदेश छनोटका लागि ५ करोड रुपैयाँ विनियोजन गरिसकेको छ । राष्ट्रिय खेलकुद परिषदबाट ४९ लाख निकासा रकम गइसकेको छ । बाँकी रकम प्रदेश सरकारसँग आर्थिक मामिला तथा योजना मन्त्रालयसँग माग गरिएको छ । त्यसको पनि व्यवस्थापन हुने तयारी छ । नवौं राष्ट्रिय खेलकुद २०७९ मा वागमती प्रदेशको तर्फबाट फुल कोटामा ७०९ जना खेलाडीहरु सहभागी हुँदैछन । यस वर्षबाट वागमती प्रदेश सरकारले प्रदेश सरकारको प्राथमिकतामा परेका खेलहरुमा नवौं राष्ट्रिय खेलकुद २०७९ अन्तर्गत स्वर्णपदक विजेता खेलाडीलाई प्रोत्साहन गर्ने उददेश्यले मासिक ६ हजार रुपैयाँ भत्ता दिने निर्णय गरेको छ । सो कुराको सुनिश्चितता प्रदेश खेलकुद नियमावली २०७६ को दफा १३ मा उल्लेख गरेर नै खेलाडीलाई मासिक भत्ता दिने व्यवस्था गरिएको छ ।’

सदस्यसचिव भण्डारीले नवौं राष्ट्रिय खेलकुद २०७९ मा वागमती प्रदेशको तर्फबाट फुल कोटामा ७०९ जना खेलाडीहरु सहभागी हुने बताउनु भयो । नवौं राष्ट्रिय खेलकुद प्रतियोगिता गण्डकी प्रदेशमा असोज २८ गतेबाट कात्तिक ३ गतेसम्म हुँदैछ । प्रतियोगितामा तीन विभागीय, सात प्रदेश र एनआरएन गरी ११ टिमले प्रतिस्पर्धा गर्नेछन ।

Sequence 09.04 10 20 14.Still2069

आजको ट्रेन्डिङ समाचार

धेरै कमेन्ट गरिएका