काठमान्डौं महानगरपालिकाले हटायो राहदानी विभागको बेसमेण्टमा बनाइएका संरचना • Nepal's Trusted Digital Newspaperकाठमान्डौं महानगरपालिकाले हटायो राहदानी विभागको बेसमेण्टमा बनाइएका संरचना – Nepal's Trusted Digital Newspaper काठमान्डौं महानगरपालिकाले हटायो राहदानी विभागको बेसमेण्टमा बनाइएका संरचना • Nepal's Trusted Digital Newspaper
  • होमपेज
  • काठमान्डौं महानगरपालिकाले हटायो राहदानी विभागको बेसमेण्टमा बनाइएका संरचना

काठमान्डौं महानगरपालिकाले हटायो राहदानी विभागको बेसमेण्टमा बनाइएका संरचना

  • समाचारपाटी
  • शनिबार, भदौ ११, २०७९
काठमान्डौं महानगरपालिकाले हटायो राहदानी विभागको बेसमेण्टमा बनाइएका संरचना

काठमान्डौं महानगरपालिकाले त्रिपुरेश्वरस्थित राहदानी विभागको बेसमेण्टमा बनाइएका संरचनाहरु हटाएको छ । शुक्रवार महानगरपालिकाले त्रिपुरेश्वरस्थित राहदानी विभागको बेसमेण्टमा बनाइएका संरचनाहरु हटाएको हो । सेवा लिन जाने सवाग्राहीहरुले आफना सवारीहरु विभाग बाहिर नै पार्किङ गर्नुपर्ने बाध्यता रहेकाले सवारी आवतजावतमा समस्या आएको गुनासो गरेपछि महानगरपालिकाले अध्ययन गरेर बेसमेण्टमा रहेका संरचनाहरु हटाएको हो । अनुगमनका क्रममा विभागले सवारी पार्किङका लागि छुटयाउनुपर्ने बेसमेण्टमा प्रतिक्षालय बनाएको पाइएको थियो ।

महानगरपालिकाले बेसमेण्टमा रहेका संरचनासहित बेञ्चहरु हटाएर पार्किङका लागि खालि गराएको छ । अवैध संरचना हटाइसकेपछि सञ्चारकर्मीसँगको कुराकानीमा काठमाडौं महानगरपलिकाका नगर प्रहरी बलका प्रमुख नगरप्रहरी उपरीक्षक राजु पाण्डेले काठमान्डौं महानगरपालिका भित्र यसरी अवैध संरचना बनाएका ठाउँ ३ सय भन्दा बढी रहेको जानकारी आएको बताउनु भयो । उहाँले भवन निर्माण गर्दा के प्रयोजनका लागि नक्शा पास गरिएको हो भन्ने कुरा स्पष्ट खुलाइएकोले प्रयोजन अनुरुपको काम गर्नुपर्ने बताउनु भयो । उहाँले नागरिकहरुले पनि आफनो तहबाट जिम्मेवारी भुमिका निर्वाह गर्नुपर्ने बताउनु भयो ।

उहाँले भन्नुभयो, ‘३०० भन्दा बढी छ भन्ने सुनिएको छ । कतै स्टोरको रुपमा र कतै बेसमेण्टको रुपमा नक्शा पास भएको छ । स्टोरको रुपमा नक्शा पास भएको छ भने स्टोर गर्नुपर्छ, पसल राख्नुभएन । पार्किङ प्रयोजन हो भने पार्किङ गर्नुपर्छ । नागरिकले पनि आफनो तहबाट जिम्मेवार भुमिका खेल्नुपर्छ ।’

काठमान्डौं महानगर क्षेत्रका व्यावसायिक प्रतिष्ठानका भवन र सार्वजनिक भवनमा सवारी पार्किङका लागि भनेर बेसमेण्ट बनाउन ‘कर छुट’ को सुविधा लिइएपनि पार्किङको लागि नभइ अन्य प्रयोजनमा प्रयोग भएको पाइएपछि महानगरपालिकाले साउन महिनामा नै ३५ दिने सूचना जारी गरेको थियो । उक्त सूचनाको पालना गरेको नपाइएपछि महानगरपालिकाले स्थलगत अनुगमन नै थालेर अवैध संरचनाहरु हटाउन शुरु गरेको थियो । संरचना हटाएपछि राहदानी विभागले भने भवनको नक्शाअनुसार बेसमेण्टमा पार्किङ राख्ने पहल गर्ने जनाएको छ ।

Sequence 09.03 55 23 01.Still2029 1 Sequence 09.03 55 58 01.Still2032 1 Sequence 09.03 56 05 00.Still2033 1 Sequence 09.03 56 16 15.Still2035 1 Sequence 09.03 56 22 15.Still2037 1 Sequence 09.03 56 26 10.Still2036 1 Sequence 09.03 58 21 13.Still2043 1 Sequence 09.03 59 12 17.Still2045 1 Sequence 09.03 59 19 22.Still2046 1 Sequence 09.03 59 31 17.Still2048 1

आजको ट्रेन्डिङ समाचार

धेरै कमेन्ट गरिएका