चलचित्र ‘सोल अफ द कमाण्डो’को प्रिमियर बेलायतमा • Nepal's Trusted Digital Newspaperचलचित्र ‘सोल अफ द कमाण्डो’को प्रिमियर बेलायतमा • Nepal's Trusted Digital Newspaper
  • होमपेज
  • चलचित्र ‘सोल अफ द कमाण्डो’को प्रिमियर बेलायतमा

चलचित्र ‘सोल अफ द कमाण्डो’को प्रिमियर बेलायतमा

  • समाचारपाटी
  • शुक्रबार, भदौ १०, २०७९
चलचित्र ‘सोल अफ द कमाण्डो’को प्रिमियर बेलायतमा

काठमान्डौं । चर्चित खेलाडी राजकुमार राईद्धारा अभिनित चलचित्र ‘सोल अफ द कमाण्डो’ को प्रिमियर शो बेलायतमा हुने भएको छ ।

निमार्ण पक्षले दिएको जानकारी अनुसार २७ अगष्टमा बेलायतको अल्डसर्टस्थित प्रिसेन्स हलमा प्रिमियर शो हुन लागेकोे हो । चलचित्रको पहिलो प्रिमियरपछि बेलायतकै विभिन्न मुख्य शहरहरुमा यसको प्रदर्शन गरिनेछ ।

त्यसै गरी २५ सेप्टेम्बरमा क्यानाडामा यस चलचित्रको प्रदर्शन गरिनेसमेत निर्माण समूहले जानकारी दिएको छ । नेपालमा भने यो चलचित्रको प्रदर्शन सन् २०२३ मा मात्र हुने भएको छ ।

नेपालका विभिन्न स्थानका साथै विदेशी भूमिमा समेत छायांकन गरिएको चलचित्र एक्सन जनारामा निर्माण गरिएको छ ।

युवराज राई (वीरबहादुर) द्धारा निर्देशित यो चलचित्र रवि थापा, धन लिम्बु र मिलन राईले निमार्ण गरेका हुन । एक आर्मी संघर्षलाई चलचित्रको कथाबस्तुमा समेटिएको निमार्ण पक्षले जनाएको छ । विजया राईको प्रस्तुती रहेको चलचित्रको प्रिमियरका लागि दर्शकलाई २० पाउण्ड टिकटदर राखिएको छ ।

संकलित रकम सामाजिक सेवामा खर्च गरिने पनि निमार्ण पक्षले जनाएको छ । चलचित्रमा राजकुमार राई, कमला खापुङ लिम्बु, सेसुका राई, रवि थापा, मिलन राई, शिशिर वाङदेल, रुपेश झा, नरेन खडका, सर्मिला लिम्बु, सीमा राई, नरेन लिम्बु र पुर्ण लिम्बुले अभिनय गरेका छन् ।

राजकुमार राई काे हाे त 

यस चलचित्र चलचित्र ‘सोल अफ द कमाण्डो’का अभिनेता राजकुमार राई एक अभिनेता मात्र हुनुहुदैन । उहाँ कुशल खेलाडीका साथै ब्रिटिस सेनाका वास्तविक कमाण्डरसमेत हुनुहुन्छ । नेपालमा २०५६ सालमा नेपालमा आयोजित आठौं साफ गेममा उहाँले नेपाललाई तेक्वान्दोमा स्वर्ण पदक जिताउनुभएकाे चर्चित खेलाडीसमेत हाे ।

ग्राण्ड मास्टर सातौं डन रहनुभएका उहाँ सन् १९८४ मा कोरियामा आयोजित दशौं एशियन खेलमा कांस्य पदक विजेतासमेत हुनुहुन्छ । उहाँ नेपाल सरकारबाट गोरखा दक्षिण बाहु पाँचौं पदक र तेश्रो पदक सम्मानबाट विभुषित व्यक्तित्व हुनुहुन्छ ।

शारीरिक सुगठनका लोभ लाग्दा बडि विल्डर रहनुभएका उहाँ यस विधाकासमेत विजेता हुनुहुन्छ । कुशल लेखकका रुपमा समेत आफ्नो परिचय स्थापित गर्नुभएका उहाँ अभिनेता, खेलाडी तथा चलचित्रका निर्माता समेत हुनुहुन्छ ।

नेपालमा आठौं साफ गेमको रापताप रहेका बेला प्रदर्शनमा आएको उनी अभिनित चलचित्र द कमाण्डो चर्चित बनेको थियो । उक्त चलचित्रले मनोरञ्जनमूलक चलचित्रमा पनि खेलाडीहरुको विषयलाई दर्शकहरुले रुचाउछन् भन्ने नजिर स्थापित गरेको थियो ।

हाल सोही चलचित्रको सिक्वेलका रुपमा चलचित्र ‘सोल अफ द कमाण्डो’ निर्माण गरिएको हो । यस चलचित्रले पनि विगतको विरासतलाई अझ ओझिलो बनाउनेमा निर्माण समूह ढुक्क देखिएको छ ।

 

आजको ट्रेन्डिङ समाचार

धेरै कमेन्ट गरिएका