नेपाल भलिबल संघकाे महासचिव पदमा मनवीरकाे उम्मेदवारी घोषणा • Nepal's Trusted Digital Newspaperनेपाल भलिबल संघकाे महासचिव पदमा मनवीरकाे उम्मेदवारी घोषणा • Nepal's Trusted Digital Newspaper

हालको खबर

  • होमपेज
  • नेपाल भलिबल संघकाे महासचिव पदमा मनवीरकाे उम्मेदवारी घोषणा

नेपाल भलिबल संघकाे महासचिव पदमा मनवीरकाे उम्मेदवारी घोषणा

  • समाचारपाटी
  • शुक्रबार, भदौ १०, २०७९
नेपाल भलिबल संघकाे महासचिव पदमा  मनवीरकाे उम्मेदवारी घोषणा

नेपाल भलिबल संघका सचिव मनवीर छन्त्यालले भदौ २२ गते हुने निर्वाचनका लागि महासचिव पदमा उम्मेदवारी घोषणा गर्नुभएको छ ।

राजधानीमा बिहीवार पत्रकार सम्मेलन गरेर भदौ तेस्रो साता हुन लागेको नेपाल भलिबल संघको निर्वाचनका लागि छन्त्यालले महासचिव पदमा उम्मेदवारी घोषणा गर्नुभएको हो । वागलुङ प्रदेश प्रतिनिधिको रुपमा संघमा स्थान बनाउँदै आउनुभएका छन्त्याल हाल भलिबल संघको सचिव पदमा हुनुहुन्छ । यसअघि २०६९ मा भएको निर्वाचनमा उनी सदस्य चुनिएका थिए । ढोरपाटन प्रशिक्षण केन्द्रका अध्यक्षसमेत रहेका छन्त्यालले महिला डबल लिगको आयोजना गर्दै आउनुभएको छ । संघमा ६ वर्ष बिताउनुभएएका छन्त्यालले एक पद, एक ग्राउण्ड, एक रेफ्री, एक प्रतियोगिता, एक कोच, एक टिम भन्ने नाराका साथ उम्मेदवारी घोषणा गर्नुभएको छ ।

महिला र पुरुष समान २४ प्रतियोगिता गर्ने, क्षेत्रीय स्तरको प्रतियोगिता गर्ने, १२ महिना नै खेलाडी प्रशिक्षण र प्रतियोगितामा ब्यस्त बनाउने योजनासहित आफूले कार्ययोजना ल्याएको दाबी गर्नुभएको छ । महासचिव पदमा आएमा राष्ट्रिय टिमको कप्तानलाई लगातार पाँच वर्ष क्रियाशिल रहेर काम गरेको अवस्थामा कार र सन्यास लिने खेलाडीलाई मोटरसाइकल दिने घोषणा गर्नुभयो । नयाँ कार्यसमितिका लागि यसअघि उपाध्यक्ष निरोज मास्केले अध्यक्ष पदका लागि उम्मेदवारी घोषणा गरीसक्नुभएको छ ।

आजको ट्रेन्डिङ समाचार

धेरै कमेन्ट गरिएका