नेपाली चलचित्र 'प्रकाश'को प्रिमियर शो , प्रिमियर शोमा आर्यनदेखि दीपाश्रीसम्म • Nepal's Trusted Digital Newspaperनेपाली चलचित्र 'प्रकाश'को प्रिमियर शो , प्रिमियर शोमा आर्यनदेखि दीपाश्रीसम्म • Nepal's Trusted Digital Newspaper
  • होमपेज
  • नेपाली चलचित्र ‘प्रकाश’को प्रिमियर शो , प्रिमियर शोमा आर्यनदेखि दीपाश्रीसम्म

नेपाली चलचित्र ‘प्रकाश’को प्रिमियर शो , प्रिमियर शोमा आर्यनदेखि दीपाश्रीसम्म

  • समाचारपाटी
  • शुक्रबार, भदौ १०, २०७९
नेपाली चलचित्र ‘प्रकाश’को प्रिमियर शो , प्रिमियर शोमा आर्यनदेखि दीपाश्रीसम्म

बुधवार काठमान्डौंमा एक कार्यक्रमबीच प्रिमियर शो गरिएको हो । शुक्रवार (आज) बाट देशभर प्रदर्शनीमा आउन लागेको चलचित्र प्रकाशमा प्रदीप खडका र दीया मास्केको मुख्य अभिनय रहेको छ । प्रिमियरमा कलाकार, निर्माता, निर्देशक लगायत फिल्म क्षेत्रसँग जोडिएका व्यक्तिहरुको बाक्लो उपस्थिति थियो । फिल्म हेर्न अभिनेता आर्यन सिग्देलदेखि अभिनेत्री दीपाश्री निरौला, अभिनेत्री नम्रता श्रेष्ठ, कलाकार अनुभव रेग्मी लगायतका कलाकारको उपस्थिति थियो ।

प्रिमियर शोपछि अभिनेता प्रदीप खडकाले फिल्म सबैले मन पराएकोमा खुशी व्यक्त गर्नुभयो । उहाँले नेपाली फिल्म राम्रो बनाउन नेपाली दर्शकले साथ, सहयोग र प्रतिक्रिया दिनुपर्ने आवश्यक रहेको बताउनु भयो । अभिनेत्री दीपाश्री निरौलाले चलचित्रको विषयवस्तु उत्कृष्ट रहेको बताउनु भयो । उहाँले नेपालको बेथिति र विसंगतिको विषयमा चलचित्रमा कथावस्तु उठाइएको बताउनु भयो । त्यस्तै अभिनेत्री दीया मास्केले फिल्म बनिसकेपछि हेर्दा आफना कमजोरीको पहिचान हुने र आगामी दिनमा झनै राम्रो गर्ने अवसर मिल्ने बताउनु भयो ।

जुम्लाको एक युवाले शिक्षक बन्न गरेको सङ्घर्ष, हुँदा खाने र हुने खाने बीचको भेदभाव, जुम्ली भाषा साहित्य संस्कृति तथा रहन सहनको संरक्षण प्रवद्र्धनको विषयलाई चलचित्रले जोड दिएको छ । राज्यबाट शिक्षा स्वास्थ्य रोजगार विकास निर्माणबाट ओझेल परेको कर्णाली प्रदेश र त्यसमा पनि सम्भावनायुक्त जुम्लालाई पर्दा मार्फत राज्यको मुल प्रवाहमा ल्याउन, विम्वात्मक रुपमा नेपालको वास्तविकता झल्काउन चलचित्र प्रकाशले प्रयास गरेको छ । चलचित्रमा ६० प्रतिशत जुम्लाका स्थानीय कलाकारले अभिनय गरेका छन । दिनेश राउतको निर्देशन रहेको चलचित्रमा प्रदीप खडका, दीया मास्के, रेनु योगी, प्रकाश घिमिरेलगायत कलाकार मुख्य भुमिकामा छन । राजेश श्रेष्ठको छायाङ्कन, जीवन थापाको सम्पादन, सुवास भुषाल, दीपक शर्मा, तारा प्रकाश लिम्बू र एलिस कार्कीको सङ्गीत रहेको चलचित्रमा उत्तम न्यौपानेको साउण्ड डिजाइन र शैलेश श्रेष्ठको पाश्र्व सङ्गीत छ । चलचित्रका निर्माता महेन्द्र अधिकारी हुन ।

Sequence 01.04 55 09 14.Still5558 Sequence 01.04 55 21 19.Still5564 Sequence 01.04 55 23 04.Still5561 Sequence 01.04 55 59 13.Still5562 Sequence 01.04 56 06 00.Still5563 Sequence 01.04 59 00 10.Still5565

आजको ट्रेन्डिङ समाचार

धेरै कमेन्ट गरिएका