पोखरा महानगरपालिका –१५ काे वडास्तरीय बृहत् सरसफाइ कार्यक्रम सम्पन्न • Nepal's Trusted Digital Newspaperपोखरा महानगरपालिका –१५ काे वडास्तरीय बृहत् सरसफाइ कार्यक्रम सम्पन्न • Nepal's Trusted Digital Newspaper
  • होमपेज
  • पोखरा महानगरपालिका –१५ काे वडास्तरीय बृहत् सरसफाइ कार्यक्रम सम्पन्न

पोखरा महानगरपालिका –१५ काे वडास्तरीय बृहत् सरसफाइ कार्यक्रम सम्पन्न

  • समाचारपाटी
  • शुक्रबार, भदौ ३, २०७९
पोखरा महानगरपालिका –१५ काे वडास्तरीय बृहत् सरसफाइ कार्यक्रम सम्पन्न

पोखरा । पोखरा महानगरपालिका वडा नं –१५ ले वडास्तरीय बृहत् सरसफाइ कार्यक्रमको आयोजना गरेको छ । शुक्रवार बिहान साढे सात बजेदेखि पोखरा –१५ स्थित फूलबारी होटेलको १ नम्बर र २ नम्बर गेटबाट संयुक्त रूपमा सरसफाइ कार्यक्रमको आयोजना गरिएको हो ।

सरसफाइ कार्यक्रममा बोल्दै वडाध्यक्ष तोरण बहादुर बानियाँले ’हाम्रो वडा राम्रो वडा’ बनाउने अभियान अन्तर्गत हिजो घोषणापत्रमा प्रतिबद्धता गरिएअनुरूप वडामा सरसफाइ कार्यक्रमको सुरुवात गरिएको बताउनुभयाे। उहाँले यस अभियानलाई मासिक रूपमा निरन्तरता दिइने र चाँडवाँड लागेसँगै अब वडाको सरसफाइमा जुट्नु पर्छ भनेर आजदेखि पहिलो चरणको सरसफाइ कार्यक्रमको आयोजना गरिएको बताउनुभयाे। उहाँले पोखरा –१५ लाई स्वच्छ वडा बनाउन सरसफाइ कार्यक्रममा सहभागी सबैलाई धन्यवाद दिनुभयाे ।

यस्तै, गण्डकी प्रदेश प्रहरी तालिम केन्द्र पोखराका प्रहरी नायव उपरीक्षक कृष्ण बहादुर केसीले आजको सफाइ कार्यक्रममा नकुहिने र नष्ट नहुने प्लास्टिकजन्य फोहोर सङ्कलनमा जोड दिइएको बताउनुभयाे। उहाँले यस्ता प्रकृतिका फोहोरलाई जथाभाबी नफाली बोरामा जम्मा गरेर फोहोरको गाडीमा मात्र फाल्न नगरवासीमा आग्रह गर्नुभयाे। साथै, केसीले नदीपुर क्षेत्रबाट सेती नहरमा प्लास्टिक जन्य फोहोर बगाउने गरेका कारण पोखरा –१४ ,१५ का वडाहरूका अत्यन्तै दूषित हुँदै आएकाले यस्ता कार्य नगर्न सबैलाई आग्रह गर्नुभयाे ।

आजको सरसफाइ कार्यक्रममा वडाका जनप्रतिनिधि, पूर्व न्यायिक समिति सदस्य पार्वती थापा, टोल बासी आमा समूह, स्थानीय समाजसेवी, वृद्ध लगायत गण्डकी प्रदेश प्रहरी तालिम केन्द्रका प्रहरी नायव उपरीक्षक कृष्ण बहादुर केसीको कमान्डमा ३४९ जवानहरूको सहभागिता रहेको थियो। भने, सहभागीबाट ४ ट्रक फोहोर सङ्कलन भएको थियो ।

cleanning pokhara 15 4 Clenning pokhara 15 pokhara 15 1 pokhara 15 cleanning

आजको ट्रेन्डिङ समाचार

धेरै कमेन्ट गरिएका