‘अब हामी निर्वाचनको संघारमा छौं,अव आउने निर्वाचनमा पाँच दलीय गठबन्धननै रहनेछ':-प्रविधिमन्त्री • Nepal's Trusted Digital Newspaper‘अब हामी निर्वाचनको संघारमा छौं,अव आउने निर्वाचनमा पाँच दलीय गठबन्धननै रहनेछ':-प्रविधिमन्त्री • Nepal's Trusted Digital Newspaper
  • होमपेज
  • ‘अब हामी निर्वाचनको संघारमा छौं,अव आउने निर्वाचनमा पाँच दलीय गठबन्धननै रहनेछ’:-प्रविधिमन्त्री

‘अब हामी निर्वाचनको संघारमा छौं,अव आउने निर्वाचनमा पाँच दलीय गठबन्धननै रहनेछ’:-प्रविधिमन्त्री

  • समाचारपाटी
  • बुधबार, भदौ १, २०७९
‘अब हामी निर्वाचनको संघारमा छौं,अव आउने निर्वाचनमा पाँच दलीय गठबन्धननै रहनेछ’:-प्रविधिमन्त्री

सञ्चार तथा सूचना प्रविधिमन्त्री ज्ञानेन्द्रबहादुर कार्कीले प्रदेशसभा र प्रतिनिधिसभा निर्वाचनमा पनि नेपाली काँग्रेसलाई स्थानीय तह निर्वाचनकै हैसियतमा पुर्याउने गरी आ–आफनो ठाउँबाट लाग्न पार्टीको सिंगो पंक्तिलाई आह्वान गर्नुभएको छ ।

काँग्रेस नेता समेत रहनुभएका मन्त्री कार्कीले मुलुकको ऐतिहासिक राजनीतिक परिवर्तनको नेतृत्व गरेको काँग्रेसलाई मुलुकको आर्थिक समृद्धिको दिशामा अग्रसर गराउने जिम्मेवारी पनि आगामी निर्वाचनबाट पाउने गरी निर्वाचनमा तयारीमा जुटनुपर्ने बताउनु भयो । बुधबार काठमाडौंमा स्थानीय तहमा निर्वाचित पार्टीका जनप्रतिनिधिहरुसँगको भेटघाट कार्यक्रममा बोल्दै उहाँले मुलुकको स्थिरता र तीव्र आर्थिक विकासका लागि नेपाली काँग्रेस र सत्तारुढ गठबन्धनको विकल्प नभएको पनि पटकपटक दोहोर्याउनु भयो । आगामी निर्वाचनमा पनि पाँच दलीय गठबन्धन कायमै रहने उल्लेख गर्दै मन्त्री कार्कीले स्थानीय तह निर्वाचनमा नेपाली काँग्रेसले हासिल गरेको सफलता प्रदेशसभा र प्रतिनिधिसभा निर्वाचनमा पनि हासिल गर्नुपर्ने बताउनु भयो ।

उहाँले भन्नुभयो, ‘अब हामी निर्वाचनको संघारमा छौं । अव आउने निर्वाचनमा पाँच दलीय गठबन्धननै रहनेछ । यो मुलुकको स्थिरताका निमित्त, यो मुलुकको विकासको निमित्त र यो मुलुकलाई तीव्रगतिमा विकासमा अगाडि बढाएर विकासोन्मुख मुलुकबाट विकासशील देशमा हाम्रो देशलाई पुर्याउनका निमित्त अव आउने निर्वाचनमा हामीले एकताका साथ नेपाली काँग्रेसलाई जसले यो मुलुकको ऐतिहासिक राजनीतिक परिवर्तनहरु गरेको छ । अव मुलुकको आर्थिक परिवर्तनको जिम्मेवारी दिएर मुलुकलाई आर्थिक समृद्धिको दिशामा अग्रसर गराउनका निमित्त एक भएर आगामी निर्वाचनमा जसरी अहिले हामीले स्थानीय निर्वाचनमा नेपाली काँग्रेसको जुन स्थान हामीले बनाएका छौं । त्यहीँ स्थान आगामी निर्वाचनमा पनि बनाउनका निमित्त हामी सबै आ–आफनो तर्फबाट लागौं ।’

मन्त्री कार्कीले पाँच वर्षपछि हुने स्थानीय तह निर्वाचनमा पनि नेपाली काँग्रेसनै विजयी हुनेगरी काम गर्न स्थानीय तहका पार्टीबाट निर्वाचित जनप्रतिनिधिहरुलाई आग्रह गर्नुभयो । उहाँले विकास निर्माण, जनताको सेवा प्रवाह र उनीहरुको गुनासो तत्काल सम्बोधन गर्ने कामलाई प्राथमिकताका साथ अघि बढाउन पनि स्थानीय तहको सरकारले ध्यान केन्द्रित गर्नुपर्ने स्पष्ट पर्नुभयो । मन्त्री कार्कीले जनतालाई मर्का नपर्ने गरी करको दर तोक्न पनि स्थानीय तहका जनप्रतिनिधिहरुलाई सचेत गराउनु भयो ।

उहाँले भन्नुभयो, ‘तपाईहरु स्थानीय सरकार हो । प्रदेशको सरकार, केन्द्रको सरकार जनताको निम्ति टाढाको सरकार हो । तपाईहरु जनताको सबैभन्दा नजिकको सरकार हो । त्यसैले तपाईहरुलाई जुन विश्वासका साथ जनताले निर्वाचित गराएका छन । त्यो विश्वासका साथ तपाईहरुले काम गर्नु हुनेछ भन्ने हामी सबैले विश्वास लिएका छौं । मेरो विचारमा तपाईहरुको मुख्य ३ वटा काम छ । विकास निर्माण, सेवा प्रवाह र जनताको गुनासोलाई सम्बोधन गर्ने । यी कुराहरुमा तपाईहरुले ध्यान केन्द्रित गर्नु भयो भने पाँच वर्ष पछि फेरी जनताले हाम्रै पार्टीलाई निर्वाचित गराउने छन । त्यहाँका जनताको रोजाईमा तपाईहरु नै पर्न सक्नुहुन्छ ।’

मन्त्री कार्कीले स्थानीय तहमा करका दरहरु निर्धारण गर्दा सबैको सहमती लिन जरुरी रहेको पनि बताउनु भयो ।

gyanendra karki 1

आजको ट्रेन्डिङ समाचार

धेरै कमेन्ट गरिएका