अभावमा सफलता खोज्दै फेन्सिङ खेलाडी • Nepal's Trusted Digital Newspaperअभावमा सफलता खोज्दै फेन्सिङ खेलाडी • Nepal's Trusted Digital Newspaper
  • होमपेज
  • अभावमा सफलता खोज्दै फेन्सिङ खेलाडी

अभावमा सफलता खोज्दै फेन्सिङ खेलाडी

  • समाचारपाटी
  • बुधबार, भदौ १, २०७९
अभावमा सफलता खोज्दै फेन्सिङ खेलाडी

राजाराम पौडेल, पोखरा । कास्कीका फेन्सिङ खेलाडी अभावमा सफलता खोज्दैछन् । कार्यालय र प्रशिक्षण गर्ने ठाउँ नभएर समस्यामा परेका खेलाडीलाई उर्जा थप्न राष्ट्रिय खेलकुद परिषदका सदस्य राजेश कुमार गुरुङको सहयोग महत्वपूर्ण बनेको छ । एक महिना अगाडि पोखरा रंगशालामा रहेको मल्टिप्रपोज हलमा प्रशिक्षण हलमा प्रशिक्षण गर्ने व्यवस्था मिलाएका सदस्य गुरुङले मंगलबार प्रशिक्षण स्थलको निरिक्षण गर्नुभयाे ।

त्यहाँ पुग्दा आर्थिक अवस्था कमजोर हुँदा दैनिक रुपमा प्रशिक्षणमा आउन खेलाडीलाई समस्या पर्ने गरेको उहाँले थाहा पाउनुभयाे । अनि तत्कालै उहाँले ६ जना फेन्सिङ खेलाडीलाई नगद सहयोग गर्नुभयाे । सहयोग हस्तान्तरण गर्दै उहाँले ३९ वर्षपछि गण्डकी प्रदेशमा आयोजना हुन लागेको नवौं राष्ट्रिय खेलकुद प्रतियोगिताको राम्रो तयारी गर्न खेलाडीलाई सुझाउनुभयाे । गुरुङ नवौं राष्ट्रिय खेलकुद प्रतियोगिता अन्तरगतको खेल मैदान व्यवस्थापन उपसमितिका संयोजक समेत हुनुहुन्छ ।

आठाैँ खेलकुद प्रतियोगितामा टिम इभेन्टमा काँस्य पदक हात पारेका फेन्सिङ खेलाडी यसपाली अझ उच्च मनोबलका साथ प्रतिष्पर्धामा उत्रने जिल्ला फेन्सिङ संघ कास्की अध्यक्ष विजय शाहीले बताउनुभयाे ।

कास्की जिल्लामा झण्डै ६० जना फेन्सिङ खेलाडी रहेको भएपनि आफूहरुले अहिले जुनियरलाई फोकस गरेको शाहीले सुनाउनुभयाे । हुनत यहाँ सातौ देखि खेलेका खेलाडी पनि छन्’उहाँले भन्नुभयाे । फेन्सिङका खेलाडीले पर्फमेन्सको आधारमा अवसर पाइरहेको उहाँले सुनाउनुभयाे । यसपाली महिला र पुरुष दुवै तर्फको टिम राम्रो रहेको उहाँको भनाई छ ।

‘इकुप्मेन्ट नहुँदा समस्या परेको छ । आजसम्म एक थोपा पानी पनि सहयोग छैन, जेनतेन आइरहेका छन् । गुनासो खासै सुनुवाई भएको छैन । तरपनि राम्रो गर्ने कोशिस गरिरहेका छौँ’ अध्यक्ष शाहीले भन्नुभयाे । राखेप सदस्य गुरुङले गरेको सहयोगले केही मलमपट्टी भने लागेको उहाँले सुनाउनुभयाे ।

 

आजको ट्रेन्डिङ समाचार

धेरै कमेन्ट गरिएका