तीन वर्षदेखि क्यान्सरबाट पीडित गायिका स्मिता घिमिरेको निधन • Nepal's Trusted Digital Newspaperतीन वर्षदेखि क्यान्सरबाट पीडित गायिका स्मिता घिमिरेको निधन • Nepal's Trusted Digital Newspaper
  • होमपेज
  • तीन वर्षदेखि क्यान्सरबाट पीडित गायिका स्मिता घिमिरेको निधन

तीन वर्षदेखि क्यान्सरबाट पीडित गायिका स्मिता घिमिरेको निधन

  • समाचारपाटी
  • मङ्लबार, साउन ३१, २०७९
तीन वर्षदेखि क्यान्सरबाट पीडित गायिका स्मिता घिमिरेको निधन

करिब तीन वर्षदेखि क्यान्सर रोगबाट पीडित गायिका स्मिता घिमिरेको निधन भएको छ । ललितपुरको हरिसिद्धिस्थित क्यान्सर अस्पतालमा उपचारका क्रममा सोमबार साँझ गायिका घिमिरेको निधन भएको हो । पछिल्लो पटक उहाँ बोनम्यारोको क्यान्सरबाट पीडित हुनुहुन्थ्याे ।
सोमबार साँझ नै पशुपति आर्यघाटमा घिमिरेको अन्तिम संस्कार गरिएको छ ।

गायिका घिमिरेले थुप्रै नेपाली गीतहरु गाउनुका साथै केही महिना अगाडि आफ्नो जीवनकै पहिलो उपन्यास ‘हराएको मुस्कान’ समेत सार्वजनिक गर्नुभएकाे थियाे ।

सांगीतिक पृष्ठभूमि भएको विराटनगरको कोइराला परिवारकी नातीनि स्मिता घिमिरेले ४–५ वर्षको उमेरदेखि नै संगीतप्रति रुची देखाउनुभएकाे थियाे । एस इ इ   दिनुअघि नै विराटनगरमा सम्पन्न एउटा बाल गायन प्रतियोगितामा तेस्रो स्थान जितेपछि उहाँको औपचारिक सांगीतिक यात्रा प्रारम्भ भएको थियो ।

काठमान्डौं आएर संगीतकार दीपक जंगमसंग संगीतको औपचारिक प्रशिक्षण लिएपछि गीत–संगीतमा सक्रिय भएकी यी गायिकाले स्टुडियोमै गएर पहिलो गीत रेकर्ड गराएको करिव एक दशक भयो ।

भूपू प्रधानमन्त्री मातृकाप्रसाद कोइरालाकी छोरी सबिता अर्यालकी छोरी हुनुहुन्छ गायिका स्मिता घिमिरे करिव दुई दशकअघि क्यान्सरबाट निधन भएकी आफ्नी आमाको नाममा खोलिएको सबिता स्मृति ट्रस्टका लागि उहाँले आफ्नो पहिलो एल्बम ‘स्मि’ को बिक्रीबाट आएको ५० हजार रुपैयाँ प्रदान गर्नुभएकाे थियाे । उक्त ट्रस्टले अहिले पनि स्वास्थ्य क्षेत्रमा कार्य गरिरहेको छ ।

मनोविज्ञान र नेपालीमा स्नातक गर्नुभएकी गायिका घिमिरेले यो अवधिमा सुगम संगीतमा आधारित थुप्रै गीत तथा गीति संग्रह सार्वजनिक गर्नुभएकाे थियाे ।

सांगीतिक क्षेत्रमा सक्रिय रहेको बेला तथा उपन्यासलाई अन्तिम स्वरुप प्रदान गरिरहेको बेला करिव साढे दुई वर्षअघि गायिका घिमिरेलाई देब्रे स्तनमा क्यान्सर देखिएको थियो ।

उहाँका ‘ए भन्छन्’, ‘आँखाको नानी हौ’, ‘भाग्य भन्नु’, ‘कति मीठो माया’, ‘गहिरो तालको’ के भो आज भोलि  लगायत गीत रुचाइएका छन् भने ‘स्मि’ नाममा एल्बम समेत सार्वजनिक गर्नुभएकाे थियाे ।

 

आजको ट्रेन्डिङ समाचार

धेरै कमेन्ट गरिएका