करण राईको ‘द काइट्स’ एल्बम गणेश, राजेशपायल, दयाहाङ, झुमा र प्रकाशद्धारा बिमोचित • Nepal's Trusted Digital Newspaperकरण राईको ‘द काइट्स’ एल्बम गणेश, राजेशपायल, दयाहाङ, झुमा र प्रकाशद्धारा बिमोचित • Nepal's Trusted Digital Newspaper
  • होमपेज
  • करण राईको ‘द काइट्स’ एल्बम गणेश, राजेशपायल, दयाहाङ, झुमा र प्रकाशद्धारा बिमोचित

करण राईको ‘द काइट्स’ एल्बम गणेश, राजेशपायल, दयाहाङ, झुमा र प्रकाशद्धारा बिमोचित

  • समाचारपाटी
  • शनिबार, साउन २८, २०७९
करण राईको ‘द काइट्स’ एल्बम गणेश, राजेशपायल, दयाहाङ, झुमा र प्रकाशद्धारा बिमोचित

काठमान्डौँ । नव गायक करण राईको पहिलो गीती एल्बम ‘द काइट्स’को बिमोचन भएको छ । शुक्रवार राजधानीमा आयोजित एक कार्यक्रमका बीच प्रमुख अतिथी वरिष्ठ गायक गणेश रसिक, बिशेष अतिथीहरु लोकप्रिय गायक राजेश पायल राई, लोकप्रिय अभिनेता दयाहाङ राई, रैथाने संगीतज्ञ झुमा लिम्बु र कवि, गीतकार, निर्देशक तथा कार्यक्रमका सभापति प्रकाश आङ्देम्बेले गायक करण राईको एल्बम ‘द काइट्स’ एकसाथ बिमोचन गरेका हुन् ।

एल्बम बिमोचनपछि करणले २ गीतहरु ‘रानी हो’ र ‘चङ्गा’ लाइभ ब्याण्डसहित गाउनुभएकाे थियाे । आफ्नो पहिलो एल्बमको बारेमा बोल्दै करणले भन्नुभयाे ‘सानै उमेरदेखी गाउथे, आज आएर पहिलो एल्बम उहाँहरु (गणेश रसिक, राजेश पायल राई, दयाहाङ राई, झुमा लिम्बु) को हातबाट बिमोचन गर्न पाउदा चङ्गा जस्तै आकाशमा उडिरहेको महसुस गरिरहेको छु ।’ बाल्यकालदेखी नै गीत संगीतमा चासो राख्ने करण अमेरीकाबाट नेपाल फर्किएर यो एल्बम बजारमा ल्याउनुभएकाे हाे ।

कार्यक्रमका प्रमुख अतिथी गणेश रसिकले गायक करणलाई शुभकामना दिदै अहिले र पहिलेका गीत–संगीतको अन्तर र सहजताको बारेमा प्रस्ट्याउनुभएकाे थियाे । रसिकले भन्नुभयाे ‘हामिले जानेर नजानेर हिडेको बाटोमा, हामि गोरेटोमा हिड्यौ । भन्ज्याङ हिड्यौ अहिले नयाँ पुस्ताले त्यो संगीतको बाटो पिच बनाउनु भएको छ । त्यहि बाटोको क्रममा करण राईपनि आउनु भएको छ ।’ रसिकले थप्दै भन्नुभयाे ‘करण भाईले अमेरीकामै एल्बम बिमोचन गर्न सक्नुहुन्थ्यो, तर किन नेपालमा गर्नुभयो भन्दा मेरो रगतको नाता गासिएको छ, मैले नेपालकै संगीत, शब्द र लय गाउनुपर्छ भनेर नेपाल आएजस्तो लाग्छ ।’

त्यस्तै ‘द काइट्स’ एल्बमको बारेमा बोल्दै कार्यक्रमका विशेष अतिथी राजेश पायल राईले करणलाई संगीतको श्रद्धा गर्ने ब्याक्तिको रुपमा चिनेको बताउनुभयाे । राजेशपायलले भन्नुभयाे ‘चङ्गा जसरी उड्यो भने त्यो सम्पुर्णं दुख, पिडा, रिस, राग, झिजोहरु उडिरहेको छ, हामिहरु संसारमा प्रफुल्ल मनलेपनि उड्न सक्छौ भन्ने पनि अर्थ लाग्छ । त्यहि कारण उहाँको मन, उहाँको संगीत, चङ्गा जसरी चैट नभइकन संसारभरलाई उडाएर, नेपाली माटोको संगीत र नेपाली मौलिक स्वर नै गुञ्जाउनेछ सायारेम शुभकामना ।’ भुटनिज शरणर्थी क्याम्पमा जन्मिएका करणको बाल्यकाल सम्झिदै राजेशपायलले भन्नुभयाे ‘जन्म कहा छ फरक पार्छ जस्तो लाग्दैन, जन्मिसकेपछि उसको कर्मले र उसको क्षमता प्रदर्शनले ठुलो महत्व राख्छ ।’

करणलाई बधाई दिदै कार्यक्रमका बिशेष अतिथी दयाहाङ राईलेपनि ‘द काइट्स’को प्रसंसा गरे । दयाहाङले भन्नुभयाे ‘चंगासंग साच्चिकै हाम्रो मन साटिन्छ, त्यो संग रमाइन्छ, अनी करण भाईले गाउनुभएछ, प्रकाश जीले लेख्नु भएछ, गज्जब छ यो गीत ।’ त्यस्तै विशेष अतिथी झुमा लिम्बुले पनि करणलाई शुभकामना दिनुभयाे । कार्यक्रमका सभापति तथा कवि, गीतकार प्रकाश आङ्देम्बेलेपनि ‘द काइट्स’ एल्बमका लागी शुभकामना दिदै करणलाई नजिकबाट चिनाउनुभयाे । प्रकाशले भन्नुभयाे ‘नागरिकता र सिमाना चारपाटे भौगोलिक सिमाना भित्र होइन, उनिहरुसंग पनि नेपाल छ तर उनिहरुले चाही नेपाललाई भुगोल भित्र होइन दिल भित्र सजाएर बाच्छन् । ती मध्येका प्रतिनिधी पात्र हुन् करण राई ।’

सार्वजनिक भएको ‘द काइट्स’ एल्बममा ९ गीतहरु समावेश रहेका छन् । सबै गीतमा करणको स्वर रहेको छ, भने ‘फुलै राम्रो’ डोएट गीतमा गीतमा भने करणलाई गायिका मेलिना राईले साथ दिएकी छिन् । एल्बमका गीतहरुमा क्रमश प्रकाश आङ्देम्बे, डम्बर नेपाली, धरारानी, थुक्तेन डुक्पा र सपना भुजेलको शब्द रहेको छ भने डम्बर क्रमश देबेश राई, डम्बर नेपाली र महेन्द्र राईको संगीत रहेको छ । सबै गीतहरुको एरेञ्ज गायक तथा संगीतकार देबेशले नै गर्नुभएकाे छ ।

IMG 1989 IMG 2152

आजको ट्रेन्डिङ समाचार

धेरै कमेन्ट गरिएका