फोनिज दिवसः लम्जुङका आश र कास्कीका उदयलाई ‘कञ्चन पत्रकारिता पुरस्कार’ • Nepal's Trusted Digital Newspaperफोनिज दिवसः लम्जुङका आश र कास्कीका उदयलाई ‘कञ्चन पत्रकारिता पुरस्कार’ • Nepal's Trusted Digital Newspaper
  • होमपेज
  • फोनिज दिवसः लम्जुङका आश र कास्कीका उदयलाई ‘कञ्चन पत्रकारिता पुरस्कार’

फोनिज दिवसः लम्जुङका आश र कास्कीका उदयलाई ‘कञ्चन पत्रकारिता पुरस्कार’

  • समाचारपाटी
  • शनिबार, साउन २८, २०७९
फोनिज दिवसः लम्जुङका आश र कास्कीका उदयलाई ‘कञ्चन पत्रकारिता पुरस्कार’

एकात्मकवादी चिन्तनका कारण जनजातिका गौरवपूर्ण इतिहास बाहिर आएनः प्रदेश प्रमुख गुरुङ
पाेखरा कास्कीका पत्रकार उदयबहादुर अमात्य र लम्जुङका आश गुरुङलाई नेपालआदिवासी जनजाति पत्रकार महासंघ (फोनिज) गण्डकीले सञ्चालन गर्दै आएको ‘कञ्चन पत्रकारिता पुरस्कार–२०७९’ अर्पण गरिएको छ ।

स्व. पिता वेदमान गुभाजू र माता स्व. नेत्रकुमारी गुभाजूको स्मृतिमा युवा व्यवसायी विमलमान गुभाजू तथा परिवारद्वारा स्थापित कञ्चन पत्रकारिता पुरस्कार फोनिजको २३ औं स्थापना दिवसको अवसरमा आज (शुक्रबार) अर्पण गरिएको हो ।

गण्डकी प्रदेशका प्रदेश प्रमुख पृथ्वीमान गुरुङले पुरस्कृतद्वय अमात्य र गुरुङलाई जनही दोसल्ला, सम्मानपत्रसहित नगद रु २५ हजार प्रदान गर्नुभयाे। सो अवसरमा बोल्दै प्रमुख अतिथिसमेत रहेका पृथ्वीमान गुरुङले पत्रकारिता शक्तिशाली क्षेत्र भएको उल्लेख गर्नुभयाे । ‘पत्रकार राज्यको चौथो अंग हो, मुख्य अंग हो, उहाँले भन्नुभयाे,‘राज्यमा कार्यपालिका, व्यवस्थापिका र न्यायपालिका हुन्छ । ओदानको तीन खुट्टा भएझै यी तीन अंग शक्ति सन्तुलनको दृष्टिकोणले महत्वपूर्ण हुन्छ । यस पछिको अर्काे महत्वपूर्ण अंगको रुपमा पत्रकारितालाई लिइन्छ । त्यसैले स्वतन्त्र पत्रकारिता गर्न आवश्यक रहन्छ ।’

उहाँले पत्रकारहरु राज्यको निर्णायक अंग रहेको बताउँदै सचेतक भएको धारणा राख्नुभयाे । ‘राज्यलाई गल्ती गर्दा औला ठड्याउने पत्रकार नै हुन् । नेपालको इतिहासमा निरकुंशको विरुद्धमा उभिएर सचेतकको भूमिकामा रहेको पाइन्छ, उहाँले भन्नुभयाे,‘त्यसैले पत्रकार सचेतक पनि हुन् । पत्रकार जहिल्यै लोकतन्त्र र नागरिक राष्ट्र हितको पक्षमा हुनुपर्छ ।’ उहाँले नेपाल एकीकरणदेखि अहिलेसम्म राष्ट्र निर्माणमा आदिवासी जनजाति समुदाय र पत्रकारको भुमिका सम्मानयोग्य रहेको उल्लेख गर्नुभयाे । ‘नेपालको एकीकरणको अन्दोलनमा होस् । चाहे जहानिया राणाशासन विरुद्धको आन्दोलनमा होस् या पछिल्लो समयको आन्दोलनमा होस् । आदिवासी जनाजातिहरु नागरिकको स्वतन्त्रता र अधिकारको पक्षमा लागेको इतिहास छ, प्रदेश प्रमुख गुरुङले भन्नुभयाे‘आदिवासी जनाजाति मात्रै होइन त्यही समुदायको पत्रकारहरुको पनि योगदान अतुलनीय छ । भलै शैक्षिक अवस्थाको कारण र एकल राज्यसत्तात्मक चिन्तनका कारण त्यो गौरवपूर्ण इतिहास बाहिर
आउन सकेको छैन ।’ नेपाल एकीकरणको पक्षमा जनजातिहरुको भूमिका अतुलनीय रहेको बताउँदै पाउनुपर्ने अधिकारबाट वञ्चित भएको बताउँनुभयाे ।

उहाँले विमलमान गुभाजू र गुभाजू परिवारले आफ्ना स्व. पिता र माताको नाममा स्थापित कञ्चन पत्रकारिता पुरस्कारले फोनिजकर्मीहरुलाई
थप प्रोत्साहान र हौसला प्रदान गर्नेसमेत बताउनुभएकाे थियाे । यसैगरि पुरस्कृत व्यक्तित्व उदय बहादुर अमात्यले आफुलाई फोनिज
दिवसको अवसरमा पुरस्कृत गरेको भन्दै खुशी व्यक्त गर्नुभयाे । उहाँले पछिल्लो समय भाषागत पत्रकारिता लोप हुदै गएको बताउँदै फोनिजले संरक्षणको लागि पहल गर्नुपर्ने धारणा राख्नुभयाे । ‘पछिल्लो समय मातृभाषा लोप हुदै गएको छ । त्यसको संरक्षण हुन आवश्यक छ, उहाँले भन्नुभयाे,‘नजानेको भए सिक्नुपर्छ । तर यसको उजागर र संरक्षण हुन जरुरी छ ।’

पुरस्कृत भएका आमात्य गण्डकी प्रदेशको एकमात्र नेपाल भाषा मासिक पत्रिका पोखरायाः भिन्तुनाका प्रकाशक तथा प्रधानसम्पादक हुनुहुन्छ । भने गुरुङ कान्तिपुर दैनिकका लमजुङ संवाददाता हुनुहुन्छ । अधिवक्ता सुरेन्द्र थापामगर संयोजक रहेको प्रतिभा छनोट समितिले पत्रकार
द्वयलाई पुरस्कार अर्पण गर्न सिफारिस गरेको थियो ।

यसअघि उक्त पत्रकारिता पुरस्कारबाट बागलुङका राजेन्द्रमान राजभण्डारी र कास्कीका रुद्रबहादुर थापा, कास्कीका शान्ति गुरुङ र नवलपुरका केबी राना पुरस्कृत भइसक्नुभएकाे छ ।

फोनिज दिवसमा विभिन्न व्यक्तित्व सम्मानित
फोनिज गण्डकी प्रदेशले संस्थाको २३ औं स्थापना दिवसको अवसरमा विभिन्न व्यक्तित्वलाई सम्मान गरेको छ । पोखरा महानगरपालिका १ का वडाध्यक्ष सहारा प्रधान, पोखरा २५ का वडाध्यक्ष मोतिराज तिमिल्सिनालाई प्रदेश प्रमुख गुरुङले खादा तथा मालासहित
सम्मान गर्नुभयाे ।

यसैगरि वरिष्ठ अधिवक्ता सुरेन्द्र बहादुर थापामगर, फोनिजका केन्द्रीय सल्लाहकार हुम बहादुर गुरुङ, नेपाल मगर पत्रकार महासंघ कास्कीका अध्यक्ष विना थापा मगर, उपाध्यक्ष, सुरज थापामगर, सचिव प्रविन मगर, सहसचिव बल बहादुर रोकामगर, कोषाध्यक्ष आशामाया थापामगर, सदस्यहरु श्याम रानामगर, विकास रोका मगर, जुना थापामगर, सिजन थापामगर, सुजन थापामगरलाई सम्मान संस्थाका महासचिव सुमन गुरुङले जानकारी दिनुभयाे।

उहाँका अनुसार मिस मगर नेपाल २०२२ मिलन थापामगर, सेकेन्ड रनरअप टुगा राना मगर, थर्ड रनरअप मिना गर्बुजा मगर, भ्युअर च्वाइस रोश्ना बुढाथोकी मगर लगायतलाई सम्मान गरिएको थियो । संस्थाका महासचिव गुरुङले गुभाजू परिवारद्वारा स्थापित ७ लाखको कोषमा यस वर्ष १ लाख रुपैयाँ थप गरि ८ लाख पुर्याइएको बताउनुभयाे। सो कार्यक्रममा फोजिनका केन्द्रीय सल्लाहकार हुम बहादुर गुरुङ,नेपाल आदिवासी जनजाति महासंघका केन्द्रीय उपाध्यक्ष बुद्ध घर्ती भुजेल, नेपाल पत्रकार महासंघ कास्कीका कार्यवहाक अध्यक्ष रामप्रसाद
तिमिल्सिना, प्रेस चौतारी गण्डकीका संयोजक इन्द्र पौडेल लगायतले शुभकामना मन्तव्य व्यक्त गरेका थिए ।

फोनिज गण्डकीका अध्यक्ष रुद्र बहादुर श्रीसको सभापतित्वमा सम्पन्न कार्यक्रममा संस्थाका उपाध्यक्ष खिमा गुरुङले स्वागत मन्तव्य व्यक्त
गर्नुभएकाे थियाे भने महासचिव धन बहादुर गुरुङ (सुमन) ले कार्यक्रम सञ्चालन गर्नुभएकाे थियाे

IMG 1509 IMG 1537 IMG 1545

आजको ट्रेन्डिङ समाचार

धेरै कमेन्ट गरिएका