पूर्व कप्तान ज्ञानेन्द्रलाई समेटदै क्यानले केन्या भ्रमणकालागि राष्ट्रिय क्रिकेट टोली घोषणा • Nepal's Trusted Digital Newspaperपूर्व कप्तान ज्ञानेन्द्रलाई समेटदै क्यानले केन्या भ्रमणकालागि राष्ट्रिय क्रिकेट टोली घोषणा • Nepal's Trusted Digital Newspaper
  • होमपेज
  • पूर्व कप्तान ज्ञानेन्द्रलाई समेटदै क्यानले केन्या भ्रमणकालागि राष्ट्रिय क्रिकेट टोली घोषणा

पूर्व कप्तान ज्ञानेन्द्रलाई समेटदै क्यानले केन्या भ्रमणकालागि राष्ट्रिय क्रिकेट टोली घोषणा

  • समाचारपाटी
  • बुधबार, साउन २५, २०७९
पूर्व कप्तान ज्ञानेन्द्रलाई समेटदै क्यानले केन्या भ्रमणकालागि राष्ट्रिय क्रिकेट टोली घोषणा

पूर्व कप्तान ज्ञानेन्द्र मल्ललाई समेटदै नेपाल क्रिकेट संघ (क्यान) ले मंगलवार केन्या भ्रमणको लागि १६ सदस्यीय नेपाली राष्ट्रिय क्रिकेट टोलीको घोषणा गरिएको छ ।

अगस्ट २५ देखि सेप्टेम्बर ५ सम्म केन्यामा आयोजना हुन लागेको ५ टवान्टी–२० र तीन एक दिवसीय सिरिजका लागि मंगलवार क्यानले लेग स्पिनर सन्दीप लामिछानेको कप्तानीमा १६ सदस्यीय टोली घोषणा गरेको हो । जसमा ज्ञानेन्द्र मल्लले पुनरागमन गरेका छन भने यु–१९ टोलीका विकेटकिपर अर्जुन साउद पनि टोलीमा अटाएका छन । मल्लले पछिल्लो पटक विश्व क्रिकेट लिग–२ अन्तर्गत मार्चमा युएईसँगको खेलमा समावेश थिए । राष्ट्रिय टोलीमा पछिल्लो पटक स्कटल्याण्ड भ्रमण गरेका विनोद भण्डारी, कुशल भुर्तेल र सुनिल धमला टोलीबाट बाहिरिएका छन भने अर्जुन साउद पहिलो पटक राष्ट्रिय टोलीमा अटाएका हुन । यस्तै बैकल्पिक खेलाडीमा क्यानले चार खेलाडी समावेश गरेको छ । वैकल्पिकमा तीब्र गतिका बलर जितेन्द्र मुखियासहित भीम सार्की, प्रतिश जिसी र हरिशंकर शाह रहेका छन ।

घोषणा भएको टोलीले अगस्ट २५ देखि सेप्टेम्बर ५ सम्म केन्यामा आयोजना हुने सिरिज खेल्नेछ । नेपालले भ्रमण गर्ने सिरिजमा ५ टवान्टी–२० र तीन एक दिवसीय खेल हुनेछन । दुवै सिरिज केन्याको घरेलु मैदानमा हुनेछ । घरेलु टोली केन्यासँगको सिरिजको लागि मंगलवार नै तालिका समेत सार्वजनिक गरेको छ । तालिका अनुसार नेपालले टवान्टी–२० सिरिज खेल्नेछ । पहिलो टवान्टी–२० अगस्ट २५ मा हुनेछ भने दोस्रो अगस्ट २६, तेस्रो अगस्ट २८, चौथो अगस्ट २९ र अन्तिम अगस्ट ३० मा हुनेछ । यस्तै पहिलो एकदिवसीय सेप्टेम्बर २, दोस्रो एकदिवसीय सेप्टम्बर ३ र अन्तिम एकदिवसीय सेप्टेम्बर ५ मा हुने तालिका रहेको छ । नेपाली टोली नवनियुक्त मुख्य प्रशिक्षक मनोज प्रभाकरको नेतृत्वमा नेपाली टोली केन्या भ्रमणमा जानेछ ।

नेपाली टोलीः

सन्दीप लामिछाने (कप्तान), रोहित पौडेल (उपकप्तान), आसिफ सेख (विकेटकिपर),आरिफ सेख, दीपेन्द्र सिंह ऐरी, देव खनाल, आदिल आलम, करण केसी, ज्ञानेन्द्र मल्ल, सोमपाल कामी,बसिर अहमेद, अर्जुन साउद (विकेटकिपर), पवन सर्राफ, शाहब आलम, किशोर महतो, विवेक यादव

वैकल्पिक खेलाडीः जितेन्द्र मुखिया, भीम साकीर्, प्रतिश जिसी, हरिशंकर शाह

sport 1

आजको ट्रेन्डिङ समाचार

धेरै कमेन्ट गरिएका