यूवा तथा खेलकुद मन्त्री राजिव गुरुङद्वारा प्रदेश खेलकुदको भवनको उद्घाटन • Nepal's Trusted Digital Newspaperयूवा तथा खेलकुद मन्त्री राजिव गुरुङद्वारा प्रदेश खेलकुदको भवनको उद्घाटन • Nepal's Trusted Digital Newspaper
  • होमपेज
  • यूवा तथा खेलकुद मन्त्री राजिव गुरुङद्वारा प्रदेश खेलकुदको भवनको उद्घाटन

यूवा तथा खेलकुद मन्त्री राजिव गुरुङद्वारा प्रदेश खेलकुदको भवनको उद्घाटन

  • समाचारपाटी
  • मङ्लबार, साउन २४, २०७९
यूवा तथा खेलकुद मन्त्री राजिव गुरुङद्वारा प्रदेश खेलकुदको भवनको उद्घाटन

पोखरा । गण्डकी प्रदेशका यूवा तथा खेलकुद मन्त्री राजिव गुरुङले प्रदेश खेलकुद परिषद गण्डकीको प्रशासनिक भवनको उद्घाटन गर्नुभएकाे छ ।

पोखरा रंगशालामा नवनिर्मित भवनको मन्त्री गुरुङले एक कार्यक्रमका विच शिलालेख अनावरण गरी उद्घाटन गर्नुभएकाे हाे । उक्त भवन प्रदेश सरकारले करिव ९६ लाखमा उपभोक्ता समिति मार्फत निर्माण सम्पन्न गरेको हो । मन्त्री गुरुङले भवन निर्माण सम्पन्न गर्न सहयोग गर्ने उपभोक्ता समितिका अध्यक्ष हरि बहादुर बरुवाल, भरत आले, बाल कुमारी गुरुङ, ओम गुरुङ, विश्व तण्डुुकारलाई खादा लगाएर सम्मान गर्नुभएकाे थियाे ।

सो अवसरमा उपभोक्ता समितिका अर्का अध्यक्ष तथा अग्रज खेलाडी स्व.योगेन्द्र बहादुर बस्नेतको सम्मानमा एक मिनेट मौन धारण गरिएको थियो ।

सो अवसरमा मन्त्री गुरुङले नवौं राष्ट्रिय खेलकुद प्रतियोगिताको तयारीमा रहेका खेलाडीहरुलाई पौष्टिक आहार समेत वितरण गर्नुभएकाे थियाे । नवौंको तयारीका लागि खेलाडीहरुको हौसला बढाउन पौष्टिक आहार वितरण गरिएको र नवौंमा छनोट हुने खेलाडीहरुलाई हाइ अल्टिच्यूड तालिमको लागि व्यवस्था गर्ने उहाँले जनाउनुभएकाे छ ।

कार्यक्रममा यूवा तथा खेलकुद मन्त्रालयको तर्फबाट मन्त्री गुरुङले मोदी गाउँपालिकाका अध्यक्ष हिरा देवी शर्मालाई नगद ५ लाख पुरस्कार सहित सम्मान गर्नुभएकाे थियाे । गण्डकी प्रदेशबाट यूवा मैत्री स्थानिय तह प्रोत्सहान कार्यक्रम २०७८ बाट ८५ वटा गाउँपालिका मध्ये मोदी गाउँ पालिका उत्कृष्ट हुन सफल भए पछि सम्मान गरिएको हो ।

सम्पन्न कार्यक्रममा मोदी गाउँपालिकाका अध्यक्ष शर्मा, मन्त्रालयका सचिव बद्रीनाथ अधिकारी, प्रदेश खेलकुदका उपाध्यक्ष धोज कुमार गुरुङ, मन्त्रालयका महाशाखा प्रमुख घनश्याम पौडेल लगायतले खेलाडीहरुलाई पौष्टिक आहार वितरण गर्नुभएकाे थियाे । प्रदेश खेलकुद परिषदका सदस्य सचिव तेज बहादुर गुरुङले भवन निर्माणमा सहयोग गर्ने उपभोक्त समितिलगायत सबैलाई धन्यवाद ज्ञापन गर्दै प्रशासनिक भवनबाट आफ्ना दैनिक कार्यक्रमहरु सूचारु गर्न सहज हुने बताउनुभयाे ।

294979291 1125322674738070 6217616394221468838 n

आजको ट्रेन्डिङ समाचार

धेरै कमेन्ट गरिएका