पहिलोपल्ट बिराटनगरमा ‘फ्लायर्स फिल्म अवार्ड -२०७९’ हुँदै • Nepal's Trusted Digital Newspaperपहिलोपल्ट बिराटनगरमा ‘फ्लायर्स फिल्म अवार्ड -२०७९’ हुँदै • Nepal's Trusted Digital Newspaper
  • होमपेज
  • पहिलोपल्ट बिराटनगरमा ‘फ्लायर्स फिल्म अवार्ड -२०७९’ हुँदै

पहिलोपल्ट बिराटनगरमा ‘फ्लायर्स फिल्म अवार्ड -२०७९’ हुँदै

  • समाचारपाटी
  • शुक्रबार, साउन २०, २०७९
पहिलोपल्ट बिराटनगरमा ‘फ्लायर्स फिल्म अवार्ड -२०७९’ हुँदै

इटहरी । स्थानिय तह निर्वाचनका कारण पछाडि धकेलिएको ‘फ्लाएर्स फिल्म अवार्ड- २०७९’ आउदो कार्तिक ५ गते आयोजना हुँदैछ । प्रदेश १ मै पहिलो पटक हुन लागेको यो फिल्म अवार्डलाई ओजश फिल्मस् एण्ड इन्टरटेन्मेन्टले साइमन फिल्मस्, मुम्बइको डिजाइनमा आयोजना गर्दैछ । बिराटनगरमा पुरै तामझाम सहित गरिने अवार्ड शोको नोमिनेसन क्याटोगरी भिडियो सार्बजनिक गरिएको छ । नोमिनेसन लिस्टमा बेस्ट हिरो, बेस्ट हिरोइन, बेस्ट डिरेक्टर, बेस्ट म्युजिक डिरेक्टर, बेस्ट एक्सन डिरेक्टर, बेस्ट कोरियोग्राफर, बेस्ट प्लेब्याक सिंगर मेल, बेस्ट प्लेब्याक सिंगर फिमेल, बेस्ट कोमिक रोल मेल, बेस्ट सिनेमाटोग्राफी, बेस्ट डेब्यु मेल हिरो, बेस्ट डेब्यु फिमेल हिरोईन, बेस्ट सपोर्टिङ एक्टर मेल, बेस्ट सपोर्टिङ एक्टर फिमेल, बेस्ट इन नेगेटिभ रोल, बेस्ट स्टोरी, बेस्ट स्कृनप्ले, बेस्ट लिरिक्स, बेस्ट मुभी अफ द ईयर, लाईफ टाइम अचिभ्मेन्ट अवार्ड, पब्लिक च्वाइस बेस्ट हिरो अवार्ड, पब्लिक च्वाइस बेस्ट हिरोईन अवार्ड र जुरि अवार्ड गरि २३ विधामा अवार्ड वितरण गरिने भएको छ । हेर्नुस् नोमिनेसनको मोसन ग्राफिक्स भिडियो ।

आयोजकका अनुसार यतिबेला आवेदन खुल्ला गरिएको र २०७६, २०७७ र २०७८ सालमा प्रदर्शन भएका नेपालि चलचित्रहरुलाई यो अवार्ड कार्यक्रममा निशुल्क दर्ता गरिनेछ । मोफसलमा समेत नेपाली फिल्मको बिकास, बिस्तार र उन्नतीको लक्ष्य लिएर पहिलो संस्करण बिराटनगरमा आयोजना गर्न लागीएको आयोजक संस्थाका प्रमुख तथा कार्यक्रम निर्देशक साइमन राजबंशीले बताउनुभयाे। उहाँले भन्नुभयाे, ‘बिराटनगरजस्तो ठूलो शहरमा समेत नेपाली फिल्मको बजार उच्च छैन । कतिपय राष्ट्रियस्तरका कलाकारलाई समेत दर्शकले चिन्दैनन् । त्यसैले यो अवार्डले नेपाली फिल्म तथा कलाकारप्रति दर्शकको अभिरुचि बढाउने बिश्वास लिएका छौँ।’ कोरियोग्राफरका रुपमा परिचीत साइमनले अवार्ड कार्यक्रम निकै भब्य हुने दावी गर्नुभयाे । उहाँले भन्नुभयाे,‘मैले केही बर्ष मुम्बइमा काम गरेको अनुभव र त्यहाँको साइमन फिल्मस्को डिजाइनअनुरुप भब्यताका साथ कार्यक्रम गर्ने योजना छ ।’

अवार्ड समारोहको अध्यक्षमा मुकेश बुढाथोकी, उपाध्यक्षमा रविन थापा, प्रबन्ध निर्देशकमा चन्द्र प्रकाश राजबंशी, एक्टिभिटिज डाईरेक्टर हरि सिवाकोटी, बजार प्रमुखमा चन्द्रमणि सिवाकोटी रहेका छन् भने प्रमुख सल्लाहकारमा अनिश सिंह ठकुरी, सल्लाहकारमा विवेक न्यौपाने, कार्यक्रम संयोजकमा आशिमा दुतराज, सञ्जु सापकोटा र रविना राजबंशी, ब्यबस्थापनमा बिमल धमला र कलाकार संयोजनमा आइपी आचार्य रहेका छन् । कार्यक्रम निर्देशक राजबंशीका अनुसार अवार्डको जुरीहरुलाई भने गोप्य राखिएको छ । उहाँले भन्नुभयाे,‘फिल्म हेरेर जुरीले जे निर्णय गर्नुहुन्छ, त्यही नै अन्तिम निर्णय हुनेछ । आयोजकको कुनै हस्तक्षेप रहने छैन ।’ प्रदेश १ का प्रमुख सबै जातजातीको मौलिक संस्कृति,भेषभूषा,संस्कार तथा पहिचान झल्काउने बिभिन्न गीत तथा नृत्य २ सय बढी कलाकारद्धारा प्रस्तुत गरिने आयोजक संस्थाले जनाएको छ । साइमन स्वयम र नरेशबीर सिंहको कोरियोग्राफी रहेको कार्यक्रमका लागि काठमाडौंबाट थुप्रै कलाकार लगिनेछ ।

 

WhatsApp Image 2022 07 21 at 8.41.49 AM
WhatsApp Image 2022 07 21 at 8.41.48 AM

आजको ट्रेन्डिङ समाचार

धेरै कमेन्ट गरिएका