‘कृष्ण–लीला’ को अष्ट्रेलीया राइट महंगोमा बिक्री • Nepal's Trusted Digital Newspaper‘कृष्ण–लीला’ को अष्ट्रेलीया राइट महंगोमा बिक्री • Nepal's Trusted Digital Newspaper
  • होमपेज
  • ‘कृष्ण–लीला’ को अष्ट्रेलीया राइट महंगोमा बिक्री

‘कृष्ण–लीला’ को अष्ट्रेलीया राइट महंगोमा बिक्री

  • समाचारपाटी
  • बिहिबार, साउन १९, २०७९
‘कृष्ण–लीला’ को अष्ट्रेलीया राइट महंगोमा बिक्री

काठमान्डौं  । प्रतिक्षित फिल्म ‘कृष्ण–लीला’ को अष्ट्रेलीया राइट बिक्री गरिएको छ । प्रदर्शनको मिति नजिकिदै जादा सर्वत्र चर्चा र चासोमा रहेको फिल्मको राइट अष्ट्रेलीया निवासी निकेश मानन्धरले खरिद गर्नुभएकाे हाे । प्रदर्शन अधिकार सम्झौतामा निकेशका प्रतिनिधि र ‘कृष्ण लीला’ टिमबीच बुधबार राजधानीमा हस्ताक्षर भएको हो ।

दीपक ओली निर्देशीत फिल्म फस्टलुक पोस्टर सार्वजनीकसँगै चर्चामा रहदै आएको छ । त्यसमाथि फिल्मका दुई गीत–‘त्यो कथामा एउटा राजा एउटी रानी’ र ‘ए मेरो हजुर..अटल वाचा गरें’ औधी हिट भएकाले देश मात्र नभइ बिदेशमा पनि ‘कृष्ण लीला’ ‘डिमाण्डेड’ भएको छ । फिल्मका कार्यकारी निर्माता रत्न श्रेष्ठले अष्ट्रेलीया राइट महंगो रकममा बिक्रि गरिएको जानकारी दिनुभयाे । ‘रकम नखुलाउ होला,’ उहाँले भन्नुभयाे, ‘अपेक्षाभन्दा बढी मुल्यमा बेचेका छौ ।’ उहाँले फिल्मको अन्य देशबमा पनि धमाधम बिक्री भइरहेको बताउनुभयाे ।

कृष्णजन्माष्टमीको दिन अर्थात् भदौ ३ गते प्रदर्शनमा आउने फिल्ममा पुष्प खड्का, श्रद्धा क्षेत्री, बुद्धि तामाङ,रविन्द्र झा, भावना गुरुङ,नवीन रेग्मी,हिउँवाला गौतम,आयुषा क्षेत्री तथा बालकलाकार आयुष गुरागाईँ मुख्य भूमिकामा छन् । आरआर फिल्मस्को ब्यानरमा रोहित कट्टेलको प्रस्तुति रहेको फिल्मको कार्यकारी निर्माता रत्न श्रेष्ठ हुन भने निर्मातामा प्रकाशराज कार्की र केवल तामाङ छन् । पिताम्बर आचार्य र रोजन श्रेष्ठ सहनिर्माता रहेको फिल्मको लाइन प्रोड्युसर रमेश तामाङ हुन् । लक्ष्मण सुवेदी लिखित फिल्म शिब ढकालले खिचेका हुन् भने अर्जुन जिसीको सम्पादन, अर्जुन पोखरेल र बाबुल गिरीको संगीत,रामजी लामीछाने र माइकल चन्दको कोरियोग्राफी तथा श्री श्रेष्ठको द्धन्द्ध निर्देशन छ ।

आजको ट्रेन्डिङ समाचार

धेरै कमेन्ट गरिएका