मधेस प्रदेश सरकारकाे चरणवद्ध संर्घष गर्ने निर्णय • Nepal's Trusted Digital Newspaperमधेस प्रदेश सरकारकाे चरणवद्ध संर्घष गर्ने निर्णय • Nepal's Trusted Digital Newspaper
  • होमपेज
  • मधेस प्रदेश सरकारकाे चरणवद्ध संर्घष गर्ने निर्णय

मधेस प्रदेश सरकारकाे चरणवद्ध संर्घष गर्ने निर्णय

  • समाचारपाटी
  • बुधबार, साउन १८, २०७९
मधेस प्रदेश सरकारकाे चरणवद्ध संर्घष गर्ने निर्णय

संघीय सरकारले प्रहरी समायोजन गर्न आलटाल गरेको भन्दै  मधेस प्रदेश सरकारले चरणवद्ध संर्घष गर्ने निर्णय गरेको छ ।

प्रदेश सरकारका गृह तथा सञ्चारमन्त्री भरतप्रसाद साहले पत्रकार सम्मेलन गरी मधेस प्रदेशले चरणवद्ध संर्घष गर्ने निर्णय गरेको बताउनुभएको हो । उहाँले प्रदेश सरकारले संघीय सरकारलाई यसबारेमा जानकारी गराउँदासमेत चित्तबुझदो जवाफ नआएको भन्दै चरणवद्ध आन्दोलन गर्ने निर्णयमा पगेको बताउनु भयो । उहाँले प्रदेश सरकारको तर्फबाट यसअघि प्रधानमन्त्री शेरबहादुर देउवा, गृहमन्त्री बालकृष्ण खाँणसहित गठबन्धनका नेताहरुलाई ज्ञापन बुझाएको तर संघीय सरकार समायोजन गर्नका लागि गम्भीर नदेखिएको आरोप लगाउनु भयो । उहाँले प्रहरी बिना शान्ति सुरक्षा गर्न सम्भव नरहेको बताउँदै यसका लागि संर्घष एकमात्र विकल्प रहेको बताउनु भयो ।

उहाँले २२ गते प्रदेशमा रहेका सबै दलका प्रदेश सभा सदस्यसहित सबै मन्त्रीहरुको उपस्थितिमा प्रदेश प्रमुखलाई ज्ञापन पत्र बुझाउने निर्णय गरिएको जानकारी दिनुभयो । साहले सात दिने अल्टीमेटमसहित दिइने ज्ञापनपछि पनि सरकार प्रहरी समायोजन नगरे संघर्षका थप कार्यक्रहरु सार्वजनिक गरिने बताउनु भयो । प्रदेशका सबै राजनितिक दलहरुको बैठकबाट नै यस्तो निर्णय गरिएको बताउँदै मन्त्री साहले आफूहरुको आन्दोलनमा प्रदेशका हरेक राजनीतिक दलको समर्थन र सहयोग रहने जिकिर गर्नुभयो । साहले अहिलेपनि संघियता बिरोधीहरुलाई बल पुग्नेगरी सरकारले काम गरिरहेको बताउँदै अधिकार नदिँदा संघियताले जुन रुपमा काम गर्नुपर्ने हो त्यसमा कमी आएको बताउनु भयो । मन्त्री साहले आफूहरुको संघर्ष बाध्यता रहेको बताउँदै मधेसको जनतालाई संघीयताको सबलीकरण गर्नका लागि यसको आवश्यक्ता रहेको र मधेसी जनतालाई अधिकारकालागि आफूहरु प्रतिवद्ध रहेको बताउनु भयो । उहाँले राजधानीमा प्रधानमन्त्रीसँग भेटदा प्रहरी समायोजन गर्नमा प्रधानमन्त्री गम्भिर नदेखिएको आरोप लगाउनु भयो ।

साहले भन्नुभयो, ‘निर्वाचनको मिति समेत किटान भइसकेको अवस्था छैन ,वर्तमान संघीय सरकार संघीयताप्रति अनिच्छुक देखिनु, जनताको अधिकार प्रति संवेदनशिल नहुनु मधेस प्रदेश लगायत तमाम प्रदेशहरुमा शान्ति सुरक्षाको अवस्था सृदृढ हुनुपर्ने हो, त्यसमा प्रहरीको आभावमा समस्या आएको छ ।’

मन्त्री साहले गृह मन्त्रालयमा प्रहरी समयोजना सम्बन्धि सबै कामहरु पूरा भएको र प्रधानमन्त्री र केही कर्मचारीहरुले नै यसलाई आलटाल गरिरहेको बताउनु भयो । मन्त्री साहले संघियताको जननी नै मधेस प्रदेश रहेकाले आफूहरुले प्रहरी समायोजनाको संर्घषको नेतृत्व गरिरहेको बताउनु भयो । मधेस प्रदेश सरकारको अगुवाईमा असार २३ गते ६ वटा प्रदेशका गृह मन्त्रीहरुको भेला गरेर प्रहरी समायोजन ऐन र प्रहरी समन्वय सम्बन्धी ऐनलाई आधार लिई संघीय सरकारले आगामी साउनभित्र प्रहरी समायोजन गरी प्रदेश सरकारलाई हस्तान्तरण गर्न माग गरेको थियो ।

आजको ट्रेन्डिङ समाचार

धेरै कमेन्ट गरिएका