'राष्ट्रिय खेलकुद परिषदमा नियुक्त गर्नुपर्ने सदस्यहरुको चाँडै टुङगो लाग्ने':-खेलकुदमन्त्री • Nepal's Trusted Digital Newspaper'राष्ट्रिय खेलकुद परिषदमा नियुक्त गर्नुपर्ने सदस्यहरुको चाँडै टुङगो लाग्ने':-खेलकुदमन्त्री • Nepal's Trusted Digital Newspaper

हालको खबर

  • होमपेज
  • ‘राष्ट्रिय खेलकुद परिषदमा नियुक्त गर्नुपर्ने सदस्यहरुको चाँडै टुङगो लाग्ने’:-खेलकुदमन्त्री

‘राष्ट्रिय खेलकुद परिषदमा नियुक्त गर्नुपर्ने सदस्यहरुको चाँडै टुङगो लाग्ने’:-खेलकुदमन्त्री

  • समाचारपाटी
  • सोमवार, साउन १६, २०७९
‘राष्ट्रिय खेलकुद परिषदमा नियुक्त गर्नुपर्ने सदस्यहरुको चाँडै टुङगो लाग्ने’:-खेलकुदमन्त्री

राखेपको बोर्ड बैठकमा खेलकुदमन्त्री

युवा तथा खेलकुदमन्त्री महेश्वरजंग गहतराले राष्ट्रिय खेलकुद परिषद (राखेप) मा नियुक्त गर्नुपर्ने सदस्यहरुको चाँडै टुङगो लाग्ने बताउनुभएको छ ।

आईतवार बसेको राष्ट्रिय खेलकुद परिषद (राखेप) को १ सय १३ औं बोर्ड बैठकलाई सम्बोधन गर्ने क्रममा अध्यक्ष समेत रहनुभएका मन्त्री गहतराले केही निकायका प्रतिनिधिहरु नियुक्त गर्न बाँकी रहेको भन्दै छिट्टै बोर्डलाई पूर्णता दिने बताउनुभएको हो । ओलम्पिकको प्रतिनिधि, पाराओलम्पिकको प्रतिनिधि, विश्वविद्यालयको प्रतिनिधि र राखेपकै एक सदस्य आउन बाँकी छ । नयाँ आर्थिक वर्ष शुरु भएसँगै वार्षिक कार्ययोजना बनाउनका लागि राखेपको पहिलो बोर्ड बैठक बसेको हो । बोर्ड सदस्य हरि खडका नेपाल पुलिसमा जागिरे रहँदा गलत प्रमाणपत्र बुझाएकोमा अदालतबाट दोषी ठहर भएपछि खडकाको पद स्वतः रिक्त थियो । सोही पद र अन्य निकायका सदस्य नियुक्त गर्न बाँकी छ । मन्त्री गहतराजले यद्यपि बोर्डले पूर्ण आकार पाइसकेको बताउनु भयो ।

मन्त्री गहतराजले बोर्डको बैठक बसेर गरेका निर्णयबाट खेलकुदका कामलाई अगाडि बढाउनु पर्ने सुझाव दिनुभयो । संस्थाबाट गरिने निर्णयबाट संस्थाहरुको औचित्यता झल्किने भन्दै अडिग रही काम गर्न आग्रह गर्नुभयो । बोर्ड बैठक कम्तीमा पनि वर्षमा दुईपटक बस्नुपर्ने भनिएपनि आवश्यकताका आधारमा जति पटक पनि बस्नसक्ने मन्त्री गहतराजले प्रस्ट पार्नुभयो ।

मन्त्री गहतराजले नयाँ आर्थिक वर्ष शुरु भएसँगै नजिकिँदै गरेको नवौं राष्ट्रिय खेलकुद प्रतियोगिता, राखेपको वार्षिक कार्य योजनालाई एजेन्डा बनाई बोर्ड बैठक बोलाउनु भएको हो । राष्ट्रिय खेलकुद विकास ऐनमा बोर्ड बैठकले वार्षिक कार्यक्रम योजना तथा बजेटमाथि छलफल गरी स्विकृत गर्ने प्रावधान छ । बैठकमा मुख्यतः नवौं राष्ट्रिय खेलकुद प्रतियोगितामा केन्द्रित रहेर छलफल हुन लागेको हो । नवौं राष्ट्रिय खेलकुद प्रतियोगिता असोज २८ देखि कात्तिक ३ गतेसम्म गण्डकी प्रदेशमा आयोजना हुँदैछ । त्यसका लागि विभिन्न उपसमिति सहित तयारीका काम अघि बढाइएको छ । प्रतियोगिताको तयारी स्वरुप खेल सामग्री खरिदका लागि टेण्डर प्रक्रिया अघि बढेको छ । गठित वभिन्न उपसमितिका संयोजकले आफ्नो जिम्मेवारीलाई पनि अगाडि बढाइसकेका छन ।

Sequence 01.05 57 52 12.Still4687

आजको ट्रेन्डिङ समाचार

सम्बन्धित खवर

धेरै कमेन्ट गरिएका