मन्त्री चौधरीद्धारा गीतकार उपाध्यायलाई विश्व रेकर्ड (गिनिज बुक अफ वल्र्ड) प्रमाण पत्र हस्तान्तरण • Nepal's Trusted Digital Newspaperमन्त्री चौधरीद्धारा गीतकार उपाध्यायलाई विश्व रेकर्ड (गिनिज बुक अफ वल्र्ड) प्रमाण पत्र हस्तान्तरण • Nepal's Trusted Digital Newspaper

हालको खबर

  • होमपेज
  • मन्त्री चौधरीद्धारा गीतकार उपाध्यायलाई विश्व रेकर्ड (गिनिज बुक अफ वल्र्ड) प्रमाण पत्र हस्तान्तरण

मन्त्री चौधरीद्धारा गीतकार उपाध्यायलाई विश्व रेकर्ड (गिनिज बुक अफ वल्र्ड) प्रमाण पत्र हस्तान्तरण

  • समाचारपाटी
  • बिहिबार, साउन १२, २०७९
मन्त्री चौधरीद्धारा गीतकार उपाध्यायलाई विश्व रेकर्ड (गिनिज बुक अफ वल्र्ड) प्रमाण पत्र हस्तान्तरण

काठमान्डौँ । कीर्तिमानी गीतकार डा. डीआर उपाध्यायले नेपाल सहित पचाँस भाषामा एक गीत सार्वजनिक गरेर विश्व रेकर्ड बनाउनुभएकाे छ । बुधबार साँझ राजधानीमा आयोजित एक कार्यक्रममा उहाँलाई उक्त विश्व रेकर्ड (गिनिज बुक अफ वल्र्ड) प्रमाण पत्र सहरी विकास मन्त्री मेटमणी चौधरीले प्रदान गर्नुभएकाे छ ।

कार्यक्रममा मन्त्री चौधरीले डा. उपाध्याय अद्भूत क्षमता रहेको ब्यक्तिको रुपमा चर्चा गर्नुभयाे । उहाँले देशलाई अन्तराष्ट्रिय क्षेत्रमा चिनाउन गरेको यो योगदानको उचित सम्मान र कदर गर्नुपर्ने बताउनुभयाे । अझै धेरै कीर्तिमान कायम गर्दै जानका लागि शुभकामना समेत दिनुभएकाे मन्त्री चौधरीले डा. उपाध्यायको अद्भूत क्षमता सबैको खोजको विषय हुनुपर्ने धारणा समेत राख्नुभयाे ।

सन्तोष श्रेष्ठको संगीत रहेको गीतमा नेपाली भाषामा सन्तोषको स्वर, हिन्दीमा डीआरको र अन्यमा प्रकाश तिम्लिसिनकोे स्वर रहेको छ । गीत नेपाल सहित हिन्दी,जापानी, चिनिया, अंग्रजी, रुसी, कोरियाली,फ्रान्सेली, स्पेनी, इटालियन, जर्मन, थाई,मौरिसियन, उर्दु, स्वेडिस, क्रोसियन, हेब्रु
, पोर्तुगाली,बंगाली, संस्कृत, स्टोनियन, भियतनामी, डच, सिंहाली,स्लोभेनियन, इन्डोनेसियन, रुमानी, फिनिस, पेरुभियन, टर्किस, ग्रिक, फिलिपिनो, अल्बानियन,युक्रेनियन, अफ्रिकी, स्लोभाकिया, सर्बियाली,पानामियन, नर्वेजियन, आइसल्यण्डीक, बर्मेली,कोल्म्बीयन, कुर्डिस, स्वाहिली, पोलिस, बोलिभियन,हङ्गेरियन, डेनिस, लात्भियन र आर्मेनियन भाषामा रहेको छ ।

खनाल समाजका अध्यक्ष केदारनाथ खनाल, अन्तर्राष्ट्रिय नेपाली साहित्य समाजका निर्वतमान अध्यक्ष राधेश्याम लेकाली, गीतकार संघका निर्वतमान अध्यक्ष चुण्डामणी देवकोटा, पूर्व राजदूत रमेशप्रसाद खनाल लगायतको गीतका उपाध्यायले आफूले आफ्ना लागि मात्र नभएर आफ्नो समाज र देशलाई चिनाउनका लागि फरक कार्य गर्दै आएको बताउनुभयाे ।

उक्त अवसरमा तिलिचो हिमालमा लोकार्पण गरिएको उपन्यास ‘भाइरस लभ’ को विश्व कीर्तिमानको प्रमाण पत्र पनि डा. उपाध्यायलाई प्रदान गरिएको थियो । यसअघि गीत संगीत तथा विविध विधामा १०८ विश्व कीर्तिमानकायम गरेका उपाध्यायको कीर्तिमान ११० पुगेको छ ।

कार्यक्रममा संगीतकार सन्तोष श्रेष्ठ, पत्रकार कुबेर गिरी,तुलसी गिरी, कृष्ण भुषाल, गीता अधिकारी लगायतले पचाँस भाषामा गीतमा निर्वाह गरेको भुमिका मार्फत विश्व रेकर्डको प्रमाण पत्र हात पार्नुभयाे । उपाध्यायका २८ एल्बम र दर्जन बढी उपन्यास प्रकाशित छन् ।

1658926975562 1658926975579

 

आजको ट्रेन्डिङ समाचार

सम्बन्धित खवर

धेरै कमेन्ट गरिएका