नेपालका प्रथम नृत्य निर्देशक भैरव थापालाई ‘दीर्घ साधना सम्मान’ • Nepal's Trusted Digital Newspaperनेपालका प्रथम नृत्य निर्देशक भैरव थापालाई ‘दीर्घ साधना सम्मान’ • Nepal's Trusted Digital Newspaper

हालको खबर

  • होमपेज
  • नेपालका प्रथम नृत्य निर्देशक भैरव थापालाई ‘दीर्घ साधना सम्मान’

नेपालका प्रथम नृत्य निर्देशक भैरव थापालाई ‘दीर्घ साधना सम्मान’

  • समाचारपाटी
  • बिहिबार, साउन १२, २०७९
नेपालका प्रथम नृत्य निर्देशक भैरव थापालाई ‘दीर्घ साधना सम्मान’

काठमान्डौंँ । नेपालका प्रथम नृत्य निर्देशक भैरव बहादुर थापा ‘दीर्घ साधना सम्मान’ बाट सम्मानित हुनुभएकाे छ । नेपाल लोक सांस्कृतिक प्रतिष्ठान १५ औँ वार्षिकोत्सवको अवसरमा बुधवार रसियन कल्चर सेन्टरमा आयोजित ‘स्रष्टा सम्मान तथा सांस्कृतिक कार्यक्रम २०७९’ उहाँलाई नगद सहित सो सम्मान प्रदान गरिएको हो । सोही अवसरमा नेपाल समाचार पत्रका समाचार सम्पादक विदुर गिरीले पनि नगद सहित ‘दीर्घ रंग पत्रकारिता सम्मान’ प्राप्त गर्नुभयाे ।

कार्यक्रममा रातोपाटीका कुवेर गिरी ‘रंग पत्रकारिता सम्मान’, सहनाईवादक तथा पञ्चे बाजाका अग्रज आईत बहादुर परियार ‘लोक संस्कृती सम्मान’ बाट सम्मानित हुनुभएकाे थियाे । गणतन्त्र नेपालका प्रथम उप–राष्ट्रपति परमानन्द झा,प्रतिष्ठानका अध्यक्ष जोगेन्द्र केसी, निर्देशक नारायण पुरी लगायतले सम्मान पत्र तथा दोसल्लासहित सम्मान प्रदान गर्नुभएकाे थियाे ।

विभिन्न जातीका लोक बाजा तथा नृत्यसहित सुरु भएको कार्यक्रममा प्रतिष्ठानका महासचिव नृपध्वज खत्रीले२०६५ मा स्थापना भएको प्रतिष्ठानले मेचीदेखी महाकालीसम्म विभिन्न साँस्कृतिक कार्यक्रम गर्दै आएको जानकारी दिनुभयाे । त्यस्तै पूर्व उपराष्ट्रपति झाले नेपाल लोक सांस्कृतिक प्रतिष्ठानले डेढ दशकदेखि नेपाली कला सस्कृतिको उत्थान गर्दै आएको थाहा पाउँदा आफू निकै हर्षित भएको बताउनुभयाे ।‘मलाई मनपर्ने नेपाली लोक नृत्य हेर्दा निकै खुशी लाग्यो’ उहाँले भन्नुभयाे ‘म भन्दा पनि जेठो वयोवृद्धा नृत्य निर्देशक भैरव बहादुर थापालाई गरेको सम्मान तथा आआफ्नो क्षेत्रमा दक्षता हासिल गरेका ब्यक्तिलाई गरेको सम्मान निकै सराहनिय छ ।’

प्रतिष्ठानका अध्यक्ष जोगेन्द्र केसीले प्रतिष्ठान मार्फत नेपाली लोक कला तथा सस्कृतीलाई विश्वमाझ चिनाउन पाउदा आफूलाई निकै खुशी लागेको बताउनुभयाे । उहाँले नेपाली मौलिक लोक सस्कृतिको क्षेत्रका बिभिन्न क्षेत्रमा योगदानगर्नेलाई आगामी दिनमा पनि विभिन्न कार्यक्रम गरेर सम्मान गर्ने बताउनुभयाे । समारोहमा प्रतिष्ठानका सल्लाहकार तथा संगीतकार सुरेश अधिकारी, कलाकार उत्तम शर्मालाई बधाई तथा सम्मानपत्र, प्रतिष्ठानका सस्थापक अध्यक्ष, गायक तथा संगीतकार शिवराज पौडेल, सस्थापक महासचिव तथा नृत्य निर्देशक दिनेश कुमार लामा, नृत्य निर्देशक शम्भु शाही, नृत्यागंना तथा कलाकार पूर्णिमा श्रेष्ठलाई संस्थागत सम्मान प्रदान गरिएकाे थियाे ।

ईभेन्ट निर्देशक निशुकान्त झा, कलाकार कृष्ण रसाल, गायक शिशिर योगीले समेत सम्मान पत्र प्राप्त गरेको कार्यक्रममा वर्माकी नेपाली भाषी गायिका डीना चौलागाईं, नेपाल समाचारपत्रकी रश्मी थापा, वाद्यवादक न्हुच्छे राजा मुनिमर लगायत कदरपत्रबाट सम्माति भए भने विभिन्न संघ सस्था तथा व्यक्तिलाई ‘मायाको चिनो’ प्रदान गरेका थिए । गायक शिशिर योगी, कृष्ण रेउले, सुनिता परियारलगायतले गीत प्रस्तुत गरेको कार्यक्रममा भैरवकाली, हुड्केली, लाखे, कौडा, चण्डी लगायतका विभिन्न लोक नृत्य प्रस्तुत गरिएको थियो ।

MG 2085

1658935339842 1658935339855 1

आजको ट्रेन्डिङ समाचार

धेरै कमेन्ट गरिएका