'नागरिकता विधेयक पारित हुनु स्वागत योग्य':-एनआरएनए • Nepal's Trusted Digital Newspaper'नागरिकता विधेयक पारित हुनु स्वागत योग्य':-एनआरएनए • Nepal's Trusted Digital Newspaper

हालको खबर

  • होमपेज
  • ‘नागरिकता विधेयक पारित हुनु स्वागत योग्य’:-एनआरएनए

‘नागरिकता विधेयक पारित हुनु स्वागत योग्य’:-एनआरएनए

  • समाचारपाटी
  • आइतवार, साउन ८, २०७९
‘नागरिकता विधेयक पारित हुनु स्वागत योग्य’:-एनआरएनए

काठमान्डौँ । गैर आवसीय नेपाली संघ (एनआरएनए)ले नागरिकता विधेयक प्रतिनिधिसभाबाट पारित हुनु स्वागतयोग्य कुरा भएको बताएको छ । संघका अध्यक्ष विनोद कुँवरले विधेयकले गैरआवसीय नेपाली संघलाई संविधानले दिएको अधिकार कार्यान्वयन गरेको बताउनुभयाे । उहाँले संघले नागरिकताको निरन्तरताको माग गर्दै आएको समेत बताउनुभयाे ।

अध्यक्ष कुँवरले आफूहरुले उठाउँदै आएका धेरै मागहरु विधेयकले नसमेटेको भएपनि संविधानले गैरआवसीय नेपालीलाई दिएको अधिकार कार्यान्वयनको दिशामा अघि बढेकोले संघले स्वागत गरेको बताउनुभयाे । उहाँले विधेयक पक्षमा मत राख्ने सबै सांसदहरुलाई धन्यवाद समेत दिनुभयाे ।

“यस विधेयकका संघले उठाउँदै आएका धेरै मागहरु त छैनन् तर नागरिकताको निरन्तरता माग पूरा हुने दिशामा अघि बढेको छ । गैरआवसीय नेपालीलाई संविधानले दिएको अधिकार कार्यान्वयन हुन्छ भन्ने आशा र विश्वास बढेको छ, यसकारण संघ विधेयकको स्वागत गर्दछ” कुँवरले भन्नुभयाे । उहाँले विगत लामो समयदेखि मागको रुपमा रहेको नेपाली नागरिकताको निरन्तरतालाई नेपालको संबिधानमा राजनैतिक अधिकार बाहेक बाँकी सबै अधिकार पाउने गरि गैरआवासीय नेपाली नागरिकताको ब्यवस्था गरिएको बताउनुभयाे ।

विधेयकमा आफूहरुका थुप्रै मागहरु नसमेटिएको भन्दै अध्यक्ष कुँवरले यसअघि नै असहमति जाहेर गरेको बताउँदै भन्नुभयाे, “यस विधेयकमा थुप्रै कुरामा हाम्रो गुनासो छ, संसोधनका लागि अनुरोध पनि गरेका थियौँ, केहि बुँदामा हाम्रो असहमति पनि छ । तर पनि संबिधानले दिएको यो संबैधानिक अधिकार कार्यान्वयन गर्न यो विधेयले पहिलो पटक दिने गैरआवासीय नेपाली नागरिकता एउटा उपलब्धि हो ।”

अध्यक्ष कुँवरले संविधानले दोहोरो नागरिकता नभएर आफूहरुलाई गैरआवासीय नेपाल नागरिकता मात्रै भएको बताउँदै उक्त कार्य तत्कालिन अध्यक्ष डा. शेष घलेको विशेष प्रयासमा सुनिश्चित भएको बताउनुभयाे । शुक्रबार सरकारले नागरिकता विधेयकसम्बन्धी संसदमा बहुमतले पारित गरेको थियो ।

आजको ट्रेन्डिङ समाचार

सम्बन्धित खवर

धेरै कमेन्ट गरिएका