‘अब फेरि हामी एक ठाउँमै आउनुपर्छ'डेढ वर्षलाई इतिहासको एउटा कालो वर्षको रुपमा छोडिदिउँ':भट्टराई • Nepal's Trusted Digital Newspaper‘अब फेरि हामी एक ठाउँमै आउनुपर्छ'डेढ वर्षलाई इतिहासको एउटा कालो वर्षको रुपमा छोडिदिउँ':भट्टराई • Nepal's Trusted Digital Newspaper
  • होमपेज
  • ‘अब फेरि हामी एक ठाउँमै आउनुपर्छ’डेढ वर्षलाई इतिहासको एउटा कालो वर्षको रुपमा छोडिदिउँ’:भट्टराई

‘अब फेरि हामी एक ठाउँमै आउनुपर्छ’डेढ वर्षलाई इतिहासको एउटा कालो वर्षको रुपमा छोडिदिउँ’:भट्टराई

  • समाचारपाटी
  • बुधबार, साउन ४, २०७९
‘अब फेरि हामी एक ठाउँमै आउनुपर्छ’डेढ वर्षलाई इतिहासको एउटा कालो वर्षको रुपमा छोडिदिउँ’:भट्टराई

नेकपा एमाले का सचिव योगेश भट्टराईले काँग्रेससँगको गठबन्धन त्यागेर एकतामा आउन नेकपा माओवादी केन्द्र र नकेपा एकीकृत समाजवादी लाई आग्रह गर्नुभएको छ ।

मंगलवार अनेरास्ववियु केन्द्रिय कमिटी शैक्षिक विभागले आयोजना गरेको राष्ट्रको समृद्धिको लागि दक्ष जनशक्तिको निर्माण तथा परिचालन विषयक अन्तरक्रिया कार्यक्रममा बोल्दै एमाले सचिव भट्टराईले नेकपा (माओवादी केन्द्र) र नेकपा (एकीकृत समाजवादी) लाई एकतामा आउन आग्रह गर्नुभएको हो । उहाँले तत्कालिन नेकपाका नेताहरु एक ठाउँमा आउनुको विकल्प नभएको बताउनु भयो । उहाँले विगतको डेढ वर्षलाई इतिहासको कालो वर्षको रुपमा छोडिदिएर बिर्सिनुपर्ने बताउनु भयो ।

विगतको कुरा गरेर अगाडी बढन नसकिने भन्दै उहाँले अगाडी जाने बारेमा मात्रै सोच्नुपर्ने बताउनु भयो । भट्टराईले वर्तमान सत्तारुढ गठबन्धनलाई नर्ककुण्डको संज्ञा पनि दिनुभयो । उहाँले घुमाउरो पारामा तत्काल एकता गर्न नसकिएमा गठबन्धन गरेर भएपनि एकै दिशातर्फ हिँडनुपर्नेमा जोड दिनुभयो ।

उहाँले भन्नुभयो – ‘अब फेरि हामी एक ठाउँमै आउनुपर्छ । त्यसको विकल्प छैन । यो बीचको एक, डेढ वर्षलाई हामीले इतिहासको एउटा कालो वर्षको रुपमा छोडिदिउँ । धेरै पछाडी नफर्किउँ कसले के गर्यो भन्ने कुरा । जब कसले के ग¥यो भन्नेकुरामा हामी जान्छौँ हामी एक अर्कालाई चिर्थोछौँ र घाइते बनाउँछौँ । अगाडी कसरी जाने त्यो सोचौँ । त्यसकारण त्यो एउटा नर्ककुण्ड भनौँ काँग्रेससँगको गठजोड भनेको, त्यो नर्ककुण्डबाट फर्किनुपर्छ । त्यताबाट स्वर्ग गइँदैन । एउटा भनाई छ नि, स्वर्ग जाने हो भने त गोजिमा स्वर्गकै ठेगाना चाहियो । अनि त्यहाँ पुगिन्छ । गोजिमा अर्को ठेगाना बोक्ने ड्राइभिङ अन्ततिर गर्यो भने अन्त गइन्छ । आजकाल जिपिएस किन लगाइन्छ भने जिपिएसले ठिक ठाउँमा लान्छ । त्यसकारण माओवादी साथीहरु र समाजवादीले जिपिएस लगाउनुपर्यो । अब त्यो जिपिएस जिउमा लगाउनुप¥यो र फर्किनुपर्यो । बाटो फर्किनुपर्यो । अनि हामी सँगसँगै हुँदै जाऔँ । कति वर्षसम्म सँगसँगै हिँडने, नजिकबाट हिँडौँ । जुन बेलाबाट हामी एउटै बाटोमा हिडौँला त्यो बेलाबाट एउटै बाटोमा हिडौँला । अस्ति अलि छिट्टै एउटा बाटोमा हिँडन खोज्दा छिटो दुर्घटना भयो । अब अलि छिटो एउटै बाटोमा नहिडौँ न त ठिकै छ । एउटै दिशामा जाउँ । लेन अलिकति फरक जाउँ न त । लेन फरक जाऔँ दिशा एउटै गरौँ । कुनै एउटा ठाउँमा हुँदाखेरी हाइवेमा लेन मर्ज हुन्छ । कुनै न कुनै ठाउँमा पुगेपछि त त्यो लेन मर्ज हुन्छ नि त । आजका नेताहरुको पालना भएन भने तपाई र मेरो पालामा गरौँला न त के फरक पर्यो र । यदी त्यसो नगरीकन राष्ट्रिय शक्ति बन्दैन । राष्ट्रिय सामथ्य भएको शक्ति चाहियो । जसले यो मुलुकको सिंगो जनमतलाई नेतृत्व गर्नसक्छ ।’

सचिव भट्टराईले देशमा राष्ट्रिय सामथ्र्य भएको शक्ति चाहिएको बताउनु भयो । उहाँले कम्युनिष्ट तथा वामपन्थी आन्दोलनले मात्रै राष्ट्रिय सामथ्र्य हुने भन्दै यो शक्तिले मात्रै विदेशी शक्तिराष्ट्रहरुसँग आँखा जुधाएर बोल्न सक्ने बताउनु भयो । देशमा राष्ट्रिय शक्ति नभएमा साम्राज्यवादीहरुले सबै प्रणाली खाइदिने उहाँको भनाई छ ।

उहाँले भन्नुभयो – ‘राष्ट्रिय समथ्य भएको शक्ति चाहिन्छ जसले शिक्षामा पनि ठूलो क्रान्ति गर्नसक्छ । त्यो सामथ्र्य भएको शक्ति भनेको आजको दिनमा नेपालको वामपन्थी आन्दोलन हो । कम्युनिष्ट आन्दोलन हो । अरुले सक्नेवाला छैनन । त्यो शक्तिले नै हाम्रा छिमेकी हुन चाहे हाम्रा टाढाका मित्रहरु हुन । तिनीहरु सँग आँखा जुधाएर बोल्न सक्छन । तिमी सँग हामी यति सहयोग लिन्छौँ । यति लिन्नौँ । तिम्रो यो शर्त मान्छौँ । यो शर्त मान्दैनौँ । हामी त्यो भन्न सक्छौँ । यदी त्यो शक्ति भएन भने त्यो भन्न सकिदैन । जब त्यो भन्न सकिँदैन ब्वाँसोले पछाडीबाट भैंसिलाई कन्याउँदै त्यसको भित्र सबै खाएजस्तो साम्राज्यवादीहरुले, आजको दलाल पुँजीले यदी राष्ट्रिय सामथ्र्य भएको शक्ति भएन भने कन्याउँदै कन्याउँदै भित्र सबै खाइदिन्छ । हाम्रो शिक्षा प्रणालीलाई त्यसबाट जोगाउँदै दक्ष शिक्षा प्रणालीतिर लानको निम्ति राष्ट्रिय सामथ्य भएको नै चाहिन्छ ।’

उहाँले नेपाली काँग्रेस नेतृत्वको सरकारले शिक्षाको क्षेत्रमा नयाँ नीति ल्याउन नसक्ने बताउनु भयो । उहाँले प्रधानमन्त्री शेरबहादुर देउवामा कुनै बुद्धि, विवेक र नीति नभएको टिप्पणी गर्नुभयो ।

yogesh

आजको ट्रेन्डिङ समाचार

धेरै कमेन्ट गरिएका