पानी नपरेपछि बाँकेमा रोपेको धान सुक्यो • Nepal's Trusted Digital Newspaperपानी नपरेपछि बाँकेमा रोपेको धान सुक्यो • Nepal's Trusted Digital Newspaper
  • होमपेज
  • पानी नपरेपछि बाँकेमा रोपेको धान सुक्यो

पानी नपरेपछि बाँकेमा रोपेको धान सुक्यो

  • समाचारपाटी
  • मङ्लबार, साउन ३, २०७९
पानी नपरेपछि बाँकेमा रोपेको धान सुक्यो

 

आकाशे पानी नपरेपछि बाँकेमा रोपेको धान सुक्न थालेको छ ।

साउनको पहिलो हप्ता सकिन लाग्दा पनि वर्षा नभएपछि बाँके जानकीका किसानहरु ढलको पानी सिंचाई गरेर धान रोप्न बाध्य भएका हुन । बाँके जिल्लाको कुल क्षेत्रफलको ३६ हजार ५ सय हेक्टरमा धान खेती गरिन्छ तर यो वर्ष समयमा पानी नपर्दा असारको अन्तिमसम्म ४० प्रतिशत मात्र धान रोपाईं भएको कृषि ज्ञान केन्द्र बाँकेले जनाएको छ । किसानहरुले यो वर्ष मलखाद नपाएको गुनासो गरिरहेका बेला आकाशे पानी नपरेपछि रोपेको केही धानपनि सुक्न थालेको छ । असार महिनाभर धान रोप्नेगरि वर्षात नभएपछि ब्याडमा रहेका धानको बीउदेखि जेनतेन गरी रोपेको धान पनि सुक्न थालेका छन । धान रोपेको गह्रा पनि फाटेर चिरा पर्न थालिसकेका छन । गत बर्ष यही समयमा झन्डै ९० प्रतिशत धान रोपाईं भएको बाँके जिल्लामा यस वर्षको असार महिनाको अन्त्यसम्म आईपुग्दा पनि पानी नपरेका कारण बाँकेका आठ वटै पालिकामा ४० प्रतिशत मात्र धान रोपाईं भएको कृषि ज्ञान केन्द्र बाँकेका कृषि अधिकृत दिनेशप्रसाद भट्टराई बताउनु भयो । उहाँले असार १५ ताका परेको पानीले रोपेको धान पनि सुकेको बताउनु भयो । उहाँले आकाशबाट पानी नपरेका कारण खोला नालामा पनि पानी सुक्दै गएकाले धान रोपाईं गर्न समस्या भएको बताउनु भयो ।

जानकी ३ बाँकेका किसान बिर्जा प्रसादजरवटले रोपेको धान पनि पानी नपरेका कारण खेतमा सुक्दै गएको बताउनु भयो । उहाँले समयमा मलखाद पनि नपाएको गुणासो सुनाउँदै सिंचाईको कनैुपनि प्रवन्ध नभएकाले सरकारले किसानका लागि सिंचाईको सुविधा नदिएको बताउनु भयो ।

आफ्नो गाउँघरमा पानीका लागि कुनै सुविधा नभएकाले पम्पिङसेटबाट नालाको पानीले सिंचाई गरी रोपेको धानपनि सुक्न थालेको र जमिन पनि फुटन थालेको जानकी ३ बाँकेका किसान दीलिपकुमार जरवटले बताउनु भयो । उहाँले नेताहरु भोट माग्नेबेला किसानलाई आश्वासन दिने गरेपनि जितिसकेपछि फर्केर नहेर्ने गरेको गुनासो व्यक्त गर्नुभयो ।

पानी नपरेर सुख्खा लागेकाले धान रोपाईं हुन नसकेको भन्दै सिंचाईको सुविधा गरिदिन जानकी ३ बाँकेका किसानहरुले आग्रह गरेका छन । राप्ती नदी, खोलानाला र सिक्टा सिंचाईको सुविधा हुने राप्तीसोनारी, बैजनाथ, खजुरा, जानकी, डुडुवा गाउँपालिकामा २५ देखि ४० प्रतिशत धान रोपार भएको छ भने नरैनापुर गाउँपालिकामा १० प्रतिशत, कोहलपुर नगरपालिका क्षेत्रमा १५ र नेपालगञ्ज उपमहानगरपालिका क्षेत्रमा २० प्रतिशत मात्र धान रोपाईं भएको कृषि ज्ञान केन्द्रले जनाएको छ ।

dhan

आजको ट्रेन्डिङ समाचार

धेरै कमेन्ट गरिएका