भारत आएपछि फलदायी र उपलब्धीमुलक कुराकानी भएको छः अध्यक्ष दाहाल • Nepal's Trusted Digital Newspaperभारत आएपछि फलदायी र उपलब्धीमुलक कुराकानी भएको छः अध्यक्ष दाहाल • Nepal's Trusted Digital Newspaper
  • होमपेज
  • भारत आएपछि फलदायी र उपलब्धीमुलक कुराकानी भएको छः अध्यक्ष दाहाल

भारत आएपछि फलदायी र उपलब्धीमुलक कुराकानी भएको छः अध्यक्ष दाहाल

  • समाचारपाटी
  • आइतवार, साउन १, २०७९
भारत आएपछि फलदायी र उपलब्धीमुलक कुराकानी भएको छः अध्यक्ष दाहाल

 

नेकपा (माओवादी केन्द्र) का अध्यक्ष एवं पूर्व प्रधानमन्त्री पुष्पकमल दाहालले भारत भ्रमणमा फलदायी र उपलब्धीमुलक कुराकानी भएको बताउनुभएको छ ।

आईतवार भारतीय जनता पार्टी (भाजपा) का अध्यक्ष जेपी नडडासँगको भेटपछि न्यूज एजेन्सी नेपालका सञ्चारकर्मीसँग कुरा गर्दै अध्यक्ष दाहालले यस्तो बताउनुभएको हो । उहाँले भाजपा अध्यक्ष नडडासँगको भेटमा भाजपाले गरिरहेको कार्यालय व्यवस्थापनको बारेमा कुराकानी गरेको बताउनु भयो । अध्यक्ष दाहालले कार्यालय व्यवस्थापनको बारेमा बुझदा आफू उत्साहीत भएको पनि बताउनु भयो । उहाँले दुई पार्टी र दुई देशको सम्बन्ध बलियो बनाउनको लागि सम्बन्धलाई बिस्तार गर्ने कुरामा सहमति भएको बताउनु भयो ।

उहाँले भन्नुभयो, ‘म भारत आएदेखि नै निकै राम्रो वातावरणमा फलदायी र उपलब्धीमुलक कुराकानी भइरहेको छ । संसारको सबैभन्दा ठूलो जनीतिक पार्टीको रुपमा स्थापित भारतीय जनता पार्टीको अध्यक्ष जेपी नडडाजीसँग कुरा भयो । यहाँको अफिस म्यानेजमेण्ट कसरी चलेको छ ? त्यहाँ व्यवस्थापन कस्तो छ भन्ने बारेमा बुझदा म उत्साहीत भएको छु । दुई पार्टी र दुई देशको सम्बन्ध बलियो बनाउनको लागि राम्रोसँग सम्बन्ध बलियो बढाउनुपर्छ, भन्ने नडडाजीको प्रश्तावलाई मैले समर्थन गरेको छु । कहिले बिजेपी र कहिले माओवादीको निमन्त्रणामा नेपाल र भारतमा विभिन्न कार्यक्रमहरु संयुक्त रुपमा गर्ने भन्ने समझदारी पनि भएको छ ।’

अध्यक्ष दाहालले भाजपा र नेकपा माओवादीले दुई देश र पार्टी बीचको सम्बन्ध बिस्तारका लागि मिलेर नेपाल र भारतमा संयुक्त रुपमा कार्यक्रम गर्ने समझदारी भएको पनि बताउनु भयो । अध्यक्ष दाहालले भारतीय प्रधानमन्त्री नरेन्द्र मोदीसँग पनि भेट गर्ने भनिएपनि अहिलेसम्म समय र कार्यसूची निश्चित भइसकेको छैन । अध्यक्ष दाहाल तीन दिने भारत भ्रमण सकेर आज नै नेपाल फर्किने कार्यक्रम छ ।

 

pra3 pra4 prach5 prachanda 2 prachanda2

आजको ट्रेन्डिङ समाचार

धेरै कमेन्ट गरिएका