युनाईटेड क्लवको आयोजनामा निः शुल्क पाठेघर शिविर सम्पन्न • Nepal's Trusted Digital Newspaperयुनाईटेड क्लवको आयोजनामा निः शुल्क पाठेघर शिविर सम्पन्न • Nepal's Trusted Digital Newspaper
  • होमपेज
  • युनाईटेड क्लवको आयोजनामा निः शुल्क पाठेघर शिविर सम्पन्न

युनाईटेड क्लवको आयोजनामा निः शुल्क पाठेघर शिविर सम्पन्न

  • समाचारपाटी
  • आइतवार, साउन १, २०७९
युनाईटेड क्लवको आयोजनामा निः शुल्क पाठेघर शिविर सम्पन्न

पोखरा  । युनाईटेड क्लव पोखराको आयोजनामा निः शुल्क पाठेघर शिविर सम्पन्न भएको छ । सामाजिक काममा अग्रणी स्थानमा रहेको युनाईटेड क्लव पोखराले आफ्नो स्वास्थ्य कार्यक्रम अन्तर्गत शनिवार पोखरा महानगरपालिका वडा नम्बर १ कसेरी गैरी गांउ शान्तिटोलमा महिला दिदिबहिनी हरुलाई लक्षित गरी नि: शुल्क पाठेघर शिविरको आयोजना गरेको हो ।

सो अवसरमा वोल्दै पोखरा महानगरपालिका वडा नम्बर १ का अध्यक्ष शाहरा प्रधानले युनाईटेड क्लवले पोखरामा सामाजिक क्षेत्रमा राम्रो काम गरेको वताए । क्लवले स्थापना कालदेखीनै पोखरामा शिक्षा, स्वास्थ्य, खेलकुद, पर्यटन प्रवद्र्धन र सेती नदीमा काम गर्दै आइरहेको अवस्थामा हाल आएर आफ्नो वडामा महिलाहरुको स्वास्थ्यलाई मध्येनजर गरी पाठेघर चेकजांच शिविरको आयोजना गरेकोमा धन्यवाद प्रकट गर्दै आगामी दिनमा पनि युनाईटेड क्लव संग सहकार्य गरेर अगाडी वढ्ने प्रतिवद्धता समेत जनाउनुभयाे ।

सो अवसरमा वोल्दै वरिष्ठ स्त्री रोग विशेज्ञ डा. रेखा पौडेलले महिलाहरुले आफ्नो स्वास्थ्य प्रति सचेत रहनुपर्ने वताउदै विशेष गरी पछिल्लो समय महिलाहरुमा पाठेघरको समस्या वढ्दो रुपमा देखिएकाले यसबारेमा विशेष ध्यान दिन दिदी बहिनीहरुलाई आग्रह गर्नुभयाे । क्लवका संस्थापक अध्यक्ष हिमालय बख्रेलले युनाईटेड क्लवले आफ्नो सामाजिक काम अन्तर्गत स्वास्थ्यको क्षेत्रमा पोखरा १ कसेरीमा कार्यक्रम गरी महिला दिदिबहिनीहरुलाई उपचार साथै सचेतना प्रदान गर्न पाउदा निकै खुसी लागेको वताउनुभयाे ।

त्यस्तै रत्ना आमा समुहकी अध्यक्ष माया गिरीले युनाईटेड क्लव पोखराले कसेरी गैरी गाउमा आएर त्यहां भएका दिदी बहिनीहरुको स्वास्थ्य प्रति चासो देखाएकोमा विशेष धन्यवाद ब्यक्त गर्नुभयाे । क्लवका अध्यक्ष राजु श्रेष्ठको अध्यक्षतामा सम्पन्न कार्यक्रममा स्वास्थ्य उपसमिति संयोजक तथा कार्य समिति सदस्य जयराम आचार्यले स्वागत मन्तब्य राख्नुभएकाे थियाे भने कार्यक्रमको सञ्चालन महासचिव शान्त वहादुर थापाले गर्नुभएकाे थियाे ।

सो अवसरमा १ सय ७७ जना महिला दिदिवहिनीहरुले स्वास्थ्य लाभ लिएका थिएभने ९८ जनाले एक्सरे गरेका थिए । शिविरमा वरिष्ठ स्त्री रोग विशेज्ञ डा.रेखा पौडेल, रेडियोलोजिष्ट डा. रोशन पंगेनी, डा. श्रीया थापा, डा. बिन्दु पनेरु, डा. सौरभ झा, फर्मेसिस्ट दिनेश सिग्देल, प्राविधिक खेमराज गिरी, प्राविधिक शान्ति देवि पौडेल, प्राविधक दुर्गा अधिकारी बाँस्तोला, नरहरी पनेरु लगाएतले सहजीकरण गरेका थिए ।

सो अवसरमा रत्ना आधारभूत विद्यालयकी प्र. अ. सीता देवी थापा, टोल सुधार समितिका अध्यक्ष तोरण राणा लामा, रत्ना आमा समुहकी अध्यक्ष माया गुरुङ, शान्ति टोल आमा समूहकी कोषाध्यक्ष, राजकुमारी तामाङ, पूर्व जनप्रतिनिधि सदस्य प्रेम देवि परिवार, मुक्ति समाज की प्रतिनिधि मन माया बि. क., क्लबका निवर्तमान अध्यक्ष लाल काजी गुरुङ, कोषाध्यक्ष सूर्य बहादुर बानिया, सचिव दिनेश सुनार, सदस्यहरु सन्तोष कार्की, विष्णु कुमार गुरुङ, चन्द्र कुमारी पराजुली, शिव थापा, आजीवन सदस्यहरु शुशिला श्रेष्ठ, सिद्धि कुमार श्रेष्ठ, कार्यालय सचिव रेजिना खत्री, लोक गायिका लक्ष्मी नेपाली र तारापति सुवेदी लगायतको सहभागीता रहेको थियो । कार्यक्रममा रत्ना आमा समुहको सहयोग रहेको थियो ।

united1 united2 united4

आजको ट्रेन्डिङ समाचार

धेरै कमेन्ट गरिएका