सरकारले चासो नदिँदा मोरङको पेट्रोल खानी जिर्ण बन्दै • Nepal's Trusted Digital Newspaperसरकारले चासो नदिँदा मोरङको पेट्रोल खानी जिर्ण बन्दै • Nepal's Trusted Digital Newspaper
  • होमपेज
  • सरकारले चासो नदिँदा मोरङको पेट्रोल खानी जिर्ण बन्दै

सरकारले चासो नदिँदा मोरङको पेट्रोल खानी जिर्ण बन्दै

  • समाचारपाटी
  • शुक्रबार, असार ३१, २०७९
सरकारले चासो नदिँदा मोरङको पेट्रोल खानी जिर्ण बन्दै

नेपालमा पेट्रोलियम खानीको प्रचुर सम्भावना रहेपनि यकिन गर्न नसक्दा खानीहरु बेवारिसे बनेका छन ।

पेट्रोलियम पदार्थमा परनिर्भर रहनुपरेको नेपालमा १० वटा खानी छन । सन २०१९ देखि चीन सरकारको आर्थिक तथा प्राविधिक सहयोगमा दैलेखमा पेट्रोलियम पदार्थको विस्तृत अन्वेषण कार्य अघि बढाइएको छ । तर कुनैपनि ठाउँमा सरकारले गहन अनुसन्धान र अध्ययन गर्न नसक्दा सञ्चालन र सदुपयोग हुन सकेका छैनन । सरकारले सञ्चालनको लागि चासो र उत्सुकता नदेखाउँदा आफनै देशमा भएको पेट्रोल खेर गइरहेको छ । मोरङको बेलबारी नगरपालीका वडा नम्बर ८ बाहुनीमा रहेको खानीको अवस्था पनि त्यस्तै छ । सरकारले चासो नदिँदा पेट्रोल खानी जिर्ण बन्दै गएको छ । अन्वेषण गर्न बनेका भवन भग्नावशेष भइसकेको छ भने अन्वेषण गर्न ल्याएको कच्चा पदार्थहरु नष्ट भएका छन । सरकारले बेलाबेला आएर हेर्ने बाहेक अन्य काम गर्न नसकेको बताउनुहुन्छ स्थानीय कुलबहादर भण्डारी । उहाँले सरकारले पूर्ण चासो दिएर काम गर्ने हो भने पेट्रोलका लागि अहिलेको अवस्थाको सामना गर्नु नपर्ने बताउनु भयो ।

वि.सं. २०४५ सालमा सरकारको सहयोगमा निजी विदेशी कम्पनीले मोरङको बाहुनीमा पेट्रोल खानीको अन्वेषण गरेपनि सरकारले उक्त कार्यलाई निरन्तरता दिन नसकेको गुनासो गर्नुहुन्छ स्थानीय यामप्रसाद तिम्सिना । उक्त कम्पनीले ६ महिना लगाएर साढे तीन किलोमिटरसम्म जमिन छेडेर अध्ययन गरेको बताउनु भयो । ३४÷३५ वर्ष बितिसक्दा पनि उक्त स्थानमा सरकारले कुनै काम नगरेको उहाँको भनाइ छ । उक्त स्थानको खानी सञ्चालनमा नल्याउन भारतको दबाब दिएको गुनासो रहेको बताउनु भयो । उहाँले नेपालको उक्त खानी सञ्चालन गरे भारतको खानी सुक्ने भएकोले भारतले नदिएको गुनासो आउनेगरेको बताउनु भयो ।

२०४५ सालमा चाइना कम्पनिले आएर अनुसन्धान पूरा गरी नेपाल सरकारलाई जिम्मा लगाएको खानीका पाले कपिलमणी रेग्मीले बताउनु भयो । अहिले खानी आसपासको क्षेत्र गौचरणमा सिमित भएको उहाँको भनाइ छ ।

सरकारको बेवास्थाका कारण हाल उक्त स्थान जंगलमा परिणत तएको छ । सरकारको मुख्य समस्या पेट्रोलियम पदार्थको खानी स्वदेशमा नै रहेपनि आफूसंग भएका खानी सञ्चालन गर्न सकेको छैन । बेलबारी ८ बाहुनीमा रहेको व्यक्तिको ४.९६९ वर्गमिटर जमिन खानी तथा भूगर्भ विभागले किनेको छ । अहिले खानी सञ्चालनका लागि विदेशबाट मगाइएका सामानहरु बेवारिसे भइ खेर गएको स्थानीहरुको भनाइ छ ।

Raw.00 00 06 19.Still066 Raw.00 00 09 16.Still065 Raw.00 00 42 03.Still067 Raw.00 01 09 16.Still068 Raw.00 01 19 16.Still069 Raw.00 01 32 18.Still070 Raw.00 01 58 17.Still072 Raw.00 02 12 04.Still074 Raw.00 02 16 15.Still075 Raw.00 07 09 18.Still058 Raw.00 08 45 04.Still060

आजको ट्रेन्डिङ समाचार

सम्बन्धित खवर

धेरै कमेन्ट गरिएका