कृषि पेशा र कृषक दुबै सम्मानित नभए देश समृद्ध बन्दैन :- मेयर आचार्य • Nepal's Trusted Digital Newspaperकृषि पेशा र कृषक दुबै सम्मानित नभए देश समृद्ध बन्दैन :- मेयर आचार्य • Nepal's Trusted Digital Newspaper
  • होमपेज
  • कृषि पेशा र कृषक दुबै सम्मानित नभए देश समृद्ध बन्दैन :- मेयर आचार्य

कृषि पेशा र कृषक दुबै सम्मानित नभए देश समृद्ध बन्दैन :- मेयर आचार्य

  • समाचारपाटी
  • बुधबार, असार २९, २०७९
कृषि पेशा र कृषक दुबै सम्मानित नभए देश समृद्ध बन्दैन :- मेयर आचार्य

विभिन्न १५ वटा कृषि समूह सम्मानित

पोखरा। पोखरा महानगरले १५ वटा कृषि समूहलाई सम्मान गरेको छ । महानगरको कृषि महाशाखाले मंगलबार पोखरा २१ मा आयोजना गरेको सुन्तला बगैंचा व्यवस्थापन प्रोत्साहन सहयोग, पावर स्प्रे, किसान परिचय पत्र वितरण तथा सक्रिय कृषक संस्था सम्मान कार्यक्रममा उहाँहरुलाई सम्मान गरिएको हो ।

सम्मान कार्यक्रममा महानगरका मेयर धनराज आचार्यले प्रमाणपत्र र प्रोत्साहन स्वरुप नगद प्रदान गरेर कृषक समूहलाई सम्मान गर्नुभएकाे हाे। कृषक समूह सम्मान गर्दै मेयर आचार्यले कृषक र कृषि पेशा सम्मानित नहुँदासम्म मुलुक समृद्ध बन्न नसक्ने बताउनुभयाे । उहाँले उत्पादनमा प्रोत्साहन गर्नुपर्ने र उत्पादित कृषि उपजले उचित बजार पाउनुपर्ने धारणा राख्नुभयाे । महानगरले २३ वटा कृषि उपजको समर्थन मुल्य तोकेको जानकारी दिँदै समर्थन तोकिएका कृषि उपजको बजार ज्ञारेण्टी समेत महानगरको तर्फबाट भएको उल्लेख गर्नुभयाे ।

पोखरा महानगरपालिका भूगोलका हिसावले देशभरमै सबैभन्दा ठूलो रहेको चर्चा गर्दै यहाँ उत्पादित कृषि उपजले यहाँको आवश्यकता थेग्नेगरी योजना बनाएर काम गरिने प्रतिवद्धता जनाएका छन् । पोखराको कृषि उपज बजारमा देशमा उत्पादित मात्र नभई करोडौं मूल्यको तरकारी आउने गरेको टिप्पणी गर्दै पाँच वर्षमा पोखरामै र नभए यस वरपरको तरकारीले त्यसलाई विस्थापित गर्नेगरि कृषि क्षेत्रमा सुधार ल्याउन जरुरी रहेका उहाँले औल्याउनुभयाे ।

खासगरि तरकारी, यहाँ उत्पादन हुने फलफूल, मासु र अण्डामा पाँच वर्षभित्र आत्मनिर्भर बन्नेगरि काम गरिने उहाँको भनाई छ । कृषि र पशुपालनलाई संगसंगै जोडेर लैजान सके उत्पादन र उत्पादकत्व बढ्ने तर्फ ध्यान दिनुपर्ने बताउनुभयाे । महानगरका प्रमुख प्रशासकीय अधिकृत बलराम रिज्यालले लक्षित किसानलाई महानगरले प्रोत्साहित गर्दै आएको जानकारी दिनुभयाे । उहाँले बाँदरको आतंक र रोगको प्रकोपले किसान समस्यामा रहेको भन्दै यसको निधानका लागि उपाए खोज्न कृषि महाशाखा र सिंगो महानगरपालिका लागि परेको बताउनुभयाे ।

कृषक टेकमायाँ पौडेलले आफूले ७ हजार रुपैयाँ ऋण लिएर थालेको सुन्तला खेति विस्तार गरेर अहिले ७ करोडमा परिणत गरेको बताउनुभयाे । कृषि पेशामा दत्तचित्त भएर लागेमा आम्दानी लिन सकिन्छ भन्ने गतिलो उदाहारणको रुपमा आँफैलाई लिन उहाँको आग्रह थियो । कृषक उमनाथ सुवेदीले कर्मचारीले तलव र पेन्सन पाएजस्तै आफूहरुको सम्पूर्ण आम्दानी भनेकै आफूहरुले लगाएका फलफूलका विरुवा रहेको बताउनुभयाे । तर, पछिल्ला दिनमा सुन्तलामा विभिन्न खालका समस्या देखिएकाले खिन्न हुनुपरेको गुनासो गर्नुभयाे ।
कृषि महाशाखा प्रमुख मनहर कडरियाले वडा नम्बर २१, २२ र ३३ राम्रो सुन्तला हुने क्षेत्र रहेको जानकारी दिनुभयाे । उहाँले महानगरले सुन्तलाका उत्पादन दिइरहेका २० हजार बोटको प्रति बोट किसानलाई एक सय रुपैयाँका दरले प्रोत्साहन स्वरुप प्रदान नगरिएको जानकारी दिनुभयाे । यो कार्यक्रममा अझै उत्पादन दिइरहेको १० हजार बोट समावेश हुन नै बाँकी रहेको उहाँले बताउनुभयाे ।

उक्त अवसरमा २५० रोपनीमा समुहिक गहुँखेती गर्ने पोखरा १८को भावना समुदायिक कृषि सहकारी संस्था, १० रोपनी क्षेत्रफलमा आलुको बीउ उत्पादन गर्ने पोखरा २३ को ठूलाखेत कृषक समूह, सुन्तला खेती बंगैचा व्यवस्थापनमा अभियानमा उत्कृष्ट पोखरा २१ के फेदीपाटन फलफूल उत्पादन कृषि समूह, सदस्य तरकारी उत्पादन गरि दैनिक दैनिक विक्री गर्ने, किसान बजारमा नियमित ल्याउने पोखरा ३३ को महाकाली कृषिक समूह, आलु तथा धानको बीउ उत्पादन र चैते धान सुरुवात गर्ने पोखरा २६ को ढले पिपल कृषक समूह सम्मानित भएका छन् ।

यसैगरी प्रारम्भिक कृषि उत्पादनमा विगत ३ वर्षदेखि सक्रिय पोखरा २८ को ओख्ले प्रांगारिक कृषि तथा पशु कृषक समूह, विगत ५ वर्षदेखि आलु बीउ उत्पादन गर्दै आएको पोखरा १६को महेन्द्रगुफा कृषक समूह, कृषि उत्पादन सामग्री वितरण गर्ने पोखरा २५ को देवीस्थान कृषि सहकारी संस्था, स्थानीय बीउ संकलन तथा संरक्षण, मालेपाटन बोडी बीउ उत्पादन र प्रांगारिक खेती गर्ने पोखरा १३को नमुना प्रांगारिक कृषि सहकारी संस्था, फापर खेती, अदुवा पकेट सञ्चालन केन्द्र स्थापना गर्ने पोखरा ३१को कोट देउराली बहुउद्देस्यीय सहकारी संस्था, उखु खोती र खुदो उत्पादन गर्ने पोखरा ३२को मालेपाटन कृषि सहकारी, नियमित किसान बजार सञ्चालन गर्ने पोखरा १७ को किसान बजार सञ्चालनक समिति, नियमित बैठक सञ्चालन, अनुगमन र कृषि कार्यक्रम सञ्चालन तथा समन्वय गर्ने पोखरा २२को वडास्तरीय कृषि सञ्जाल, चार
सय रोपनीमा उवा उत्पादन गर्ने पोखरा १९को युवा लक्षित कृषि तथा दुग्ध उत्पादक कृषक समूह, तरकारी कृषि उत्पषदन तथा संकलन केन्द्र सञ्चालन गर्ने पोखरा २० को सफल महिला कृषक समूहलाई उक्त अवसरमा नगद र प्रमाण पत्र प्रदान गरेर सम्मान गरिएको हो ।

आजको ट्रेन्डिङ समाचार

धेरै कमेन्ट गरिएका