पर्यटन क्षेत्रलाई उकास्ने रणनीतिक योजना सार्वजनिक गर्ने पर्यटनमन्त्रीकाे घोषणा • Nepal's Trusted Digital Newspaperपर्यटन क्षेत्रलाई उकास्ने रणनीतिक योजना सार्वजनिक गर्ने पर्यटनमन्त्रीकाे घोषणा • Nepal's Trusted Digital Newspaper
  • होमपेज
  • पर्यटन क्षेत्रलाई उकास्ने रणनीतिक योजना सार्वजनिक गर्ने पर्यटनमन्त्रीकाे घोषणा

पर्यटन क्षेत्रलाई उकास्ने रणनीतिक योजना सार्वजनिक गर्ने पर्यटनमन्त्रीकाे घोषणा

  • समाचारपाटी
  • मङ्लबार, असार २८, २०७९
पर्यटन क्षेत्रलाई उकास्ने रणनीतिक योजना सार्वजनिक गर्ने पर्यटनमन्त्रीकाे घोषणा

संस्कृति, पर्यटन तथा नागरिक उड्डयनमन्त्री जीवनराम श्रेष्ठले केही दिनमै पर्यटन क्षेत्रलाई उकास्ने रणनीतिक योजना सार्वजनिक गर्ने घोषणा गर्नुभएको छ ।

सोमवार काठमान्डौंमा आयोजित विश्वका सबैभन्दा धेरै उचाईमा होटल खोलेर गिनिज बुक अफ दि वल्र्ड रेकर्डमा नाम लेखाउन सफल होटललाई शुभकामना एवं आधिकारिक प्रमाणपत्र प्रदान गर्दै उहाँले यस्तो बताउनुभएको हो । मन्त्री श्रेष्ठले विश्वको सबैभन्दा अग्लो स्थानमा रहेको होटलमा नेपालले रेकर्ड बनाएको भन्दै खुशी व्यक्त गर्नुभयो । सोलुखुम्बु जिल्लाको गोरखसेप एभरेष्ट बेस क्याम्प नजिकको गाउँ ‘एभरेष्ट इन प्राइभेट लिमिटेड’ विश्वकै सबैभन्दा अग्लो स्थानमा रहेको होटल बनेको छ । यो होटल ५ हजार १ सय ८० मिटर उचाइमा अवस्थित छ । ‘वल्र्ड बुक्स रेकर्ड’ लण्डनबाट विश्वको सबैभन्दा अग्लो स्थानमा रहेको होटलका रुपमा ‘एभरेष्ट इन प्राइभेट लिमिटेड’ले आधिकारिक प्रमाणपत्र पाएको छ । मन्त्री श्रेष्ठले कोरोनाका कारण रुग्ण बनेको पर्यटन क्षेत्रलाई तन्दुरुस्त बनाउने प्रतिवद्धता व्यक्त गर्नुभयो उहाँले यस किसिमका पर्यटनमुखी कामले देशको नाम उच्च बनाउने बताउनु भयो ।

मन्त्री श्रेष्ठले भन्नुभयो, ‘यो सबै नेपालीहरुको लागि खुशीको विषय हो । विश्वका सबैभन्दा धेरै उचाईमा होटल रहेको भन्ने गिनिज बुक अफ दि वल्र्ड रेकर्डमा रहेको कुरा छ । यसले नेपाललाई चिनाउने विभिन्न बयानमध्ये अर्को एउटा बयानको रुपमा होटेल रहनसक्नेछ भन्ने मलाई लागेको छ । पर्यटन क्षेत्रलाई कसरी पहिलाकै अवस्थामा फर्काउने भन्नेमा मन्त्रालय लागिरहेको छ । केही दिनभित्रमा पर्यटन क्षेत्रको व्यवसायलाई पुनः स्थापित गर्ने एजेण्डाहरु घोषणा गर्नेछौँ ।’

एभरेष्ट इन प्राइभेट लिमिटेड होटल ५ हजार १ सय ८० मिटरको उचाईमा बनाइएको छ । यसअघि सन २००४ मा होटल एभरेस्ट भ्यूलाई विश्वकै सबैभन्दा अग्लो ठाउँमा रहेको होटलको रुपमा गिनिज बुकमा दर्ता गरिएको थियो । यो होटल सन १९७१ मा खोलिएको थियो । यो होटल ३ हजार ८८० मिटरको उचाईमा अवस्थित थियो ।

आजको ट्रेन्डिङ समाचार

धेरै कमेन्ट गरिएका