वाणिज्य बैंकका सिइओहरुसंग मेयर आचार्यको छलफल • Nepal's Trusted Digital Newspaperवाणिज्य बैंकका सिइओहरुसंग मेयर आचार्यको छलफल • Nepal's Trusted Digital Newspaper
  • होमपेज
  • वाणिज्य बैंकका सिइओहरुसंग मेयर आचार्यको छलफल

वाणिज्य बैंकका सिइओहरुसंग मेयर आचार्यको छलफल

  • समाचारपाटी
  • शनिबार, असार १८, २०७९
वाणिज्य बैंकका सिइओहरुसंग मेयर आचार्यको छलफल

पोखरा । पोखरा महानगरका मेयर धनराज आचार्यले पोखराको पर्यटन क्षेत्रमा लगानी बढाउन आग्रह गर्नुभएकाे छ । शुक्रबार पोखरामा देशभरका वाणिज्य बैंकका सिइओसंगको भेटमा उहाँले यस्तो आग्रह गर्नुभएकाे हाे । महानगरले पर्यटनलाई पहिलो प्राथमिकतामा राखेको जानकारी दिँदै उहाँले यसका लागि पूर्वाधारमा लगानी अनिवार्य रहेको बताउनुभयाे ।

विमानस्थल सञ्चालनका लागि फोहोर व्यवस्थापनको चुनौति भएपनि त्यसलाई छिट्टै सल्टाउने उहाँले बताउनुभयाे । आउने १ जनवरीमा विमानस्थल जसरीपनि सञ्चालनमा ल्याउनका लागि पहल भइरहेको भन्दै उहाँले विमानस्थल सञ्चालसंग जोडिएका पर्यटकीय पूर्वाधारमा लगानी चाहिएको बताउनुभयाे ।

‘हामीले पहिलो प्राथमिकतामा पर्यटनलाई राखेका छौं । एयरपोर्ट छिट्टै सञ्चालनमा आउनेवाला छ । त्यसका लागि हामीले आफ्नो तर्फबाट गर्नुपर्ने काम छिट्टो गर्नेक्रम अगाडि बढाएका छौं । एयरपोर्ट सञ्चालनमा आएपछि त्यससंग जोडिएका पर्यटकीय पूर्वाधारको खाँचो छ । त्यसका लागि निजी क्षेत्र अगाडि बढ्नुपर्छ । अझ बैंकहरुको ठूलो लगानी त्यसका लागि चाहिन्छ । त्यसैले यहाँहरुले पर्यटनको क्षेत्रमा सहजढंगले लगानी बढाउनु हुनेछ भन्ने अपेक्षा राखेको छु’ उहाँले भन्नुभयाे ।

मेयर आचार्यले लगानीमैत्री वातावरण बनाउन पोखरा महानगर तत्पर रहेको जानकारी दिनुभयाे । बैंकका सिइओहरुले पोखरा त्यसमा पनि खास गरेर लेकसाइडका घरहरुलाई महानगरले सम्पन्नता नदिँदा लगानी गर्न समस्या रहेको बताएपछि मेयर आचार्यले फेवा मापदण्ड बाहेकका बाँकी समस्या छिट्टै हल गरिने प्रतिवद्धता जनाउनुभएकाे छ । ‘फेवा तालको मापदण्डको विषय अहिले सर्वोच्च अदलतमा पुगेको छ । यस विषयमा फैसला आएपछि नै केही गर्न सकिन्छ । बाँकी विषय छिट्टै एउटा विधिले हल गर्छौं । यसका लागि केही समय हेर्नुहोला’ उहाँले भन्नुभयाे ।

मेयर आचार्यले पोखरामा केही गर्नकै लागि आफू आएको भन्दै पाँच वर्षमा केही परिवर्तन भएको अनुभुति गराएरै छाड्ने अठोट व्यक्त गर्दै त्यसका लागि सहजढंगले बैंक वित्तिय क्षेत्रले सहयोग गर्नुपर्ने उहाँले धारणा राख्नुभयाे ।

मेयर आचार्यले बैंकको तर्फबाट सामाजिक उत्तरदायित्व बहन गर्नका लागि खर्चिने रकमलाई पनि पोखरामा उपयोग गर्न आग्रह गर्नुभयाे । सामाजिक उत्तरदायित्व अन्तर्गत खर्च गर्ने रकमले सुधारका केही काममा जिम्मा लिन नै उहाँले आग्रह गर्नुभएकाे छ ।

कार्यक्रममा बोल्दै बैंकर एशाेसिएसनका अध्यक्ष अनिल कुमार उपाध्यायले बैंक वित्तिय संस्था पोखरामा लगानीका लागि तयर रहेपनि केही झन्झट रहेको औल्याउन्रभयाे । उहाँले सम्पन्नता नलिएका पूर्वाधारमा लगानी गर्दा जोखिम हुने र विभिन्न खालका मापदण्डका कारण लगानी डुब्ने जोखिम रहेको उहाँले बताउनुभयाे । तर, अबका दिनमा भने लगानीमैत्री वातावरण बन्नेमा आफूहरु आसावादी रहेको उहाँको भनाई छ ।

2 2

आजको ट्रेन्डिङ समाचार

धेरै कमेन्ट गरिएका