काठमान्डौं महानगरपालिकाले सार्वजनिक स्थानमा भिक्षा माग्न गर्याे निषेध • Nepal's Trusted Digital Newspaperकाठमान्डौं महानगरपालिकाले सार्वजनिक स्थानमा भिक्षा माग्न गर्याे निषेध • Nepal's Trusted Digital Newspaper
  • होमपेज
  • काठमान्डौं महानगरपालिकाले सार्वजनिक स्थानमा भिक्षा माग्न गर्याे निषेध

काठमान्डौं महानगरपालिकाले सार्वजनिक स्थानमा भिक्षा माग्न गर्याे निषेध

  • समाचारपाटी
  • शुक्रबार, असार १७, २०७९
काठमान्डौं महानगरपालिकाले सार्वजनिक स्थानमा भिक्षा माग्न गर्याे निषेध

काठमान्डौं । काठमान्डौं महानगरपालिकाले सार्वजनिक स्थानमा भिक्षा माग्न निषेध गरेको छ । महानगरपालिकाले आज सार्वजनिक सूचना प्रकाशित गरी साधु, सन्त, जोगी वा भिक्षुले सनातनदेखि चलिआएको परम्परा अनुसार घरघरमा पुगी भिक्षा माग गरेमा वा कुनै धार्मिक वा सांस्कृतिक कार्यमा माग्ने बाहेक अन्य अवस्थामा भिक्षा माग्न निषेध गरिएको जानकारी दिएको हो ।

यो सूचना प्रकाशित भएको मितिले १० दिनभित्र सार्वजनिक स्थानमा भिक्षा माग्ने वा माग्न लगाउने कार्य गरेमा कानुन बमोजिम कारबाही गर्ने महानगरपालिकाले चेतावनी दिएको छ ।

सूचनामा लेखिए अनुसार महानगरपालिका क्षेत्र भित्रको सडक, गल्ली, पार्क, सवारी बिसौनी, सरकारी कार्यालय वा कार्यालय परिसर, सार्वजनिक सवारी साधन र अन्य सार्वजनिक स्थानमा भिक्षा माग्न पाइने छैन । साथै बालबालिकालाई गीत गाउने, नाच्ने, खेल्ने वा कुनै काम गर्ने बहानामा वा अन्य व्यक्तिलाई कुनै प्रकारको रकम वा ज्याला दिई भिक्षा माग्न वा माग्न लगाउन पाइने छैन ।

महानगरपालिकाले असहाय, बिरामी, बेवारिसे, अशक्त तथा सडक सहयोगापेक्षी मानवको यथोचित व्यवस्थापन गर्ने पनि जनाएको छ । मानव सेवा आश्रमको आवश्यक परेमा महानगरपालिकामा सम्पर्क गर्न पनि भनिएको छ ।

Notice

आजको ट्रेन्डिङ समाचार

धेरै कमेन्ट गरिएका