अन्नपूर्ण गाउँपालिका भलिबल संघको अध्यक्षमा ‘अमृत’ गुरुङ चयन • Nepal's Trusted Digital Newspaperअन्नपूर्ण गाउँपालिका भलिबल संघको अध्यक्षमा ‘अमृत’ गुरुङ चयन • Nepal's Trusted Digital Newspaper
  • होमपेज
  • अन्नपूर्ण गाउँपालिका भलिबल संघको अध्यक्षमा ‘अमृत’ गुरुङ चयन

अन्नपूर्ण गाउँपालिका भलिबल संघको अध्यक्षमा ‘अमृत’ गुरुङ चयन

  • समाचारपाटी
  • बिहिबार, असार १६, २०७९
अन्नपूर्ण गाउँपालिका भलिबल संघको अध्यक्षमा ‘अमृत’ गुरुङ चयन

कास्की । अन्नपूर्ण गाउँपालिका अन्तर्गत भलिबल संघको अध्यक्षमा अमृत लामा गुरुङ निर्विरोध चयन हुनुभएकाे छ । गत आइतबार कास्की जिल्ला भलिबल संघका निवर्तमान वरिष्ठ उपाध्यक्ष खगेन्द्र गौचनको संयोजकत्वमा बसेको भेलाबाट लामा अमृत फाउण्डेशनका संस्थापक
अमृत लामा गुरुङ नेतृत्वको ११ सदस्यीय समित गठन गरिएको हो ।

गुरुङको नेतृत्वमा बनेको कार्यसमितिको उपाध्यक्षमा भलिबल खेलाडी अनिल घमाल, सचिवमा अतित गुरुङ, सह–सचिवमा जिवन सापकोटा र कोषाध्यक्षमा श्याम गुरुङ चुनिनुभयाे । यसैगरि सदस्यमा गम बहादुर गुरुङ, हरिचन्द्र सुनार, मनोज गुरुङ, ईश्वर गुरुङ, विष्णुबहादुर गुरुङ र शिव कुमार पौडेल चयन हुनुभयाे । उक्त कार्यसमितिको कार्य अवधि ४ वर्ष रहने नवनिर्वाचित अध्यक्ष लामा गुरुङले जानकारी दिनुभयाे ।

उक्त टिमलाई अन्नपूर्ण गाउँपालिकाका प्रमुख विष्णु केसी, प्रमुख प्रशासकीय अधिकृत खेमराज देवकोटा, कास्की जिल्ला भलिबल संघका अध्यक्ष विष्णु गुरुङ तथा निवर्तमान वरिष्ठ उपाध्यक्ष खगेन्द्र गौचन लगायतले बधाई तथा शुभकामना व्यक्त गर्नुभएकाे थियाे ।
प्रत्येक वर्ष गाउँपालिका कप गर्छाैंः अध्यक्ष गुरुङ शपथ ग्रहण पश्चात बोल्दै नवनिर्वाचित अध्यक्ष अमृत लामा गुरुङले गाउँपालिकाको
मात्रै नभई सिङ्गो भलिबलको विकासको लागि काम गर्ने प्रतिबद्धता जनाउनुभयाे ।

उहाँले विगतमा आफ्नो फाउण्डेशनमार्फत विभिन्न सामाजिक कामसँगै भलिबल प्रतियोगिताको आयोजना गर्दै आएको बताउँदै आगामी दिनमा समेत खेलकुदको गतिविधिलाई निरन्तरता दिने बताउनुभयाे । उहाँले प्रत्येक वर्ष गाउँपालिका कपको आयोजना गर्ने बताउँदै खेलाडी
उत्पादनमा टेवा पुग्ने धारणा राख्नुभयाे । ‘गाउँपालिका भित्रका वडाहरुबीच हामीले भलिबल प्रतियोगिता गर्छौं, उहाँले भन्नुभयाे, ‘उक्त कपबाट खेलाडी छनोट भएर गाउँपालिकामा जान्छ यसैगरि जिल्ला, प्रदेश हुदैं राष्ट्रिय स्तरको खेलाडी उत्पादन गर्ने सकिन्छ भन्ने उद्देश्य छ । हामी त्यही अनुरुप अघि बढ्नेछौं ।’ उहाँले अन्नपूर्ण गाउँपालिका आफैमा पर्यटकीय ठाउँ रहेको उल्लेख गर्दै खेलकुदको माध्यमबाट गाउँपालिकाको परिचय फराकिलो बनाउन पहल गर्ने प्रतिबद्धता जनाउनुभएकाे थियाे ।

आजको ट्रेन्डिङ समाचार

धेरै कमेन्ट गरिएका