पोखरा स्पोर्टस अवार्डलाई समाजसेवी सरिता गुरुङ, मोहन घले र प्रेम नारायणकाे साथ • Nepal's Trusted Digital Newspaperपोखरा स्पोर्टस अवार्डलाई समाजसेवी सरिता गुरुङ, मोहन घले र प्रेम नारायणकाे साथ • Nepal's Trusted Digital Newspaper

हालको खबर

  • होमपेज
  • पोखरा स्पोर्टस अवार्डलाई समाजसेवी सरिता गुरुङ, मोहन घले र प्रेम नारायणकाे साथ

पोखरा स्पोर्टस अवार्डलाई समाजसेवी सरिता गुरुङ, मोहन घले र प्रेम नारायणकाे साथ

  • समाचारपाटी
  • बिहिबार, असार १६, २०७९
पोखरा स्पोर्टस अवार्डलाई समाजसेवी सरिता गुरुङ, मोहन घले र प्रेम नारायणकाे साथ

पोखरा । पोखरामा आयोजना हुने छैटौं सस्करणको पोखरा स्पोर्टस अवार्डलाई अमेरिकाबाट समाजसेवी तथा अभियान्ता सरिता गुरुङले साथ दिनुभएकाे छ । नेपाल खेलकुद पत्रकार मञ्च गण्डकीको आयोजनामा यहीं असार १८ गते शनिबार हुने अवार्डलाई उहाँले नगद सहयोग गर्ने हुनुभएकाे हाे । अवार्डका लागि गठित अन्तर्राष्ट्रिय समन्वय समितिका सह–संयोजक एवम अग्रज फोटो पत्रकार सुदर्शन रञ्जितका अनुसार सरिताले अवार्ड सफल बनाउन नगद १५ हजार रुपैयाँ सहयोग गर्नुभएकाे छ । पोखरा घर भई हाल अमेरिका बस्दै आउनुभएकी सरिता विभिन्न सामाजिक कृयाकलापमा सम्लग्न हुनुहुन्छ ।

यसैगरी हाल जापानमा रहनुभएका मञ्चका पूर्व अध्यक्षद्धय मोहन घले र प्रेम नारायण न्यौपानले समेत अवार्डलाई साथ दिनुभएकाे छ । उहाँहरु दुवै जनाले जनही १५ हजार रुपैयाँ सहयोग गरेको अन्तर्राष्ट्रिय समन्वय समितिका सह–संयोजक रञ्जितले बताउनुभयाे । पूर्व अध्यक्ष घले नेपाल पत्रकार महासंघ जापान शाखाका अध्यक्ष समेत हुनुहुन्छ ।

विश्व खेलकुद पत्रकार दिवसको अवसर पारेर मञ्च गण्डकीले लाइफटाइम अचिभमेन्ट अवार्ड, वर्ष खेलाडी पुरुष, वर्ष खेलाडी महिला, उत्कृष्ट प्रशिक्षक, उत्कृष्ट खेल संघ, उत्कृष्ट उदियमान खेलाडी र उत्कृष्ट खेल पत्रकारलाई अवार्ड वितरण गर्ने मञ्च गण्डकीका महासचिव राजाराम पौडेलको भनाई छ । कार्यक्रमको थप आर्कषर्णको रुपमा साँस्कृतिक कार्यक्रम समेत रहने छ ।

अवार्ड कार्यक्रमलाई गण्डकी प्रदेश सरकार, पोखरा महानगरपालिका, एम ए कस्ट्रक्सन प्रालि, सहारा क्लब पोखरा, नेपाल भूतपुर्व खेलाडी मञ्च, तमु धिं युके, आव्या क्लब, होटल पौवा लेकसाइड, जु जु वेर्यस, सिटीवान टेलिभिजन, पोखरेली मञ्च युके, चिल्लिबार एण्ड रेष्टुरेन्ट, साइमन पार्टी प्यालेस, वल्डलिंक, फिस्टेल हस्पिटल, युनाइटेड क्लब, मनकामना पेट्रोलपम्प, सिटीजन फर्निचर लगायतले समेत सहयोग गरेका छन् ।

अवार्ड कार्यक्रमलाई भव्य बनाउन विभिन्न समिति तथा उपसमिति मार्फत कामलाई तिव्रता दिएको छ । मञ्चले २०७२ सालदेखि पोखरामा निरन्तर स्पोट्र्स अवार्ड कार्यक्रम गर्दै आएको छ ।

आजको ट्रेन्डिङ समाचार

धेरै कमेन्ट गरिएका