७७ वर्षीया हजुरआमालाई हत्या गरी खाल्डोमा पुर्ने नाती पक्राउ • Nepal's Trusted Digital Newspaper७७ वर्षीया हजुरआमालाई हत्या गरी खाल्डोमा पुर्ने नाती पक्राउ • Nepal's Trusted Digital Newspaper
  • होमपेज
  • ७७ वर्षीया हजुरआमालाई हत्या गरी खाल्डोमा पुर्ने नाती पक्राउ

७७ वर्षीया हजुरआमालाई हत्या गरी खाल्डोमा पुर्ने नाती पक्राउ

  • समाचारपाटी
  • शुक्रबार, असार १०, २०७९
७७ वर्षीया हजुरआमालाई हत्या गरी खाल्डोमा पुर्ने नाती पक्राउ

सुनसरी । खोटाङको जन्तेढुङगा गाउँपालिका–५ चिसापानीघर भई हाल सुनसरी इटहरी उपमहानगरपालिका–१६ बालग्राम चौकमा डेरा गरी बस्ने ७७ वर्षीया तुलसा खड्काको हत्या भएको छ ।

हत्याको आरोपमा उहाँकै नाती झापा गौरादह नगरपालिका–३ धोबिनी चोक बस्ने हरि भन्ने २९ वर्षीय निर बहादुर खड्कालाई प्रहरीले बुधबार पक्राउ गरेको छ ।

खोटाङ बराहपोखरी गाउँपालिका–५ पानिटारस्थित दुधकोशी नदीको बगरमा बालुवाको खाल्डोभित्र गत वैशाख ३१ गते दिउँसो तुलसाको शव फेला परेको थियो ।

घटनाको अनुसन्धानको क्रममा उहाँकै नाती निर बहादुर खड्काले हत्या गरेको खुल्न आएको थियो। त्यसपछि जिल्ला प्रहरी कार्यालय खोटाङबाट खटिएको प्रहरीले झापा मेचीनगर नगरपालिका–६ काँकडभिट्टास्थित नेपाल भारत सिमा क्षेत्रमा लुकिछिपी बसिरहेको अवस्थामा फेला पारी उहाँलाई पक्राउ गरेको हो ।

अनुसन्धानको क्रममा निर बहादुरले हजुरआमालाई वैशाख २६ गते इटहरीबाट खोटाङ चिसापानीतर्फ लैजादै गर्दा बराहपोखरी गाउँपालिका–५ पानीटारस्थित दुधकोशी नदीको बगरमा हत्या गरी खाल्डोमा पुरेर फरार भएको खुल्न आएको छ ।

निर बहादुरमाथि कर्तव्य ज्यान कसूर मुद्दामा जिल्ला प्रहरी कार्यालय खोटाङबाट थप अनुसन्धान भइरहेको छ ।

आजको ट्रेन्डिङ समाचार

धेरै कमेन्ट गरिएका