प्रधानमन्त्री देउवा र संस्कृतिमन्त्री आलेले प्रज्ञा प्रतिष्ठानकाे कामहरुकाे गर्नुभयाे प्रशंसा • Nepal's Trusted Digital Newspaperप्रधानमन्त्री देउवा र संस्कृतिमन्त्री आलेले प्रज्ञा प्रतिष्ठानकाे कामहरुकाे गर्नुभयाे प्रशंसा • Nepal's Trusted Digital Newspaper
  • होमपेज
  • प्रधानमन्त्री देउवा र संस्कृतिमन्त्री आलेले प्रज्ञा प्रतिष्ठानकाे कामहरुकाे गर्नुभयाे प्रशंसा

प्रधानमन्त्री देउवा र संस्कृतिमन्त्री आलेले प्रज्ञा प्रतिष्ठानकाे कामहरुकाे गर्नुभयाे प्रशंसा

  • समाचारपाटी
  • बिहिबार, असार ९, २०७९
प्रधानमन्त्री देउवा र संस्कृतिमन्त्री आलेले प्रज्ञा प्रतिष्ठानकाे कामहरुकाे गर्नुभयाे प्रशंसा

काठमान्डाैँ । प्रधानमन्त्री शेरबहादुर देउवाले नेपाल प्रज्ञा–प्रतिष्ठानको आर्थिक कठिनाईलाई मध्येनजर गर्दै सरकारले सहयोग गर्ने बताउनुभएको छ ।बिहीवार नेपाल प्रज्ञा– प्रतिष्ठानको ६५ औँ वार्षिकोत्सव तथा राष्ट्रिय कविता महोत्सव–२०७९ को उदघाटन समारोहलाई सम्बोधन गर्दै प्रधानमन्त्री देउवाले प्रज्ञा–प्रतिष्ठानको आर्थिक कठिनाईलाई समाधान गर्न सरकारले सहयोग गर्ने बताउनुभएको हो ।

उहाँले यसका लागि आवश्यक सल्लाह गरेर सहयोग गर्ने विश्वास दिलाउनु भयो । उहाँले मुलुकको भाषा, साहित्य र संस्कृति प्रवद्धनको क्षेत्रमा प्रतिष्ठानलाई अगाडी बढाउने नयाँ सोच र कार्यक्रमलाई कार्यान्वयन गर्न सरकारको तर्फबाट आवश्यक सहयोग उपलब्ध हुने पनि बताउनु भयो । उहाँले नेपाली भाषा, साहित्य र संस्कृतिको संरक्षण र सम्वद्धनमा प्रज्ञा–प्रतिष्ठानले खेलेको भुमिकाको प्रशंसा गर्नुभयो ।

उहाँले भन्नुभयो – ‘नेपालको प्राज्ञिक गरिमालाई अन्तर्राष्ट्रिय रुपमा स्थापित गर्दै मित्रराष्ट्रहरुका समान प्राज्ञिक प्रतिष्ठानसँग संस्थागत रुपमा भएपनि साझेदारी पत्रमा हस्ताक्षर गरी सहकार्यमा साहित्यिक, सांस्कृतिक आदानप्रदानलाई अगाडी बढाई यस प्रतिष्ठानले आफूलाई अन्तर्राष्ट्रिय रुपमा पनि क्रियाशील आस्थाको रुपमा स्थापित गरेको छ । आगामी दिनमा संस्थाको गतिविधिलाई अझ घनिभुत रुपमा अघि बढाउँदै नेपालको सबै समुदायको भाषा, साहित्य, संस्कृति, दर्शनको प्रवद्धनको क्षेत्रमा यस प्रतिष्ठानले थप योगदान पुर्याउने विश्वास लिएको छु । मुलुकको भाषा, साहित्य र संस्कृति प्रवद्धनको क्षेत्रमा प्रतिष्ठानलाई अगाडी बढाउने नयाँ सोच र कार्यक्रमलाई कार्यान्वयन गर्न सरकारको तर्फबाट आवश्यक सहयोग उपलब्ध गराउने कुरा म यहाँहरुलाई विश्वास दिलाउन चाहन्छु । नेपालको गौरव, प्राज्ञिक, सांस्कृतिक सामथ्यलाई देश, विदेशमा चिनाउन विषयगत अध्ययन, अनुसन्धान गराएर विभिन्न ग्रन्थ प्रकाशन गर्न प्रज्ञा प्रतिष्ठान सफल भएको छ । यस्ता कामलाई अगाडी बढाउन प्रज्ञा प्रतिष्ठानलाई नेपाल सरकारले सदा सहयोग गर्ने कुरा पनि व्यक्त गर्न चाहन्छु । जहाँसम्म यहाँ आर्थिक कठिनाइ भन्ने कुरा आएको छ यसमा हामी अवश्य नै सल्लाह गरेर के हुन्छ सरकारले अवश्य नै सहयोग गर्ने विश्वास दिलाउन चाहन्छु ।’

त्यसैगरी, कार्यक्रमलाई सम्बोधन गर्दै संस्कृति, पर्यटन तथा नागरिक उड्डयनमन्त्री प्रेमबहादुर आलेले आगामी आर्थिक वर्षको लागि प्रज्ञा–प्रतिष्ठानको बजेट घटाएर पठाएकोप्रति प्रधानमन्त्रीको ध्यानाकर्षण गराउनु भयो । नेपाल प्रज्ञा– प्रतिष्ठानको संरक्षकसमेत रहनुभएका उहाँले प्रज्ञा–प्रतिष्ठानले थुप्रै साहित्यिक कामहरु र रचनाहरु प्रकाशित गर्ने गरेको उल्लेख गर्दै थप कृति र रचनाको प्रकाशन गर्नका निम्ति बजेटको माग गर्नुभयो । उहाँले भन्नुभयो – ‘सम्माननीय प्रधानमन्त्रीज्यू, साहित्य र संस्कृतिसँग जोडिएको विभिन्न प्रतिष्ठानलाई बजेटलाई गतवर्ष तुलना यसपालिको बजेट उपेक्षा गरिएको छ । यसै प्रज्ञा प्रतिष्ठानले थुप्रै साहित्यिक कामहरु र रचनाहरु प्रकाशित गरिएको छ । तथापि बजेटको सिलिङमा अर्थ मन्त्रालयले घटाएर पठाएको छ । थप कृति र रचनाको प्रकाशनको निमित्त थप बजेट आवश्यक रहेको कुरा सम्माननीय प्रधानमन्त्रीज्यूलाई म जानकारी गराउन चाहन्छु ।’

मन्त्री आलेले नेपाल–प्रज्ञा प्रतिष्ठानले नेपाली कला, साहित्य र संस्कृतिको क्षेत्रमा गरेको कामहरुको प्रशंसा गर्नुभयो ।

आजको ट्रेन्डिङ समाचार

धेरै कमेन्ट गरिएका