अम्मरसिंह र भद्रकालीलाई अन्तर विद्यालय क्रिकेट प्रतियोगिताको उपाधी • Nepal's Trusted Digital Newspaperअम्मरसिंह र भद्रकालीलाई अन्तर विद्यालय क्रिकेट प्रतियोगिताको उपाधी • Nepal's Trusted Digital Newspaper
  • होमपेज
  • अम्मरसिंह र भद्रकालीलाई अन्तर विद्यालय क्रिकेट प्रतियोगिताको उपाधी

अम्मरसिंह र भद्रकालीलाई अन्तर विद्यालय क्रिकेट प्रतियोगिताको उपाधी

  • समाचारपाटी
  • सोमवार, असार ६, २०७९
अम्मरसिंह र भद्रकालीलाई अन्तर विद्यालय क्रिकेट प्रतियोगिताको उपाधी

पोखरा । ब्रेकिङ बाउण्ड्रिज एमसिसी अन्तर विद्यालय छात्र छात्रा क्रिकेट प्रतियोगिता अन्तर्गत छात्रतर्फ अम्मरसिंह तथा छात्रातर्फ भद्रकाली मावि विजयी भएका छन् । पोखरा क्रिकेट एकेडमीको आयोजना तथा मेरोलिवोन क्रिकेट क्लव फाउण्डेशन युके र किडासा युकेको प्राविधिक सहयोगमा सम्पन्न प्रतियोगिताको फाइनलमा छात्रतर्फ अम्मरसिंहले बाराही माविलाई ७६ रनको फराकिलो अन्तरले पराजित गरेको हो ।

पहिला व्याटिङ गरेको अम्मरसिंहले पुरा २० ओभरमा ८ विकेट गुमाएर १ सय २२ रनको योगफल तयार पारेको थियो । अम्मरसिंहका सुमन पन्तले २९ रन जोडनुभयाे । भद्रकालिका बलर अशोक रेग्मीले ४ तथा मनोज कार्कीले ३ विकेट लिनुभयाे । जितका लागि १ सय २३ रनको लक्ष्य पछ्याएको बाराहीले ४६ रनमै सम्पूर्ण विकेट गुमाएको थियो । अम्मरसिंहका सुदिप भट्टराईले ५ विकेट लिनुभयाे।

छात्रातर्फ भद्रकालिले कालिकालाई २ विकेटले पराजित गर्दै उपाधी जितेको हो । पहिला व्याटिङ गरेको कालिकाले ३५ रन बनाएको थियो । ३६ रनको चुनौती पछ्याएको भद्रकालीले ८ ओभरमा ९ विकेट गुमाउँदै विजयी लक्ष्य प्राप्त गर्यो । भद्रकालिका श्रद्धा गुरुङ्गले ६ विकेट लिनुभयाे ।

प्रतियोगितामा छात्रतर्फ अम्मरसिंहका सुदिप भट्टराई सर्वोत्कृष्ट खेलाडी बन्दा बाराहीका अशोक रेग्मी उत्कृष्ट बलर र बाराहीकै मनोज कार्की उत्कृष्ट व्याट्स्म्यान हुनुभयाे । छात्रातर्फ अम्मरसिंहकी सजना खत्री सर्वोत्कृष्ट खेलाडी, श्रीकृष्ण माविका मंजली थापा उत्कृष्ट बलर तथा कालिकाकी रिया गुरुङ्ग वेष्ट व्याट्स्म्यान बन्नुभयाे ।

विजयी खेलाडीहरुलाई गण्डकी प्रदेश खेलकुद परिषद्का सदस्य सचिव तेज गुरुङ्ग, किडासाका सिइओ जेनिस मिलर, नेपाल क्रिकेट संघका कार्यवाहक महासचिव प्रशान्त विक्रम मल्ल, केन्द्रिय सदस्य ऋषिराम गौतम, गण्डकी प्रदेश क्रिकेट संघका अध्यक्ष देवेन्द्र प्रजु, स्पोर्टस फर अलका खड्क रानाभाट, आयोजक समितिका अध्यक्ष बविन कुँवर, कास्की जिल्ला क्रिकेट संघका कोषाध्यक्ष विरेन पुन लगायतले ट्रफि मेडल प्रमाणपत्र पुरस्कार वितरण गर्नुभएकाे थियाे ।

school 1

आजको ट्रेन्डिङ समाचार

धेरै कमेन्ट गरिएका