हतियार र लागुऔषधसहित सुनसरीबाट राई पक्राउ • Nepal's Trusted Digital Newspaperहतियार र लागुऔषधसहित सुनसरीबाट राई पक्राउ • Nepal's Trusted Digital Newspaper
  • होमपेज
  • हतियार र लागुऔषधसहित सुनसरीबाट राई पक्राउ

हतियार र लागुऔषधसहित सुनसरीबाट राई पक्राउ

  • समाचारपाटी
  • शुक्रबार, असार ३, २०७९
हतियार र लागुऔषधसहित सुनसरीबाट राई पक्राउ
source:-annapurna

किशेर बुढाथाेकी, विराटनगर । हतियार र लागुऔषधसहित सुनसरीबाट प्रहरीले एकजनालाई पक्राउ गरेको छ । इटहरी उपमहानगरपालिका–३ का १९ वर्षीय रोहित राईलाई प्रहरीले पक्राउ गरेकाे हाे ।

उहाँलाई कोसी गाउँपालिका–२ बाट कटुवा पेस्तोल र लागुऔषधसहित पक्राउ गरिएको सुनसरी प्रहरी प्रमुख एसपी सञ्जयसिंह थापाले जानकारी दिनुभयाे ।

विशेष सूचनाका आधारमा प्रहरी टोली परिचालन गरेर पेस्तोल, गोलीको खोका तथा लागुऔषध डाइजापाम र नाइट्रोसन १०÷१० एम्पुल एवं लुपिजेसिक ३ एम्पुल र ट्रामाडोल ३ हजार ३ सय ७५ पिससहित राईलाई पक्राउ गरिएको थापाको भनाइ छ ।

प्रहरीले राईविरुद्ध हातहतियार खरखजना र लागुऔषध ऐनअन्तर्गतको मुद्दा चलाउन बिहीबार अदालतबाट म्याद थप गरेर अनुसन्धानको बाँकी प्रक्रिया अघि बढाएको छ ।

राईले भारतबाट हतियार र लागुऔषध लिएर आएको हुनसक्ने प्रहरीको आशंका छ । एसपी थापाले अनुसन्धानपछि वास्तविकता पत्ता लाग्ने जानकारी दिनुभयाे ।

आजको ट्रेन्डिङ समाचार

धेरै कमेन्ट गरिएका