बैतडीमा जन्ममिति बढाएर सामाजिक सुरक्षा भत्ता लिने १४ जना लाई कारबाही हुने • Nepal's Trusted Digital Newspaperबैतडीमा जन्ममिति बढाएर सामाजिक सुरक्षा भत्ता लिने १४ जना लाई कारबाही हुने • Nepal's Trusted Digital Newspaper
  • होमपेज
  • बैतडीमा जन्ममिति बढाएर सामाजिक सुरक्षा भत्ता लिने १४ जना लाई कारबाही हुने

बैतडीमा जन्ममिति बढाएर सामाजिक सुरक्षा भत्ता लिने १४ जना लाई कारबाही हुने

  • समाचारपाटी
  • आइतवार, जेष्ठ २९, २०७९
बैतडीमा जन्ममिति बढाएर सामाजिक सुरक्षा भत्ता लिने १४ जना लाई कारबाही हुने

बैतडी । बैतडीमा नागरिकता प्रमाणपत्रमा जन्ममिति बढाएर सामाजिक सुरक्षा भत्ता लिने गरेको खुल्न आएको छ । आफैंले नागरिकतामा जन्ममिति सच्याएर भत्ता लिनेमा १४ जना भेटिएका छन् । उनीहरुलाई कारबाही र जरिवाना हुने भएको छ ।

सामाजिक सुरक्षा भत्ता लिएको जनाउँदै जिल्ला प्रशासन कार्यालयमा आएको उजुरीको आधारमा यस्तो खुल्न आएको हो । यसका साथै वडास्तरमा राष्ट्रिय परिचयपत्र विवरण सङ्कलनको काम भइरहेको र विवरण दिँदा नागरिकता केरमेट गरेको पाइएपछि सामाजिक सुरक्षा भत्ताअन्तर्गत वृद्ध भत्ता लिने गरेकोसमेत खुल्न आएको छ ।

जिल्लाको डिलाशैनी गाउँपालिकाका–१३ र दोगडाकेदार गाउँपालिकाका एकको नागरिकता केरमेट गरेको पाइएको हो । कुनैको प्रतितिपि बनाउन जिल्ला प्रशासन कार्यालय पुगेका बेला केरमेट भएको पाइएको र केहीको परिचयपत्र बनाउँदा केरमेट गरेको पाइएपछि थप अनुसन्धान गरिएको जिल्ला प्रशासन कार्यालयका सूचना अधिकारी खगेन्द्र भारतीले जानकारी दिनुभयाे ।

‘कार्यालयमा आएको उजुरीका आधारमा पनि अनुन्धान थालिएको हो’, उहाँले भन्नुभयाे, ‘केरमेट गरेको पाइएपछि किन सच्याइएका रहेछन् भनेर हेर्दा जन्ममिति बढाइ सामाजिक सुरक्षा भत्ता बुझ्ने गरेको पाइएको हो ।’ जन्ममिति सच्याएर केहीले विसं २०५२ देखि तथा केहीले २०७६ सालदेखि भत्ता लिइरहेका खुल्न आएको सूचना भारतीले जानकारी दिनुभयाे । उहाँले भन्नुभयाे, ‘नागरिकतामा मिति सच्याएर कम्तीमा ३ वर्ष र बढीमा २७ वर्ष पहिलादेखि वृद्धभत्ता बुझेको पाइएको छ ।’

यसरी नागरिकतामा जन्ममिति बढाएर भत्ता लिएकालाई अहिलेसम्म लिएको रकमको दोब्बर असुल उपर गरिने भारतीले बताउनुभयाे । यस्तै नागरिकता केरमेट गरेको पाइएकोमा नागरिकता ऐनअन्तरगत थप कारबाही हुने जनाइएको छ ।

source:-onlinekhabar

 

आजको ट्रेन्डिङ समाचार

धेरै कमेन्ट गरिएका