बिरौटा सबस्टेशनको अवरोध हटाइदिन प्रदेश सरकार र स्थानीय निकायसँग घिसिङकाे आग्रह • Nepal's Trusted Digital Newspaperबिरौटा सबस्टेशनको अवरोध हटाइदिन प्रदेश सरकार र स्थानीय निकायसँग घिसिङकाे आग्रह • Nepal's Trusted Digital Newspaper
  • होमपेज
  • बिरौटा सबस्टेशनको अवरोध हटाइदिन प्रदेश सरकार र स्थानीय निकायसँग घिसिङकाे आग्रह

बिरौटा सबस्टेशनको अवरोध हटाइदिन प्रदेश सरकार र स्थानीय निकायसँग घिसिङकाे आग्रह

  • समाचारपाटी
  • आइतवार, जेष्ठ २९, २०७९
बिरौटा सबस्टेशनको अवरोध हटाइदिन प्रदेश सरकार र स्थानीय निकायसँग घिसिङकाे आग्रह

काठमान्डौं । नेपाल विद्युत् प्राधिकरणका कार्यकारी निर्देशक कुलमान घिसिङले पोखरा महानगर १७ बिरौटा सबस्टेशनको अवरोध हटाइदिन प्रदेश सरकार र स्थानीय निकायसँग आग्रह गर्नुभएकाे छ ।

पोखराको विद्युत् आपूर्तिलाई भरपर्दो र गुणस्तरीय बनाउन पोखरा महानगरपालिका–१७ बिरौटामा प्राधिकरणले प्रस्तावित सबस्टेशन निर्माण अघि बढाएको थियो । तर स्थानीयले ३/४ वर्षदेखि अवरोध गरिरहेको भन्दै उहाँले १३२/११ केभी सबस्टेशनको निर्माण तत्काल अगाडि बढाउन नसकिए अहिलेको क्षमताले नधानेर पोखरामा बाध्यात्मक लोडसेडिङ गर्नु पर्ने अवस्था आउने बताउनुभयाे ।

घिसिङले गण्डकी प्रदेशका मुख्यमन्त्री पोखरेल, ऊर्जा जलस्रोत तथा खानेपानी मन्त्री आचार्य र पोखरा महानगरपालिका प्रमुख धनराज आचार्यलाई सबस्टेशन स्थानीयको अवरोध हटाउन आवश्यक पहल गरिदिन आग्रह समेत गर्नुभयाे ।

‘सबस्टेशन निर्माणका लागि जापान अन्तर्राष्ट्रिय सहयोग नियोग सहयोग गर्न तयार छ, तर स्थानीयको अवरोधका कारण प्रारम्भिक वातावरणीय परीक्षण गर्न सकिरहेका छौं, यसले गर्दा सहायत सम्झौतासमेत हुन सकेको छैन, सबस्टेशन निर्माणबाट स्थानीयले भनेजस्तो कुनै नकारात्मक असर पर्दैन’ घिसिङले भन्नुभयाे ।

महानगरपालिका प्रमुख आचार्यले सबस्टेशन निर्माण र विद्युत् वितरण प्रणालीलाई भूमिगत गर्न पोखरामा सञ्चालित आयोजनाको कार्यान्वयनमा सक्दो सहयोग र आवश्यक सहजीकरण गर्ने बताउनुभयाे ।

प्राधिकरणले कालीगण्डकी–लेखनाथ १३२ केभी प्रसारण लाइनबाट प्रवाह भएको विद्युतलाई बिरौटामा सबस्टेशन बनाएर पोखराको सहरी क्षेत्रमा आपूर्ति गर्ने छ । प्रसारण लाइनबाट सबस्टेशनसम्म करिब ६ सय मिटर लाइनलाई भूमिगत गरिने छ । सबस्टेशन निर्माणका लागि बिरौटास्थित फेवा विद्युतगृहको जमिन प्रयोग गरिने छ ।

 

source:-onlinekhabar

आजको ट्रेन्डिङ समाचार

धेरै कमेन्ट गरिएका