बन्चरेडाँडा गइरहेका गाडीलाई स्थानीयले राेकेपछि प्रहरी परिचालन गरेर फोहोर लगिंदै • Nepal's Trusted Digital Newspaperबन्चरेडाँडा गइरहेका गाडीलाई स्थानीयले राेकेपछि प्रहरी परिचालन गरेर फोहोर लगिंदै • Nepal's Trusted Digital Newspaper
  • होमपेज
  • बन्चरेडाँडा गइरहेका गाडीलाई स्थानीयले राेकेपछि प्रहरी परिचालन गरेर फोहोर लगिंदै

बन्चरेडाँडा गइरहेका गाडीलाई स्थानीयले राेकेपछि प्रहरी परिचालन गरेर फोहोर लगिंदै

  • समाचारपाटी
  • मङ्लबार, जेष्ठ २४, २०७९
बन्चरेडाँडा गइरहेका गाडीलाई स्थानीयले राेकेपछि प्रहरी परिचालन गरेर फोहोर लगिंदै
photosource:-onlinekhabar

काठमान्डौं । स्थानीय जनप्रतिनिधिसँग काठमान्डौंमा सहमति भएपछि फोहोर लिएर बन्चरेडाँडातर्फ गएका सवारी साधन रोकिएपछि प्रहरी परिचालन गरिएको छ । सोमबार साँझ फोहोर फाल्ने सहमति भएपछि मंगलबार फोहोर बोकेर बन्चरेडाँडा गइरहेका सवारी साधनलाई स्थानीय वासिन्दाले ठाउँ-ठाउँमा रोकेका थिए ।

प्रहरीले बल प्रयोग गर्दै बाटो खुलाइरहेको छ । महानगरपालिकाका एक अधिकारीका अनुसार फोहोर बोकेका गाडी अवरोध गर्ने केही स्थानीय वासिन्दालाई प्रहरीले नियन्त्रणमा लिएको छ ।

‘दिउँसोसम्म प्रहरीले अवरोध हटाउँछ, र फोहोर सोमबारको सहमति अनुसार बिसर्जन हुन्छ,’ ती अधिकारीले भन्नुभयाे ,’अब प्रहरी लगाएरै भएपनि फोहोर उठाउँछौं ।’

यसअघि मेयर बालेन साहले फोहोर बिसर्जनमा बल प्रयोग नगर्ने बताउनुभएकाे थियाे । तर, स्थानीय जनप्रतिनिधिसँग भएको सहमति केही स्थानीयबासीले नमान्ने बताएपछि मेयर साहले प्रहरी परिचालनमा सहमति जनाएको ती अधिकारीले बताउनुभयाे ।

सरकार र फोहोर फाल्ने क्षेत्रका प्रतिनिधिबीच भएको सहमति नमान्ने भन्दै केही स्थानीयले बन्चरेडाँडामा फोहोर फाल्न रोक लगाएका हुन् । शहरी विकास मन्त्रालय, काठमाडौं महानगरपालिका, नुवाकोटको ककनी गाउँपालिका र धादिङको धुनिबेसी नगरपालिकाका प्रतिनिधिहरुबीच मंगलबारबाट काठमाडौंको फोहोर बिसर्जन गर्ने सहमति भएको थियो ।

गत १४ जेठबाट काठमाडौं महानगरपालिका, ललितपुर महानगरपालिका र अन्य नगरपालिकाहरुको फोहोर उठ्न सकेको थिएन । फोहोर सडकमै थुप्रिएकाले दुर्गन्ध बढेको थियाे ।

शहरी विकास मन्त्रालयको पहलमा बसेको बैठकमा भएको सहमतिमा शहरी विकास मन्त्रालयका आयोजना निर्देशक रवीन्द्र बोहरा, काठमाडौं महागरपालिकाका प्रमुख प्रशासकीय अधिकृत लोकनाथ पौड्याल, धुनिबेसी नगरपालिकाको प्रमुख प्रशासकीय अधिकृत हरिदत्त कँडेल र ककनी गाउँपालिकाको प्रमुख प्रशासकीय अधिकृत गीता कुमारी शर्माले हस्ताक्षर गर्नुभएकाे थियाे ।

उहाँहरूले शहरी विकास मन्त्री रामकुमारी झाँक्री, काठमाडौं महानगरका मेयर बालेन्द्र साह, उपमेयर सुनिता डंगोल, शहरी विकास मन्त्रालयका सचिव रमेश प्रसाद सिंह, धुनिबेसी नगरपालिकाका मेयर बालकृष्ण आचार्य, ललितपुर महानगरपालिकाकी उपमेयर मञ्जली शाक्य, ककनी गाउँपालिकाका अध्यक्ष सुमन तामाङ, उपाध्यक्ष मिठुमाया तामाङ, काठमाडौंका प्रहरी बरिष्ठ उपरीक्षक सुदिप गिरी, ककनी गाउँपालिका वडा नं. ३ का अध्यक्ष घननाथ बजगाईंको रोहबरमा सहमति पत्रमा हस्ताक्षर गर्नुभएकाे थियाे ।

onlinekhabar

आजको ट्रेन्डिङ समाचार

धेरै कमेन्ट गरिएका