अब असार ३१ मा पूजा–आकाशको ‘सम्झना–बिर्सना’ सिनेमा हलमा • Nepal's Trusted Digital Newspaperअब असार ३१ मा पूजा–आकाशको ‘सम्झना–बिर्सना’ सिनेमा हलमा • Nepal's Trusted Digital Newspaper
  • होमपेज
  • अब असार ३१ मा पूजा–आकाशको ‘सम्झना–बिर्सना’ सिनेमा हलमा

अब असार ३१ मा पूजा–आकाशको ‘सम्झना–बिर्सना’ सिनेमा हलमा

  • समाचारपाटी
  • आइतवार, जेष्ठ २२, २०७९
अब असार ३१ मा पूजा–आकाशको ‘सम्झना–बिर्सना’ सिनेमा हलमा

काठमान्डौं । प्रेमकथानक चलचित्र ‘सम्झना–बिर्सना’ को नयाँ प्रदर्शन मिति तय गरिएको छ । पहिला जेठ ६ गते दर्शकमाझ आउने तयारीमा रहेको चलचित्र स्थानीय निर्वाचनका कारण स्थगीत भएको थियो । अब भने यो चलचित्र ३१ असारमा देशभरका सिनेमा हलमा प्रदर्शन हुनेछ ।

निर्माता अद्वितीय प्रधानले ‘सम्झना–बिर्सना’ असार ३१ मा प्रदर्शन हुने जानकारी दिनुभएकाे छ । पूजा शर्मा र आकाश श्रेष्ठ प्रमुख भूमिकामा रहेको चलचित्रको निर्देशन निमेष प्रधानले गर्नुभएकाे हाे । अद्वितीय प्रधानको प्रस्तुति र रेबिका प्रधान निर्माता रहेको चलचित्रमा पूजा, आकाशका साथमा सुनील थापा, छुल्ठिम गुरुङ र शिसिर राणाको अभिनय छ ।

दार्जिलिङ,सिल्गुढी र सिक्कीमका रमणीय स्थानमा खिचिएको चलचित्र आरआर फिल्मस्ले बितरण गर्दैछ । निर्देशक निमेषकै कथा, पटकथा रहेको चलचित्रको संवाद लेखनमा उहाँलाई अभिनेता राणाले सघाउनुभएकाे छ । शिब ढकालले खिचेको चलचित्रका गीतमा राजन इशान र सुदर्शन तामाङको संगीत अनि कमल राईको कोरियोग्राफी र तारा थापा ‘किम्भे’ को सम्पादन रहेकाे छ ।

आदित्य फिल्म्सकाे प्रस्तुति रहेको फिल्मको क्रिएटिभ हेड स्व.बिशारद बस्नेत हुनुहुन्छ । चलचित्रको यसअघि ‘परेलीमा लुकाउछु’ बोलको गीत दर्शकमाझ आइसकेको छ । ‘रिल’ र ‘रियल’ दुवैमा जमेको जोडीका रुपमा चर्चित पूजा र आकाशलाई दर्शकले अब यही चलचित्रमा संगै हेर्न पाउने छन् ।

आफूहरुले निकै मिहीनेतका साथ अभिनय गरेकाले बिगतमा झै यो चलचित्रबाट पनि दर्शकको अपार साथ र माया पाउने बिश्वास पूजा–आकाशको छ । भरपुर मनोरञ्जनका साथै जीवनोपयोगी सन्देश समेत रहेको बताइने चलचित्रकोे नयाँ गीत केही दिनमै सार्वजनीक गर्ने तयारी निर्माण पक्षको छ ।

Samjhana Birsana Date Change

आजको ट्रेन्डिङ समाचार

धेरै कमेन्ट गरिएका