गण्डकी प्रज्ञा प्रतिष्ठानको आयोजनामा लामाचौरमा नेवारी भाषा प्रशिक्षण कार्यक्रम • Nepal's Trusted Digital Newspaperगण्डकी प्रज्ञा प्रतिष्ठानको आयोजनामा लामाचौरमा नेवारी भाषा प्रशिक्षण कार्यक्रम • Nepal's Trusted Digital Newspaper
  • होमपेज
  • गण्डकी प्रज्ञा प्रतिष्ठानको आयोजनामा लामाचौरमा नेवारी भाषा प्रशिक्षण कार्यक्रम

गण्डकी प्रज्ञा प्रतिष्ठानको आयोजनामा लामाचौरमा नेवारी भाषा प्रशिक्षण कार्यक्रम

  • समाचारपाटी
  • शुक्रबार, जेष्ठ २०, २०७९
गण्डकी प्रज्ञा प्रतिष्ठानको आयोजनामा लामाचौरमा नेवारी भाषा प्रशिक्षण कार्यक्रम

राजाराम पौडेल,पोखरा । गण्डकी प्रज्ञा प्रतिष्ठानको सहयोगमा पोखराको लामाचौरमा नेवारी भाषा प्रशिक्षण कार्यक्रम आयोजना भएको छ । प्रशिक्षण कार्यक्रमको उद्घाटन शिक्षा, संस्कृति, विज्ञान प्रविधि तथा सामाजिक विकास मन्त्रालय गण्डकी प्रदेश, पोखराका सचिव देवेन्द्र लामिछानेले गर्नुभएकाे थियाे ।

शुभारम्भ कार्यक्रममा बोल्दै सचिव लामिछानेले गण्डकी प्रज्ञा प्रतिष्ठानले विभिन्न जातीको मातृभाषा संरक्षणको लागि प्रशिक्षण कार्यक्रम आयोजना गर्न सहयोग गरेकोमा प्रशंसा गर्नुभयो । मातृभाषा संरक्षणका लागि यस्ता कार्यक्रम फलदायी बन्ने उहाँको विश्वास छ ।

लामाचाौर नेवाः खलः गुठीका अध्यक्ष राम प्रसाद क्षेष्ठको अध्यक्षतामा भएको कार्यक्रममा पोखरा महानगरपालिका वडा नम्बर १९ का अध्यक्ष पुष्पेन्द्र पाण्डे, नेवाः खलः कास्कीका अध्यक्ष अशोक पालिखे, गण्डकी प्रज्ञा प्रतिष्ठानका सदस्य सचिव मनकुमार श्रेष्ठले आफ्ना भनाइ राख्नुभएको थियो । नेवारी भाषा प्रशिक्षण कार्यक्रमको प्रशिक्षकमा विक्रम उदास र मधुसुदन जोशी रहनुभएको छ ।

नेवाः खलः कास्की र नेवाः ल्याम्हं पुचः कास्कीको आव्हान तथा लामाचौर नेवाः खलः गुठीको आयोजनामा सुरु भएको प्रशिक्षण कार्यक्रम एक महिनासम्म सञ्चालन हुनेछ । प्रशिक्षण कार्यक्रममा १० वर्ष देखि माथीको उमेर समुहका २५ जना प्रशिक्षार्थीको सहभागीता रहेको छ ।

गण्डकी प्रज्ञा प्रतिष्ठानको सहयोगमा स्थापित जाती विस्तापित भाषा नाम दिएर यो प्रशिक्षण कार्यक्रम आयोजना भईरहेको छ । जस अनुसार तामाङ, र दुरा भाषाको प्रशिक्षण कार्यक्रम सम्पन्न भइसकेको गण्डकी प्रज्ञा प्रतिष्ठानका सदस्य सचिव मनकुमार श्रेष्ठले बताउनुभयो । नेवारी भाषा प्रशिक्षण कार्यक्रम भने दोस्रोपटक हुन लागेको हो । यसअगाडि नेवाः खलः पृथ्वीचोकको आयोजनामा नेवारी भाषा प्रशिक्षण कार्यक्रम सम्पन्न भएको थियो ।

यसैगरी यहीं जेठ २२ गतेबाट गुरुङ भाषाको प्रशिक्षण कार्यक्रम पोखरामा सुरु गरिने गण्डकी प्रज्ञा प्रतिष्ठानका उपकुलपति गोरे गुरुङले जानकारी दिनुभयो । प्रतिष्ठानले साहित्यका सबै विधालाई महत्वका साथ स्थान दिँदै यिनको संरक्षण तथा प्रवद्र्धन गर्न निरन्तर कार्य गर्ने उपकुलपति गुरुङको भनाई छ । आगामी आर्थिक वर्षमा समेत मातृभाषा प्रशिक्षण कार्यक्रमलाई निरन्तरता दिने योजना गण्डकी प्रज्ञा प्रतिष्ठानले बनाएको छ ।

आजको ट्रेन्डिङ समाचार

धेरै कमेन्ट गरिएका