विपक्षी दलका भाषणलाई आपूर्तिमन्त्रीले स्तरहीन भनेपछि संसद अवरुद्ध • Nepal's Trusted Digital Newspaperविपक्षी दलका भाषणलाई आपूर्तिमन्त्रीले स्तरहीन भनेपछि संसद अवरुद्ध • Nepal's Trusted Digital Newspaper
  • होमपेज
  • विपक्षी दलका भाषणलाई आपूर्तिमन्त्रीले स्तरहीन भनेपछि संसद अवरुद्ध

विपक्षी दलका भाषणलाई आपूर्तिमन्त्रीले स्तरहीन भनेपछि संसद अवरुद्ध

  • समाचारपाटी
  • शुक्रबार, जेष्ठ १३, २०७९
विपक्षी दलका भाषणलाई आपूर्तिमन्त्रीले स्तरहीन भनेपछि संसद अवरुद्ध

काठमाडौं । विपक्षी दलका नेताको अभिव्यक्तिलाई उद्योग वाणिज्य तथा आपूर्तिमन्त्री दिलेन्द्रप्रसाद बडूले स्तरहीन भनेपछि नेकपा एमालेले संसद अवरुद्ध गरेको छ ।

शुक्रबार प्रतिनिधिसभाको बैठकमा विशेष समय लिएर बोलेका कानुनमन्त्री बडूले प्रमुख प्रतिपक्षी दलका नेता केपी शर्मा ओलीले नीति तथा कार्यक्रममाथि छलफलका क्रममा दिएको अभिव्यक्तिलाई स्तरहीन भन्नुभएकाे थियाे ।

लगतै एमाले सांसद खगराज अधिकारीले नियमापत्ति गर्नुभयाे । सभामुखले आफ्नो ध्यानाकर्षण भएको बताएपछि कानुनमन्त्री बडूले आफ्नो सम्बोधन जारी राख्नुभयाे ।

‘आफू प्रधानमन्त्री हुँदा कमिसनको चास्नीमा रमाएको अवस्थामा सत्ता गुमाउन पुगेकाले कमिसन बाहेक के नै देख्नसक्छ र’ भनेपछि एमाले संसदहरु फेरि उठे । विपक्षी दलका नेतामाथि गरेको टिप्पणी रेकर्डबाट हटाउनुपर्ने एमाले सांसदको माग छ । एमालेको अवरोधपछि संसद बैठक १५ मिनेटका लागि स्थगित भएको छ ।

आजको ट्रेन्डिङ समाचार

धेरै कमेन्ट गरिएका