माग्ने बुढाको निर्देशनमा बनेको ‘कमेडी हब’ बुधबारदेखि, यस्ता छन् कलाकारहरु • Nepal's Trusted Digital Newspaperमाग्ने बुढाको निर्देशनमा बनेको ‘कमेडी हब’ बुधबारदेखि, यस्ता छन् कलाकारहरु • Nepal's Trusted Digital Newspaper
  • होमपेज
  • माग्ने बुढाको निर्देशनमा बनेको ‘कमेडी हब’ बुधबारदेखि, यस्ता छन् कलाकारहरु

माग्ने बुढाको निर्देशनमा बनेको ‘कमेडी हब’ बुधबारदेखि, यस्ता छन् कलाकारहरु

  • समाचारपाटी
  • मङ्लबार, जेष्ठ १०, २०७९
माग्ने बुढाको निर्देशनमा बनेको ‘कमेडी हब’ बुधबारदेखि, यस्ता छन् कलाकारहरु

हाँस्यकलाकार केदारप्रसाद घिमिरे माग्ने बुढाको निर्देशनमा रहने हाँस्यव्यङ्ग्य टेलिभिजन कार्यक्रम ‘कमेडी हब’ जेठ ११ गते बुधबार देखि हरेक हप्ता प्रसारण हुने भएको छ।

सोमबार काठमाडौंमा आयोजित पत्रकार सम्मेलनमा शोका विषयमा औपचारिक जानकारी गराइएको हो। युवा हाँस्यव्यङ्ग्य कलाकार राजा राजेन्द्र पोखरेलको परिकल्पना रहेको टेलिभिजन कार्यक्रम एपि वान बाट हरेक बुधबार बेलुका ८ बजे पश्चात आउने भएको छ। कलाकार मदनकृष्ण श्रेष्ठ र हरिवंश आचार्यसहित हाँस्यविधाका चर्चित कलाकारले यस कार्यक्रमको शुभारम्भ गर्नुभएकाे हाे। कार्यक्रममा बोल्दै महजोडीले शोको सफलताको कामना दिनुभयाे ।

अभिनेता दीपकराज गिरीले पछिल्लो समय नेपालमा हाँस्यव्यङ्ग्य विधालाई रुचाइन थालिएको बताउनुभयाे। अभिनेता मनोज गजुरेलले हँसाउनु, सामाजिक सन्देश र एकताको सन्देश दिनु कमेडीको उद्देश्य रहेको बताउनुभयाे।

अभिनेता जितु नेपाल मुन्द्रेले पछिल्लो समय टेलिभिजन हेर्ने बानी कम भएको भन्दै अहिले दर्शकले टीभी नभएर टीभीले दर्शक हेर्ने परिस्थिति आएको भन्दै ठट्टा गर्नुभयाे।

एक दर्जनभन्दा बढी नयाँपुस्ताका कमेडी कलाकारलाई लिएर मिडिया हबले कार्यक्रम निर्माण गर्न लागेको हो। कार्यक्रममा माग्ने बुढा, राजा राजेन्द्र पोखरेल र हिमेश पन्त,सुवोध गौतम, राजेन्द्र नेपाली लट्टे, जानुका पौडेल प्याकुली, दिलीप तामाङ हुरहुर, खड्गबहादुर पुन खबपु, प्रभात लामा, संगम राई लब्ली, नारिया गिरी, राधिका कँडेल, बेदना राई मैना, सीता न्यौपाने, अनिल राई आम्बो, दीपेन्द्र प्रसाईं, कल्पना खतिवडा र दीपेश घिमिरेले कमेडी पस्किनेछन्।

जनकदीप पराजुलीको प्रविधि निर्देशन, सागर प्रधानको छायांकन र फूर्वा शेर्पाको श्रृंखला निर्देशन रहने कार्यक्रममा नाटक, प्रहसन, स्ट्याण्डअप, प्यारोडी, हास्यकविताका विधा समेटिने जनाइएको छ।

 

आजको ट्रेन्डिङ समाचार

धेरै कमेन्ट गरिएका