बिहारमा आएको आँधीमा परेर ३३ जनाको मृत्यु • Nepal's Trusted Digital Newspaperबिहारमा आएको आँधीमा परेर ३३ जनाको मृत्यु • Nepal's Trusted Digital Newspaper
  • होमपेज
  • बिहारमा आएको आँधीमा परेर ३३ जनाको मृत्यु

बिहारमा आएको आँधीमा परेर ३३ जनाको मृत्यु

  • समाचारपाटी
  • आइतवार, जेष्ठ ८, २०७९
बिहारमा आएको आँधीमा परेर ३३ जनाको मृत्यु

नयाँ दिल्ली । भारतीय पूर्वी राज्य बिहारमा आएको आँधीमा परेर कम्तीमा पनि ३३ जनाको ज्यान गएको छ। बिहीबारदेखि भारी वर्षासहित आएको आँधीले यहाँ जनधनको ठूलो क्षति भएको पनि बताइएको छ।

बिहार राज्यका मुख्मन्त्री नितिश कुमारलाई उद्धृत गर्दै त्यहाँका स्थानीय सञ्चारमाध्यमहरुले दिएको समाचारअनुसार बिहीबारदेखि सुरु भएको वर्षा तथा हावाहुरीले ३३ जनाको ज्यान लिएको हो।

यस राज्यका करिब १६ जिल्लामा आँधीले असर गरेको छ। सो आँधीले सयौँ घर भत्काइदिएको छ भने अरु भौतिक संरचनामा पनि क्षति पुगेको छ। भत्किएका घरको पुननिर्माणका साथै अन्य सहायताका लागि यहाँका सुरक्षा निकायहरुलाई मुख्यमन्त्रीको कार्यालयले निर्देशन दिएको बताइएको छ।

साथै मुख्यमन्त्रीको कार्यालयले उक्त आँधीमा परेर ज्यान गुमाएका व्यक्तिहरुका परिवारलाई ४ लाख भारतीय रुपैयाँ सहयता दिने घोषणा पनि गरेको समाचारमा जनाइएको छ। भारतीय प्रधानमन्त्री नरेन्द्र मोदीले आँधीले पुर्‍याएको क्षतिप्रति दुःख व्यक्त गर्नुभएकाे छ।

रासस

आजको ट्रेन्डिङ समाचार

धेरै कमेन्ट गरिएका