डोटी गेरुपानीमा बस दुर्घटना एक बालक बेपत्ता, १२ जना घाइते • Nepal's Trusted Digital Newspaperडोटी गेरुपानीमा बस दुर्घटना एक बालक बेपत्ता, १२ जना घाइते • Nepal's Trusted Digital Newspaper
  • होमपेज
  • डोटी गेरुपानीमा बस दुर्घटना एक बालक बेपत्ता, १२ जना घाइते

डोटी गेरुपानीमा बस दुर्घटना एक बालक बेपत्ता, १२ जना घाइते

  • समाचारपाटी
  • शनिबार, जेष्ठ ७, २०७९
डोटी गेरुपानीमा बस दुर्घटना एक बालक बेपत्ता, १२ जना घाइते
photosource:-onlinekhabar

डोटी । डोटीको शिखर नगरपालिका–१ गेरुपानीमा बस दुर्घटना हुँदा एकजना बालक बेपत्ता भएका छन् । १२ जना घाइते भएका छन् ।

कैलालीबाट अछामका लागि छुटेको ना ५ ख ९६६३ नम्बरको बस शनिबार बिहान ५ बजेतिर दुर्घटना भएको हो । जिल्ला प्रहरी कार्यालय डोटीका प्रवक्ता प्रहरी नायव उपरीक्षक भोलाकुमार भट्टका अनुसार दुर्घटनामा अछाम चौरपाटी गाउँपालिका–६ का सुरेन्द्र शाहीका १८ महिने छोरा सुजन शाही बेपत्ता छन् ।

बस सेती नदीको किनारमा पुगेका कारण बालक नदीमा बेपत्ता भएको हुन सक्ने प्रहरीको अनुमान छ । ‘दुर्घटना आसपासका क्षेत्रमा सबै खोजी गर्दा भेटिएन,’ प्रवक्ता भट्टले भन्नुभयाे ‘दुर्घटना भएको बस सेती नदी किनारैमा पुगेको हुँदा नदीमा बेपत्ता भएको अनुमान छ ।’

दुर्घटनामा परी बस सहचालकसहित ३ जना गम्भिर घाइते भएका छन् । गम्भिर घाइतेहरुलाई धनगढी रिफर गरिएको भट्टले जानकारी दिनुभयाे । ८ जना सामान्य घाइते भएका छन् । सामान्य घाइतेहरुको शैलेश्वरी अस्पतालमा उपचार भइरहेको प्रहरी नायव उपरीक्षक भट्टले जानकारी दिनुभएकाे छ ।

बस चालक फरार रहेकाे चालककाे खोजी भइरहेको र दुर्घटनाबारे थप अनुसन्धान भइरहेको प्रहरीले जानकारी दिएको छ ।

आजको ट्रेन्डिङ समाचार

धेरै कमेन्ट गरिएका