यौन हिंसाको घटनाको सम्बन्धमा छानबिन गर्न सरकारलाई सभामुख सापकोटाकाे निर्देशन • Nepal's Trusted Digital Newspaperयौन हिंसाको घटनाको सम्बन्धमा छानबिन गर्न सरकारलाई सभामुख सापकोटाकाे निर्देशन • Nepal's Trusted Digital Newspaper
  • होमपेज
  • यौन हिंसाको घटनाको सम्बन्धमा छानबिन गर्न सरकारलाई सभामुख सापकोटाकाे निर्देशन

यौन हिंसाको घटनाको सम्बन्धमा छानबिन गर्न सरकारलाई सभामुख सापकोटाकाे निर्देशन

  • समाचारपाटी
  • शुक्रबार, जेष्ठ ६, २०७९
यौन हिंसाको घटनाको सम्बन्धमा छानबिन गर्न  सरकारलाई सभामुख सापकोटाकाे निर्देशन

काठमाडौं । सभामुख अग्निप्रसाद सापकोटाले सामाजिक सञ्जालमार्फत सार्वजनिक भएको यौन हिंसाको घटनाको सम्बन्धमा छानबिन गरी दोषीलाई कानुनी दायरामा ल्याउन सरकारलाई निर्देशन दिनुभएकाे छ ।

सन् २०१४ मा भएको सौन्दर्य प्रतियोगितामा सहभागी एक किशोरीले बुधबार सामाजिक सञ्जाल टिकटकमा २० वटा भिडियो क्लिप सार्वजनिक गर्दै कार्यक्रमका आयोजकमध्येका एक व्यक्तिले जबरजस्ती करणी गरेको खुलासा गर्नुभएकाे थियाे ।

शुक्रबारको प्रतिनिधि सभा बैठकमा नेपाली कांग्रेसका सांसद गगनकुमार थापाले सामाजिक सञ्जालमा एक युवतीले आफूलाई बलात्कार भएको घटना सार्वजनिक गरेको उल्लेख गर्दै घटनामा संलग्न पीडकलाई कारबाही गर्न माग गर्नुभएकाे थियाे ।

लगत्तै समामुख सापकोटाले सांसद थापाको कुराप्रति आफ्नो गम्भीर ध्यानाकर्षण भएको भन्दै सो घटनाको सम्बन्धमा शीघ्र छानबिन गरी सत्यतथ्य पहिचान गर्न र दोषीलाई कानुनी दायरामा ल्याउन सरकारलाई निर्देशन दिनुभएकाे हाे ।

सरकारलाई निर्देशन दिंदै सभामुख सापकोटाले भन्नुभयाे, ‘माननीय सदस्यहरु, माननीय सदस्यले आफ्नो भनाइ राख्दैगर्दा प्रारम्भमा प्रस्तुत गर्नुभएको यौनहिंसा सम्बन्धी विषयमा मेरो गम्भीर ध्यानाकर्षण भएको छ । सो सम्बन्धमा शीघ्र छानबिन गरी सत्यतथ्य पहिचान गर्न र दोषीलाई कानुनी दायरामा शीघ्र ल्याउन नेपाल सरकारलाई निर्देश गर्दछु ।’

आजको ट्रेन्डिङ समाचार

धेरै कमेन्ट गरिएका